Nehemi 1:9 - Yálá laawoo hɛɓɛ (dc)

⁹ Kɛlaa, akɛ, ka pənə ka pa bɔ́, ka ka yee hee nwɔ tíɓoɠaa mu, kaa bɔ mɛ̨nį kɛ. Ka wɔ nuą di mą kɛ luwɔlaa hu lɔi kpɛlai, ŋį́ di ɲąą kpɔn, ŋį́ paa diɛ, ɓɛi ŋɛ̨i ŋį́ ɉəɠə ɉu, náá yɛ́ ɓo laa.›

Yálá laawoo hɛɓɛ

⁹ Kɛlaa, akɛ, ka pənə ka pa bɔ́, ka ka yee hee nwɔ tíɓoɠaa mu, kaa bɔ mɛ̨nį kɛ. Ka wɔ nuą di mą kɛ luwɔlaa hu lɔi kpɛlai, ŋį́ di ɲąą kpɔn, ŋį́ paa diɛ, ɓɛi ŋɛ̨i ŋį́ ɉəɠə ɉu, náá yɛ́ ɓo laa.›

Bible

⁹ Kɛ́lɛ kà tìnaŋ ŋɔ́nɔ ḿbɔ naa pêre, ká kɛ́ ŋá tɔ̂ŋ mɛi kâa, ŋa pâi pâi a káa pôlu ƃɛ́i ŋá ǹaa sìɣe a gɛɛ ká kɛ́ ḿvɛ̀li naai. À nɛ̃ɛ ma kpîŋ ká kɛ́ a kátaa tâa lɔii ŋuŋ da kpɛ́ni-ŋa su.’

Nehemi 1:9 Iomraidhean Croise

Tɔɔɓɛlaa dɔlɔɔ 8:48

Da pənə da pa ə́ pɔ di kwəi tɔ̨nɔ̨ mɛ̨i, a di lii kəlee, nɔi tii di yowoɠaa di li a diɛ ɉu, da kɛi ə́ hvɛli di ɲɛ̨i tinɛ̨n ŋąą di wɔ lɔi pɔ pələ, yai wɔlɔ ə́ dɛɛ di nąnni pɔi, da daai ə́ ɉəɠə ɉu bɔ pələ, da bɛlɛ́i ŋą́ dɔɔ ə́ laa ɓa, bɔ pələ,

Tɔɔɓɛlaa dɔlɔɔ 9:3

Yai-Laa yɛ Salomɔn ɓa: «Vɛli woo da nɛ̨ɛ̨mąą wooi ŋɛ̨i ə́ naa həli mą́ą́, ŋą́ą́ mɛ̨n, bɛlɛ́i ŋɛ̨i ə́ dɔɔ, ŋą́ą́ gɛ a pɛlɛ́ mąąhəɠɛɛ. Náá kaa pai kɛi mą a yələ kəlee, nwɔ́ kɛɛ kaa da nwɔ́ kiliŋąhiɛ yɛ ɓo mɛ̨i a yələ kəlee.

Kɔlɔnikɔ Maa-ŋuŋ 16:35

'Ka mo kpɔ a ɉələ woo, kaa diɛ: «Ku ɓalo Yálá! Ku ɓalo! Ku ɲąąkpɔn, Ə́ ku kulɔ hį́i takpɛliɠaa lɔwai. Ə gɛ, ku Ə́ laa mąąhəɠɛɛ tɛ, ɛlɛɛ, Ə́ mąątɛ̨nɛ̨ mɛ̨nį ə ɓo a ku ɲɛ̨i pɔ̨nɔ̨ hɛn.

Ɛsdrasə 6:12

Ɲą́ą́ Dariusə, gɛ́, Yálá yii naa kaa gɛɛnąąi tii, tɔɔmun a wala kɛ tii lɔi lɔpee a muhəɠə nwɔ pɛ́lɛ́i laa ɓa Ɉerusalɛmə daai, Ɲálái tii ə mąą nu nwun na pili. Gɛ́, mɛ̨nįi ŋɛ̨i ŋį́ mo, ə kɛ kpɔlɔ tii, da hvo həɠə mą.»

Mąątɛ̨nɛ̨ 106:47

Yai-Laa, ku wɔ Yálá! 'Ku ɓalo wɛ! 'Ku kulɔ huwu takpɛliɠaa lɔwai, ə ku ɲąąkpɔn. Kuɔ pɛli Ə́ laa Mąąhəɠɛɛ tooi a wələ, ɛlɛɛ, Ə́ mąątɛ̨nɛ̨ mɛ̨nį ə ɓo a ku ɲɛ̨i pono mɛ̨nį.

Mąątɛ̨nɛ̨ 107:3

yɛ di kulɔ lɔi kəlee hu, yɛ di ɲąąkpɔn, diɛ həɠə hvoló həɠəi pələ da dooi pələ, diɛ həɠə ɲá nwuɔ̨ pələ da ɉɛɠɛɛ pələ.

Mąątɛ̨nɛ̨ 147:2

Yai-Laa ɓə pənə ə Ɉerusalɛmə tɔɔ, Gaa pənəi yɛ Israɛlə nwɔ kɔluwɔ pɔlɔɠaa ɲąąkpɔn.

Azaya 11:12

Gaa pai ɉilɛyili tɛi, ə nɔiɠaai tii kili ɲąpono, yɛ kɛ diɛ: Israɛlə nu huwui luwɔ pələi, gaa pai gəlee ŋąąkpɔn ɉii, Ɉuda nu huwui daɠataɠaa, ə nɛɠɛ gee ɓa, ə di kulɔ yɛnɛ̨ɛ̨ lɔi kəlee hu.

Azaya 27:12

Mąą yələ, Yai-Laa kaa pai nwɔ mɔ̨nun kɛlɛi, ə həɠə Eufratə ya ɓa, ə həli la Eziptə yai ɓa, kaa ɓə di kaa pai ka həɠəi ɉu, yɛ ka həɠə ɉu tɛitɛi, kaai a Israɛlə lonnii.

Azaya 56:8

Mɛ̨nį kəlee ŋą Hééɓomun Yálá woo ka, yai a Israɛlə lonnii tii luwɔlaa hu di ɲąąkpɔn, yɛ: Yiiɠaai daa gbɛa di ɲąąkpɔn ɓɛ, ŋį́ pa nwɔ̨nɔ̨ a dakpɛliɠaa, gɛ di pɛlɛ diɛ.

Ɉeremi 12:15

Kɛlaa ŋį́ di kulɔ tii a di nwun, gáá pai pənəi ŋį́ di mąąwɛli kaa, ŋį́ pənə ŋį́ pa a di kəlee gwɛ́lin nɔi hu, ŋį́ nu kəlee hee nwɔ lɔi hu.

Ɉeremi 3:14

Yai-Laa woo ka, yɛ diɛ: Ka pənə ka pa bɔ́, ká kulɔ nwoo mu lɛapɛlɛɛ ŋɛ̨i; mąąhɔlɔɓo, ka nwun nąmu ɓaa ɲą́ą́. Gáá pai nu tɔ̨nɔ̨ həɠəi taa tɔ̨nɔ̨ hu, nu hvelɛ lɔi tɔ̨nɔ̨ hu, gɛ́ li a kaa Siɔn daai.

Ɉeremi 31:10

Lɔiɠaa! 'Ká ka wəli tɔɔ Yai-Laa woo ɓa! 'Ká ɉukulɔ gboloyá pulu lɔiɠaa diɛ, káá diɛ: «Nui Israɛlə lonnii hu taɠa lɔiɠaa lɔwai, gaa pənəi yɛ di ɲąąkpɔn, yɛ di laa honmo, yɛ bələi taatɛlɛɛ mɛ̨i kaa mun a nwɔ taatɛlɛɛɠaa mɛ̨i kaa la.»

Ɉeremi 32:37

Gáá pai di ɲąą kpɔn ɉii, gɛ di kulɔ nɔiɠaai kpɔ ŋą di taɠa taɠa ɉu, níí holi pələ ɓa, níí kələn bələ ɓa gwə́i da nwą́ną lɔ pələ ɓa, ŋą́ pənə ŋą́ pa a diɛ gɛɛnąąi ŋɛ̨i ɓa, gɛ́ di hee laa liilaa hu.

Ɉeremi 6:22

Yai-Laa woo ka, yɛ diɛ: Nu huwu ta ka ŋɛ̨i həɠəi ɲanwuɔ̨ pələ yɛ pa! Lɔi ta li yii ɉu kɛnɛ̨, aa muhəɠə aa hvilɛn pələ ɓa, yɛ həɠə lɔi kpon ɉeei pələ.

Izikiɛ 14:6

Yili mąą mɛ̨nį ɓa, 'mo Israɛlə nwɔ pɛlɛ́i ɓa, yɛ́ mą: Hééɓo kəlee Nąmu Yálá woo ka, yɛ: 'Ká pənə ka pa, ka ka pulu tɔɔ ka wɔ haliɠaai diɛ; ka həɠə kɛa ka wɔ ɓowo mɛ̨nįɠaai ti kəlee pulu.

Izikiɛ 36:24

«Gáá pai ka həɠəi lɔiɠaa hu, gɛ́ ka ɲąąkpɔn a ka kulɔi ŋą́ mo lɔi kəlee hu, gɛ́ pənə gɛ́ pa a kaa, ka wɔ lɔi mɛ̨i.

Levetekɔ 26:3

«Ka lɛɛ nwɔ́ tɔ́nŋąąi pulu, ka ka yee kanąn nwɔ́ tíɓoɠaai diɛ, ka di pɔ túwɔ́ ɓo,

Zakari 8:7

Yai-Laa Mɛ̨nį Kəlee ŋą Hééɓomun nwoo ka, yɛ diɛ: A tɛ̨ą, gáá pai nwɔ́ nu huwui nwun mąąɓoi, yiiɠaai hvoló ɓɛlai bələ, da yiiɠaai hvóló tooi bələ.

Maafîu 24:31

Tulu woo kɛnɛ̨ a tɔɔ, a nwɔ malakaɠaai tɛɛ yɛnɛ̨ɛ̨ nąą kəlee, ə gɛ, di nwɛiɠaai ɲąąkpɔn.»

Dutɛrɔnome 12:21

Gɛɛnąąi Yai-Laa kaa pai ɲee kpuwɔ lɛi mą, yɛ naa hee laa. Akɛ nąą a kɛ a gwɛaa kaa, ka pɛli mą ka nįŋɛ̨ ta paa, awala kɛ tii ɓɛlaa da ɓolu ta, yii lɔpee Yai-Laa ka wɔ Yálái kaa pai dɛɛi ka pɔ, ka gɛ lɔ yɛ bələi gáá pai moi la kaa; ɛlɛɛ ka da mįi ka wɔ taaɠaa hu, yɛ bələi ka káá pai kɛi la bɔ.

Dutɛrɔnome 12:5

Kɛɛnąą lɔpee Yai-Laa ka wɔ Yálá kaa pai ɲeekpiɛ lɛi nąą, Israɛlə huwu kəlee lɔwai, yɛ naa hee laa, yɛ daa tɔɔ laa, gɛɛnąą tii lɔ ɓə ka káá pai kɛi lii laa, kaa hvaa bɔ.

Dutɛrɔnome 30:1

«Lúwɔ́ da nɛ̨ŋɛ̨n naai ŋɛ̨i ŋą́ą́ naa ka lííla, ɓɛlɔwai gəlee kaa pai laai la kaa, ka káá pai ka kiliŋąhiɛi ma, kaa ɉu kpɛ, nɔiɠaa kpɔ tii Yai-Laa ka wɔ Yálái kaa pai lii a kaa ɉu,