Nehemi 10:30 - Yálá laawoo hɛɓɛ (dc)

³⁰ di tɔɔ di kaayɔwɔɠaai a nu kpɛa kpɛaɠaa di pulu, ə lɛɛ, di mįnɛ̨ həɠə diɛ di kwɛla, diɛ di kaa pai hiɛi a Yálá nwɔ tɔ́n nwooi, yai ə dɛɛ nwɔ tímun Moisə yee ŋą. Yai-Laa gu wɔ Yálá nwɔ tɔ́n nwooɠaa, nwɔ tíɓoɠaa diɛ pɛli di yee kɛi da nwɔ yɛnɛ̨ɛ̨ hon bələ ɓa, diɛ di pɔ túwɔ́ ɓo.

Yálá laawoo hɛɓɛ

³⁰ di tɔɔ di kaayɔwɔɠaai a nu kpɛa kpɛaɠaa di pulu, ə lɛɛ, di mįnɛ̨ həɠə diɛ di kwɛla, diɛ di kaa pai hiɛi a Yálá nwɔ tɔ́n nwooi, yai ə dɛɛ nwɔ tímun Moisə yee ŋą. Yai-Laa gu wɔ Yálá nwɔ tɔ́n nwooɠaa, nwɔ tíɓoɠaa diɛ pɛli di yee kɛi da nwɔ yɛnɛ̨ɛ̨ hon bələ ɓa, diɛ di pɔ túwɔ́ ɓo.

Bible

³⁰ Kúfe pâi ŋɔ́nɔ kúlônii-nɛyãai tɛɛ̂i sirɛ-taai sîi da kpɛ́ni-ŋa su. Kúfe pâi tela dílônii-nɛyãai da kulâi a nɛnî kúmɛni ma kpaa máŋ kúlôni sinaai.

Nehemi 10:30 Iomraidhean Croise

Tɔɔɓɛlaa veelɛ 23:25

A tɛ̨ą, tɔɔmun da hvo ta kɛ hɔlɔɓo li Ɉosiasə tɔwɔ yii nii kəlee tinɛ̨n Yai-Laa pɔ pələ nwɔ yɛnɛ̨ɛ̨ kəlee hu, nwɔ huwalawala kəlee, yɛ Moisə nwɔ tɔ́n laahɔnmo ɲee tɔ̨nɔ̨ mɛ̨i. Ə kulɔ Ɉosiasə pulu da hvo ta gɛ li yɛ yaa ə mą kɛ ɉaa pulu, yɛ bɔɔ tɔɔn.

Tɔɔɓɛlaa veelɛ 23:3

Tɔɔmun ə kɛ tɔɔni gbədələn ŋą Yai-Laa lííla, ə mįnɛ̨ həɠə woo hu nwun, ə mo yɛ diɛ: mįnɛ̨ ɓə a gu hvilɛn Yai-Laa pulu, ə gu kanąn nwɔ liɛwooɠaai diɛ, da gwəi mɛ̨nįɠaa, mąąnɛ̨ɛ̨, nu tɛitɛi kəlee ə nwoo kwɛlɛ, yɛ kɛ diɛ: dɔ́n nwooɠaai gaa ɉɛɓɛ́i tii hu, a ɲee hee mu, a nii kəlee, da nwɔ kiliŋąhiɛ kəlee. Nɔi lonnii kəlee di hvaa mįnɛ̨ həɠə woo tii ɓa.

Kɔlɔnikɔ Veerɛi 34:31

Tɔɔmun ə lɛɛ tɔɔni dɔɔi, ə nwoo kwɛlɛ Yai-Laa ɓa, yɛ gaa pai hvilɛn ɉii Yai-Laa pulu, ə ɲee kanąn nwɔ tíɓoɠaai da mąąpamą wooɠaa diɛ, da nwɔ tɔ́nŋąą diɛ, yɛ hvilɛn mįnɛ̨ hɛɓɛ́ hu wooɠaa pulu a nii kəlee, nwɔ yɛnɛ̨ɛ̨ kəlee yee mu.

Nehemi 10:1

Mɛ̨nįɠaai tii mąą mɛ̨nį ɓa, ku kaa ku kwɛlai a nwalawala ku bu hɛɓɛ́ hu, nu kɛnɛ̨ ə ɲee pɔɔ too ɉu. Ku ɲɛ̨itɔwɔ nuą, Levi huwuhu nuą da ku wɔ haláá laa həli nuą, di laa kaa ɉu.

Nehemi 13:23

Ɲələi tii ɓə nwɔ̨nɔ̨, ŋį́ Ɉuifəɠaa kaa la, diɛi Asdɔdə, Amɔn da Moabə nɛ̨ąą həɠə la a di nɛ̨ąni;

Nehemi 13:25

Ŋą́ haŋą diɛ, ŋį́ di nɛ̨ŋɛ̨n naa, ŋį́ daɠaa kɛlɛ di lɔwai, ŋį́ di nwun nəɠa kulɔ. Yili pulu, ŋį́ mo diɛ, di di kwɛla a Yálá laa, gɛ́ diɛ: «Ka hvo ka lon nɛ̨ąą tɛɛ da lɔpee pɔ a nɛ̨ą, ka hvo di lon nɛ̨ɛ̨nu ta həɠə a ka lon nɛ̨ą, ə mą kɛ a kaa kpinįi ka wɔɔ.

Nehemi 13:30

Ŋą́ di mąąhəɠə, ŋį́ nwɛ̨ą kulɔ di lɔwai, ŋį́ pənə ŋį́ ɉaláá laa həli nuą da Levi huwuhu nuą hee di kɛ koló nwun na, nu kəlee da gɛ koló.

Nehemi 5:12

Diɛ diɛ: «Kwaa hvaa mą, ku kaa dɛɛi di pɔ, ku hvo hɛn da hvɛlii diɛ. Ku kaa gɛi yɛ pələi ə́ mo la.» Ŋą́ ɉaláá laa həli nuą təli, nuąi tii di di kwɛla di ɲɛ̨i ɓa, di gɛ yɛ pələi di mo la.

Mąątɛ̨nɛ̨ 119:106

Ŋą́ą́ gwɛ́la, ɛlɛɛ, nwóó lɔ ɓaa a nwóó, gɛ́ ŋą́ ə́ wɔ tɔn nwooɠaai pɔ yíiɓo, di haŋąąi.

Lɛɛ gbɔwɔ ɓa 34:16

Akɛ ka di lonnii nɛ̨ąą həɠə kaa dɛɛ ka lonnii pɔ a di nɛ̨ąni, nɛ̨ąą tii da kɛi túwɔ́ pələ ɲɔ̨n gulɔi da di wɔ haliɠaai, di kaa pai dúwɔ́ pələ ɲɔ̨n tii lɔi ka lonnii yee pɔ, da diɛni diɛ gɛ, da di wɔ haliɠaai.

Dutɛrɔnome 29:11

Ka kəlee ka káá ɓɛ, kaa pa ka Yai-Laa ka wɔ Yálái, ka diɛni ka wɔ mįnɛ̨i hu nwun ɉii. Di kaa naa həlii a lolo woo diɛ di kwɛla; mįnɛ̨i ŋɛ̨i Yai-Laa ka wɔ Yálái kaa naai ka diɛni ka lɔwai.

Dutɛrɔnome 7:3

Hilɛtaa mɛ̨nį hvo kɛ ka diɛni ka lɔwai. Ka hvo ka lonnii nɛ̨ąą tɛɛ di lon ɉinąą pɔ, ka hvo di nonnii nɛ̨ąą həɠə a ka lon ɉinąą di nɛ̨ąni.