Nehemi 1:6 - Yálá laawoo hɛɓɛ (dc)

⁶ Ə́ wəli tɔɔ kpɔ kani, ɛlɛɛ, ə́ ə́ ɲəi hee, yɛ tímun nwɔ mąąwɛli wooi mɛ̨n. Volóɠaa ŋɛ̨i yee mu, gáá moi yɛ́ hvóló da kpinį, yɛ́ tínuą Israɛlə lonnii mąą mɛ̨nį ɓa, ŋą́ą́ hvaa di kɛ nɛ̨ŋɛ̨n mąą mɛ̨nį ɓa, yaai ku ɉəɠə yɛ́; ɲą́ą́ kwa gala mɔlɔni kwaa nɛ̨ŋɛ̨n ɉəɠə yɛ́.

Yálá laawoo hɛɓɛ

⁶ Ə́ wəli tɔɔ kpɔ kani, ɛlɛɛ, ə́ ə́ ɲəi hee, yɛ tímun nwɔ mąąwɛli wooi mɛ̨n. Volóɠaa ŋɛ̨i yee mu, gáá moi yɛ́ hvóló da kpinį, yɛ́ tínuą Israɛlə lonnii mąą mɛ̨nį ɓa, ŋą́ą́ hvaa di kɛ nɛ̨ŋɛ̨n mąą mɛ̨nį ɓa, yaai ku ɉəɠə yɛ́; ɲą́ą́ kwa gala mɔlɔni kwaa nɛ̨ŋɛ̨n ɉəɠə yɛ́.

Bible

⁶ M̀ɛni ma, íwoli tɔ́ɔ ḿâ. Ŋa í fɛlîi ítii kɛ́-ƃelai Eezuɛ-ŋai mɛni ma a fólo da kpíni. Ŋa m̀ôi yâ a gɛɛ kúai a Eezuɛ-ŋai kwa mɛni nyɔ́mɔɔ kɛ́ a yá. Ńyãa kpîŋ kwa ŋásuui su-ƃelai kélee kwa ímaa tĩa kara.

Nehemi 1:6 Iomraidhean Croise

Tɔɔɓɛlaa dɔlɔɔ 8:30

Nɛ̨ɛ̨mąą wooi ə́ wɔ tímun da Israɛlə nu huwu di kaa vəi, di ɲɛ̨i hiɛ gɛɛnąą ŋɛ̨i pələ, nɛ̨ɛ̨ yɛ́, ə́ wəli tɔɔ mą. Ɓɛi ə́ kaa laa yələkɔlɔn ɉu, ə́ ə́ wəli tɔɔ laa, ə́ ku mąąhvaalɛɛ.

Tɔɔɓɛlaa dɔlɔɔ 8:47

nɔi da kɛ ɉu luwɔlaa hu, da lɛɛ laa, da di kiliŋąhiɛ, da di túwɔ́ pələ mąąhvalin, da nɛ̨ɛ̨mąą hvə yɛ́, ɓɛi tii di kaa laa nuwɔlaa hu, diɛ kɛ mą: ‹Nɛ̨ŋɛ̨n ɉəɠə nuą ɓaa kuɔ, kwaa ku ɉon gɛ, kwaa nɛ̨ŋɛ̨n ɉəɠə›.

Kɔlɔnikɔ Veerɛi 28:10

Yii hui ŋɛ̨i, ka káá kɛi diɛ, ka Ɉuda nuą da Ɉerusalɛmə nuą ŋɛ̨i kɛ a ka wɔɔ luwɔ hinąą da ka wɔɔ kólo kɛ nuą! Kaa kpɔ ŋɛ̨i, a kaa kpįnįi kpɔ ŋɛ̨i, ka hvo mɔ̨ɔ̨ a hɔnmąą nuą ka wɔɔ Yálái Yai-Laa ɲɛ̨i a?

Kɔlɔnikɔ Veerɛi 29:6

Hvo gaai gu nąnni di di hɔn gɛ a ɲɔ̨nwɔ̨ɔ̨ Yai-Laa gu wɔ Yálái ɲɛ̨i ɓa; di nɛɛ laa; di di ɲɛ̨i həɠə Yai-Laa nwɔ pɛlɛ́i ɓa; di di pulu tinɛ̨n mą.

Kɔlɔnikɔ Veerɛi 6:40

A kɛ tii kan, Ną́mu Yálá, 'Ə́ ɲɛ̨i hee, 'Ə́ wəli tɔɔ vɛli wooi ɲɛ̨i tɔɔi gɛɛnąąi ɲɛ̨i ɓa mą!

Ɛsdrasə 10:1

Ɓɛlɔwai Ɛsdrasə ə kɛi Yálá hvɛli la, yɛ hvaa gɛ nɛ̨ŋɛ̨nŋąą diɛ, yɛ wɔlɔ Yálá nwɔ pɛ́lɛ́i laaləi, Israɛlə nu kpulu kɛnɛ̨, hinąą mąn, nɛ̨ąą mąn da nɛapɛlɛɛ di di ŋąąkpɔn gwɛlɛ. Mąąhɔlɔɓo, nɔi lonnii di kɛi ɲɛ̨iya wɔlɔ kpɔ-kpɔɔ ɓo.

Ɛsdrasə 10:11

Yii hu kɛa, ka hvaa ka hɔn ma Yai-Laa ka ną́nni di wɔ Yálái ɲɛ̨i ɓa, ɛlɛɛ, ka túwɔ́ yɛ bələi gaa la bɔ, ka nɔi nuą ka taɠa, ə mą kɛ, nwɛ̨ą nɛ̨ąąɠaai ka yəi, ka di kulɔ lɔwɛi.»

Nehemi 1:11

Ee Yai-Laa! Ə́ wəli tɔɔ ə́ wɔ tímun nwɔ hvɛli ɓo woo ɓa, ə́ wɔ tínuą di di wɔ hvɛli ɓo woo ɓa, diɛi da ɲɔw ə́ laa ɓa, hvaa mą, ɉulɔnui ŋɛ̨i ə ɲɛ̨i lɛlɛɛ hee ə́ wɔ tímun ma.» Nąąlɔwai, ɲą́ą́ ɓə kɛ a tɔɔmun nwɔ lɔɔi pɛlimun.

Mąątɛ̨nɛ̨ 102:17

Ɲələi Yai-Laa kaa pai pənəi yɛ Siɔn tɔɔ la, nuą da gaa mąąwiɛ̨ pələ hu.

Mąątɛ̨nɛ̨ 106:6

Kwaa nɛ̨ŋɛ̨n ɉəɠə lɔ yɛ bələi ku nąnni di ɉəɠə la yɛ́i, kwaa lan, kwaa ku hɔn gɛ.

Mąątɛ̨nɛ̨ 130:2

Yai-Laa! Ə́ wəli tɔɔ nwóó ɓa; Ə́ wəli tɔɔ kpɔ a nɛlɛɛ, nwɔ́ nɛ̨ɛ̨mąą hvə wooi ɓa!

Mąątɛ̨nɛ̨ 32:5

Ŋą́ą́ hvaa ɉɔn ma ə́ ɲɛ̨i ɓa, və́ nwɔ́ nɛ̨ŋɛ̨n loo li yɛ́, ŋą́ kɛ diɛ: «Gáá hvaai ɉɔ́n ma Ną́mu ɲɛ̨i ɓa», ɛlɛɛ, yɛ́n, yáá nwɔ́ nɛ̨ŋɛ̨n nwuɛ həɠə nwúɔ̨.

Mąątɛ̨nɛ̨ 34:15

Ə túwɔ́ pələ ɲɔ̨n mąą laa, ə túwɔ́ a nɛlɛɛ, hvilɛn líilaa pulu, ə ɲąąkɔn.

Mąątɛ̨nɛ̨ 55:17

Nwɛ́i Yálá ɓə gáá nwóó tɛi bɔ pələ, ɛlɛɛ, Yai-Laa ɓə a nwún mąąɓo.

Mąątɛ̨nɛ̨ 88:1

Wələ, mąątɛ̨nɛ̨ wələ, hvɛ́li woo; Kore lonnii. Nwələ ɲɛ̨itɔwɔmun. Ɓɛlɔwai Ɛzra mun Heman ə kɛ la ɲɔ̨n ɉaɠa ɓa, nwɔ nu mąąkwɛli woo.

Azaya 6:5

Nąąlɔwai, gɛ́ diɛ: «Kpalo aa ɓɛla mą́ą́, nwún aa lɛɛ ɉu, hvó gaai, ɲą́ą́ ŋɛ̨i nááwulun mąą liɓiɛ a nɛ̨ŋɛ̨n, ŋį́ ɓo nwɔ̨nɔ̨ nu huwu lɔwai yiiɠaai di laawulun mąą liɓiɛ a nɛ̨ŋɛ̨n; ɛlɛɛ, ya ka ŋɛ̨i ŋą́ą́ Yai-Laa Mɛ̨nį Kəlee ŋą Hééɓomun kaa a ɲɛ̨́ikɔw.»

Woolaa 5:7

Ku nąnnii nɛ̨ŋɛ̨n ɉəɠə, daa haa; kuɔ ɓə kɛa ɉu mɔ̨nɔ̨ mįi.

Danîa 9:15

«Ku Ną́mu Yálá, ɓɛlɔwai ə́ ə́ wɔ nu huwuɠaai kulɔ la Eziptə lɔi hu a ə́ wɔ yee walawala laa, yili ə́ ə́ laa lɛlɛɛ tɛ, háá ɓa háá, ə́ laa kaa ni nuą la. Kɛlaa, ku wɛi, ku kulɔ ə́ woo mu, ku kaa a hɔn mąą nuą.

Danîa 9:20

Ŋą́ kɛi lɔ Yálá hvɛli, gɛ́ hvaa gɛ́ hɔnŋaa diɛ da Israɛlə nu huwu di wɛi, ɲee ŋɛ̨i Yálá ə kəi gbɔwɔ lɛ dona nwɔ nuąi diɛ, ŋą́ kɛi Yálá hvɛli, ɲee tii mąą mɛ̨nį ɓa.

Danîa 9:4

Ŋą́ kɛi Yálá hvɛli, gɛ́ hvaa gɛ́ nɛ̨ŋɛ̨nŋaa diɛ Yálá ɲɛ̨i ɓa, gɛ́ kɛ mą: «Éé Ną́mu Yálá, ə́ kɛnɛ̨, ə́ yee wia, nuąi da ə́ wɔ tɔ́nŋaai hon, ə́ wɔ mįnɛ̨ həɠɛɛ a kɛ di pɔ, nuąi da ə́ wɛli la kɛ, ə́ wɔ tələnmolaa yɛɛ ɓo di mɛ̨i.

Danîa 9:5

Kwaa kulɔ ə́ woo mu, kwaa nɛ̨ŋɛ̨n ɉəɠə yɛ́, kwaa kɛ a hɔn mąą nuą, kwaa ku kwɛli tee yɛ́, kwaa ku pulu tɔɔ ə́ wɔ tɔ́n da bɔ liɛwooɠaa diɛ.

Danîa 9:8

A tɛ̨ą, Ną́mu Yálá, nwumɛ̨ ka ŋɛ̨i yɛi ku paa. Kuɔ, kuɔ tɔɔɓɛlaa, kuɔ nwun nąmįnąa da ku kalaɓɔlɔni, mąąhɔlɔɓo, ku hvo ə́ woo hon ni.

Lukə 18:7

A kɛ tii, Yálá hvo moɔ pai niiɓa nuą mąą hutɔɔi, a diɛi tii di kilitɔɔi mą; diɛ tómą bɔ pələ a hvóló da kpinį?

Lukə 2:37

Yili pulu, ə too galanən naa hu, ɛlɛɛ la ɉu, gaa kwɛlan ə kɛ pow mɛ̨ihaaɓa kɔ́w nąąn ə kɛi lɔ pa Yálá hee pɛlɛ́ mu a hvóló kəlee yɛ hin, nɔ yɛ Yálá hvɛli.

Ifisiɛŋ 2:3

Gu kəlee gu kɛ a di ta, gu kəlee gu kɛi gu kpɔwɔ tɛɛ gu kɔlɔ liiɓa mɛ̨nįɠaa pɔ, guɔ niiɓa mɛ̨nįɠaa kɛ, gu hvilɛnŋąą kɔlɔ liiɓa mɛ̨ni pulu; ɛlɛɛ, gu kaa pələ hu, gu kɛ a nuąi Yálá ŋą liiholui hvilɛnŋąą di pulu, lɔ yɛ nu takpɛliɠaa.

Timote dɔlɔɔ 5:5

Yii ɓaa nɛ̨ɛ̨nui gaa kpɔ a galanin a neelee, nu hvo ɲəi, aa gilitɔɔ Yálá ɓa, ɛlɛɛ, yɛ Yálá hvɛli, yɛ mąąnɛ̨ɛ̨ a kpinį da hvóló.

Timote veelɛ 1:3

Yálá ŋɛ̨i gáá tíi mą, a gwə́i kwɛlɛɛ, vílɛnŋąą gáláɓɔlɔni pɔɔ ɲą, ŋą́ nwɔɔ mɛ̨inɛ̨ɛ̨ɠaa hukɔlɔn gbɔ kɛnɛ̨, ɉú pələ, ɓɛlɔwai lɔpee, ə kɛ a kpinį, ə kɛ a hvóló, nwɔ́ Yálá hvɛli pələ kəlee, ŋą́ ə́ laa too ɉu.

Zɔ̂ŋ Maa-ŋuŋ 1:9

Akɛ gwa hvaa gu wɔ nɛ̨ŋɛ̨nŋaa diɛ, kulɔ nwoo ɓa laa da tələnmo laa hu, yɛ Yaa, a gu wɔ nɛ̨ŋɛ̨nŋaa mąąhvaalɛɛ, ɛlɛɛ, yɛ gu wɔ tuwɔ pələ ɲɔ̨nŋaa kəlee waa guɔ.

Samuɛlə dɔlɔɔ 15:11

«Saulə heei ŋɛ̨i ŋą́ mo a tɔɔmun, ŋą́ą́ nwóó yali bulu. Mąąhɔlɔɓo, aa bulu tɔɔ mą́ą́, wooi ŋą́ mo mą, hva ɉon.» Samuɛlə kwəi ə pili mą, gbinįi tii yee mu, yɛ nwoo tɛ Yai-Laa ɓa.