Nehemi 11:18 - Yálá laawoo hɛɓɛ (dc)

¹⁸ Levi huwuhu nuąi kpɔ kɛ daa kɛnɛ̨ hu, di kɛ a nu nwun veelɛ nu pow mɛ̨ihaaɓa kɔ́w nąąn (284).

Yálá laawoo hɛɓɛ

¹⁸ Levi huwuhu nuąi kpɔ kɛ daa kɛnɛ̨ hu, di kɛ a nu nwun veelɛ nu pow mɛ̨ihaaɓa kɔ́w nąąn (284).

Bible

¹⁸ Liiva-ŋai sèe Zerusâlɛŋ daa-lee maa-waai sui, díkelee díkɛ̀ a núu ŋuŋ feerɛ pôlu buu lɔ́ɔlu mɛi saaƃa kao náaŋ (284).

Nehemi 11:18 Iomraidhean Croise

Tɔɔɓɛlaa dɔlɔɔ 11:13

Kɛlaa, və́ pa nɔi kəlee kulɔi ɲəi. Gáá pai Israɛlə nu huwu tɔ̨nɔ̨ tɛɛi bɔ ə́ nąn Davidə mąą mɛ̨nį ɓa, da Ɉerusalɛmə mąą mɛ̨nį ɓa, daai ŋą́ ɉəɠə ɉu a nííɓa taa.»

Nehemi 11:1

Nɔi ɲąąwooɓo nuą di kɛ heeni Ɉerusalɛmə. Nɔi lonnii di gɔ́ a kpɛɛ, di nu tɔ̨nɔ̨ həɠə nu pow lɔwai, yili yɛ pa heei Ɉerusalɛmə daa mąąhəɠɛɛ hu, mɛ̨inąąn dakpɛliɠaai tii di lɛɛ daaɠaa hu.

Nehemi 11:17

Matania nąn mąą: Mika, yili nwɔ nąn mąą: Ɉavdi, yili nwɔ nąn mąą: Asafə yaai nwələ toɔ mąą la tɛɛ kɛ bɔ, Matania ɓə vɛli ɓo woo ɓoɔ kɔ́wɔ tɔɔ nąąlɔwai; da Matania nəɠə Bakbukia, da Samua lon Avda, yai kɛ a Galalə lon, a Yedutun lon.

Nehemi 11:19

Bɛlɛ́ laaləi nuą, Akuvə, Talmɔn da di kaayɔwɔɠaai kɛ a bɛlɛ́ laaləi mąąkpɛ nuą, di kɛ a nu nwundɔ̨nɔ̨ nu pow mɛ̨ihveelɛ kɔ́w hveelɛ (172).

Danîa 9:24

Daa mąąhəɠɛɛi ŋɛ̨i, da ə́ wɔ nuąi, mɛ̨nį ta aa ɓo di laa mɛ̨i, yii gaa pai həli diɛ lɔwai pow mɛ̨ihveelɛ heei kwɛlan mɛ̨ihveelɛ yee mu. Nąąlɔwai kaa a lɔwai yii viɛlaɓoɔ, ə gɛ, di kulɔ nwoo mu laa kpɛɛ, nąąlɔwai ɓə di mɛ̨nį ɲɔ̨n gbɛɛ la, di di wɔ nɛ̨ŋɛ̨nŋaa mąąhvaalɛɛ, tələnmolaa yii kpɛɛ hvo mą, di gulɔ pɔ̨nɔ̨ ŋą, hįi kaaɠaa da mɛ̨nįi Yálá kwəi mɛ̨nį hukulɔ mun ə mo naa ə hon. Ɛlɛɛ, nui mąąhəɠɛɛ nu mąąhəɠɛɛɠaa diɛ, di mąątí.

Maafîu 24:15

«Yili ɓə gaa mą, ɓɛlɔwai ka káá pai nwun napili mɛ̨nį mąą ɲɔ̨wuɔ, kaai la tɔɔ ni ɓɛi da Yálá mąą mɛ̨nį ɓo laai, yɛ pələi Yálá kwəi mɛ̨nį hukulɔ mun Daniɛlə ə mo la. Nui gaa mɛ̨nįɠaa ŋɛ̨i kalan ɉii ə gbaɠala kaa a nəlɛɛ!

Maafîu 27:53

diɛ kulɔ di kámą hu. Jesus nwunŋąą ə kulɔ gámąi, Yálá nwɔ nu mąąɠəɠɛɛɠaa tamąą tii di tɛ Ɉerusalɛmə Yálá nwɔ taai hu, nu tamąą di di kaa.

Maafîu 4:5

Yili pulu nąnį ə ɉəɠə, ə li la Ɉerusalɛmə, daa mąąɠəɠɛɛ hu, ə dɛ, ə dɔɔ Yálá hee pɛlɛ́ kɛnɛ̨i tona,

M̀ɛni-lɛɛi 11:2

Kɛlaa, Yálá hee pɛlɛ́ gwəli hąą kɛnɛ̨i tii, nɛɛ laa, 'hvó nąą kɔɔn, mąąhɔlɔɓo, daa nąą kwɛlɛ huwu takpɛliɠaa pɔ, diɛ pa hiɛ daa mąąhəɠɛɛ mɛ̨i, ə lɛɛ ɉu, ɲąnįn bow-nąąn-kɔw-hveelɛ yee mu.

M̀ɛni-lɛɛi 21:2

Ɛlɛɛ, ŋą́ daa mąąhəɠɛɛ kaa, yai a Ɉerusalɛmə nįnɛ̨, yɛ həɠə Yálá kwɛlɛ, yələkɔlɔn ɉu, yɛ nɛ̨ɛ̨gbɛlai aa gbɔwɔ pɛli a nɛlɛɛ ɉilɛ mąą mɛ̨nį ɓa.