Nehemi 1:3 - Yálá laawoo hɛɓɛ (dc)

³ Diɛ mą́ą́: «Nuąi həɠə nuwɔ laa hu, di haa laa nɔi mɔ̨nɔ̨ kɛnɛ̨ hu, da nwunmɛ̨. Ɉerusalɛmə mąąkpɛɛ hįį puɔ naa taɠaa, ɛlɛɛ, gbonŋąą kələnŋąą.»

Yálá laawoo hɛɓɛ

³ Diɛ mą́ą́: «Nuąi həɠə nuwɔ laa hu, di haa laa nɔi mɔ̨nɔ̨ kɛnɛ̨ hu, da nwunmɛ̨. Ɉerusalɛmə mąąkpɛɛ hįį puɔ naa taɠaa, ɛlɛɛ, gbonŋąą kələnŋąą.»

Bible

³ Dí mò ḿâ dîyɛɛi, “Diai lène pôlu dí kúla gɔ-soŋ laai su dí pá pôlu Zudai, dí káa mɛni kpɔ̂lu támaa sɔlɔ ƃôi. Ƃaa kula maa támaa sɛ̂lɛŋɔɔi dîa. Zerusâlɛŋ taa-leei ŋɔsiɣãŋ kélee wôloɔi, ŋɔsiɣãŋ lá sãai kélee kéreŋɔɔ.”

Nehemi 1:3 Iomraidhean Croise

Tɔɔɓɛlaa dɔlɔɔ 9:7

ka gɛ tii, nɔi ŋɛ̨i ŋą́ dɛɛ Israɛlə pɔ, ŋą́ ɉəɠə ɲəi. Bələi mąn ŋą́ náá hee la mą a nwɔ́ɔ́, ŋą́ bili kwɛaa la, ə həɠə ɲɛ̨́i mu. Ɛlɛɛ, nu huwu kəlee da di laa pu Israɛlə hu, diɛ yɛlɛ diɛ.

Tɔɔɓɛlaa veelɛ 25:10

Kalde kɔ́kulááɠaai lɛɛ tɔɔmun mąąkpɛ nuą nwun nąmu pɔ, di kəlee di Ɉerusalɛmə mąąkpɛ hįi pu.

Kɔlɔnikɔ Veerɛi 36:19

Kalde nuą di Yálá ŋą pɛlɛ́i kələn, di Ɉerusalɛmə mąąkpɛ hį́i bu, di nwɔ̨n nɔ dɔɔ pɛlɛ́ɠaa kəlee hu, ɉɛn mąąwiɛɠaa kpɔ kɛ laa, gəlee hu ə kala.

Ɛsdrasə 2:1

Nuąi wɔlɔ Babilonə tɔɔmun Nabukodonosorə ə di hon a luwɔɠaa, yɛ li a diɛ Babilonə, yiiɠaai həɠə goɓitaaɠaa hu, diɛ pənə diɛ li Ɉerusalɛmə daai, Ɉuda lɔi hu, nu kəlee yɛ li bɔ taai diɛ ka:

Ɛsdrasə 5:8

«Ku wɔ mɛ̨nį nąmu tɔɔmun, ku kaa ə́ kili pui ɉu, kuɔ yɛ́, kwaa li Ɉuda lɔi hu, Yálá Mɔlɔ nwɔ pɛ́lɛ́i mu; daa bɛlɛi tii tɔɔ a kwɛni mąą haɠaaɠaa, daa wulu lɔ bɛlɛ́ nwąną hu, daa golói tii kɛ a yɛlɛ, aa lɛlɛ di yəi.

Nehemi 11:3

Nɔi ɲąąwooɓo nuąi pa heei Ɉerusalɛmə daai, di laa ka: Ə gɔwɔ tɔɔ Ɉuda taaɠaa hu, Israɛlə, ɉaláá laa həli nuą, Levi huwuhu nuą, ɉaláá koló kɛ nuą, da Salomɔn nwɔ tínuą lonnii nu kəlee ə hee nąn gwɛlin mɛ̨i, bɔ taai.

Nehemi 2:13

Ŋą́ kulɔ kwii hąą, a nɛ̨ŋɛ̨ lɔi hu kpon gɛɛnąą pələ, ŋį́ ɉon a gaalə yá nwun gulɔi pələ da dulun ŋą kpon gɛɛnąą pələ. Ŋą́ Ɉerusalɛmə hįį mąąkpɛ kpɔ a nɛlɛɛ. Buɔi kɛ nąą kəlee, ɛlɛɛ, nwɔ̨n aa kɛ gbonŋąą kələn.

Nehemi 2:17

Ya ɓə ŋį́ kɛ diɛ: «Mɛ̨nį ɲąąnwąnąąi gu ɉu, ka káá gaai! Ɉerusalɛmə taa aa pu, gbonŋąą kələn ŋąą, ka gu pənə, ka gu Ɉerusalɛmə mąąkpɛ hįį tɔɔ. Gu hvo kɛa kɛ a nwunmɛ̨ lɔwɔ.»

Nehemi 2:3

Gɛ́ tɔɔmun ma: «Ə́ lamun yɛnɛ̨ɛ̨ Yálá ə kɛ! Lə mɛ̨nį ɓa, ɲį́nąą hva kɛ a ɲiliɛ! Daai ną́nni kámą kaa ɉu, aa lɛɛ a taa kpoloon, nwɔ̨n aa ɉįi kponŋąą kəlee kələn!»

Nehemi 7:6

Nɔi lonnii tii kɛ nuwɔ laa hu, diɛi Babilonə tɔɔmun Nabukodonosorə di həɠə ə li a diɛ, ə lɛɛ, di di pulu pənə Ɉerusalɛmə daai, da Ɉuda lɔi hu, nu kəlee yɛ li bɔ taai,

Mąątɛ̨nɛ̨ 79:4

Nuąi kwa diɛni ku kaa kwəli tɔ̨nɔ̨ hu, di kaa ku ɓɛlɛkpɛɛi kuɔ, yiiɠaa di kaa ku kwɛlɛ, diɛ yɛlɛ kuɔ, diɛ di laa pu ku hu.

Hanwon 25:28

Nui ɲee hva pɛli gbɔwɔ nwɔ líiholi ɓa, gaa yɛ taai mąąkpɛ hįi hvo mą.

Azaya 43:28

Yili ɓə gɛ, ɲą́ą́n gɛ́ ə́ wɔ tɔɔɓɛlaa mąąwiaaɠaai ɓɛlɛ kpɛɛ diɛ, ŋį́ Ɉakɔbə kulɔ a haláá, ŋį́ Israɛlə kɛ a laa puɉu hɛn.

Azaya 5:5

Mɛ̨nįi gáá pai gɛi, nwɔ́ viɲə yɛai ɓa, gáá nɛi kaa: galai tii dinɛ̨n ŋąą mą, gáá nwolo teei mą, taatɛlɛɛɠaa di di laa mįi laa, ŋą́ daɠa nuą di hiɛ ɉu.

Ɉeremi 24:9

Gáá di kɛi a hɛn da, nuą diɛ ɲɔw mą, diɛ mɛ̨nį kɔ́ɔn diɛ, yɛnɛ̨ɛ̨ lɔiɠaa kəlee hu. Gáá di taɠa taɠai lɔi mɛ̨i nąą kəlee, diɛ pa kɛi a yɛlɛ kulɔ ɉu hɛn. Nuą diɛ lalan ɉuwui lɔpee gəlee, da nɛ̨ŋɛ̨n naa huwui lɔpee pili diɛ.

Ɉeremi 29:18

Ŋą́ hvilɛn di pulu a ɓɔwa kwɛaa da pulu, da nu paa ɲɔ̨n; yɛnɛ̨ɛ̨ lɔiɠaa kəlee diɛ ɲɔw di mąą mɛ̨nį hu. Diɛ kɛ a nɛ̨ŋɛ̨n naa hɛn, a lɔi pun, nu a gaa, hvo kɛli a tomą. Nɔiɠaa kpɔ gáá pai di taɠa taɠai ɉu, da lalan ɉuwui lɔpee gəlee pili a diɛ.

Ɉeremi 39:8

Kalde nuą di nwɔ̨n bili dɔɔ pɛlɛ́ da nu kpɛa kpɛaɠaa di wɔ pɛlɛ́ɠaai hu. Di Ɉerusalɛmə mąąkpɛ hįį pu.

Ɉeremi 42:18

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo li! Bələi lɔ nwɔ́ liiholi da nwɔ́ liikələn gwəi a ɓɛla la Ɉerusalɛmə nuą diɛ, bələ lɔ ɓə nwɔ́ liiholii kaa pai hee la ka hu, ɓɛlɔwai ka káá pai həlii la Eziptə lɔi hu. Da, nɛ̨ŋɛ̨n naa kɛ a ka laa, kaa mąą yɛ wɛli, diɛ ka lalan a lalan ɉuwui lɔpee, ka hva kɛa ka ɲɛ̨i tɔɔ nɔi ŋɛ̨i ɓa.

Ɉeremi 5:10

'Ka tɛ daa mąąkpɛ hįį mɛ̨i, 'ka bu. Kɛlaa ka hvo gəlee pu kpɔ tii tɛ̨ɛ̨tɛ̨ɛ̨?. Ka wɔ viɲəɠaai nwonwoɠaa kulɔ mą. Mąąhɔlɔɓo, hvo a Yai-Laa nwɔɔ.

Ɉeremi 52:14

Ɉerusalɛmə taa mąąkpɛɛ hįį nwɛi, Kalde kɔ́kulááɠaa di pu kpɔ nąą kəlee daa ɓa. Dɔɔmun kwɛlɛ kalanɉon tii ɓə di tí la.

Woolaa 1:7

Ɉerusalɛmə aa giliŋąhiɛ, nwɔ mɔ̨nɔ̨ mįi hvólóɠaa hu, tɔlɔɔ tɔlɔɔ yələ, mąąwiɛ ə kɛ mą! Ɓɛlɔwai di yowoɠaa di kɛi ɉu nuą paa la, nu ta hvo kɛi hɔlɔɓo hvo kpɔnmąą tɛɛ di pɔ, diɛ yɛlɛ mą.

Woolaa 2:9

Siɔn kponŋaa kəlee daa lɛɛ pɔ́lɔ mu, naa kpulu kwɛliɠaa kəlee hu aa yali yali. Dɔɔmun da nwɔ kalanɉonŋaa daa lɛɛ nu takpɛliɠaa yee mu. Yálá kwəi mɛ̨ni hukulɔ mɛ̨ni hvo kɛa ɉu laa. Yálá hvo kpɛli kɛa gwəi mɛ̨ni lɛi gwəi mɛ̨ni hukulɔi nuą diɛ.

Woolaa 3:61

Yai-Laa! Yáá di wɔ lalan bili woo mɛ̨n! Kiliŋąhiɛ ɲɔ̨n gaa di kwəi yɛ hvilɛn mą́ą́, yáá gaa!

Woolaa 5:1

Yai-Laa mɛ̨nii aa laa kuɔ, ə́ kiliŋąhiɛ mą; Nwumɛ̨i aa tɛ kuɔ, ə́ gaa.

Levetekɔ 26:31

Gáá pai ka wɔ taa kpɛa-kpɛa lɛɛi a taa kpoloon, gɛ́ ka wɔ kɛɛnąą mąąhəɠɛɛɠaai mąąwɛli; vá kɛa ka wɔ lansan kun mɛ̨n.

Levetekɔ 26:33

Ka wɛi, gáá pai ka taɠa taɠai lɔiɠaa hu, gɛ́ kɔ́ kɔ́ ɓɔwa kulɔ daai gɛ́ ɉee kaa; ka wɔ lɔi a lɛɛ a lɔi pun, ka wɔ taaɠaai di lɛɛ a taa kpoloon.