Nahumə 3:6 - Yálá laawoo hɛɓɛ (dc)

⁶ Gáá pai kala kpɛŋɛ̨n ɉi ə́ mɛ̨i, gɛ́ ə́ ɲɛ̨i paa la tii, diɛ nu takpɛliɠaa kɛ pələ kɔ́ɔn ə́ kɛ pələ ɓa.

Yálá laawoo hɛɓɛ

⁶ Gáá pai kala kpɛŋɛ̨n ɉi ə́ mɛ̨i, gɛ́ ə́ ɲɛ̨i paa la tii, diɛ nu takpɛliɠaa kɛ pələ kɔ́ɔn ə́ kɛ pələ ɓa.

Bible

⁶ Ŋa pâi ímaa nɔ̃̂ɔi, ŋá íkɛ a nyɔ́mɔɔ, ŋá íkɛ a ɣɛ́lɛ maa sɛŋ.

Nahumə 3:6 Iomraidhean Croise

Zôo 30:19

Aa dóó pɔlɔ hu, ŋą́ą́ kɛ a palaya da luwu.

Zôo 30:8

Nu kpɛli-kpɛliɠaa, da nuąi laa hvo diɛ di lonnii da di kpɛ nɔi a gbɔnŋaa.

Zôo 9:31

Yá bíli lɔ tulun ŋą. Mą́ą́ həɠəɠaa diɛ lənə mą́ą́.

Ɉeremi 51:37

Babilonə kaa pai lɛɛi a kwɛni hįį, a yalaɠaa pɛlɛi, a lɔi pun, yii nu a gaa, hvo kɛli a kɛ: «Éé kə́!» Ŋą́ ɉu nuą kulɔ laa.

Woolaa 3:16

Aa kwɛni hee ɲį́nŋą aa dóó luwu hu.

Izikiɛ 16:37

Yili mąą mɛ̨nį ɓa, gáá ə́ wɔ wɛliɠaai kəlee ɲąąkpɔn ɉii; diɛi ə́ wɛli ə too diɛ, yiiɠaai di wɛli ə kɛ yɛ́, da yiiɠaai di wɛli hvo kɛ yɛ́; gáá pai di ɲąąkpɔn ɉii, diɛ həɠə kɛɛnąą kəlee, diɛ pa ə́ pɔ, ŋą́ ə́ kpuwulu ɓo di ɲɛ̨i ɓa, di kaa pai ə́ kpuwulu kəlee kaai.

Nahumə 1:14

Mɛ̨nįi Yai-Laa ka moi yɛ hvilɛn yɛ́ ya ka, yɛ: Ə́ laa hvo pai lɛɛi huwui lɔpee da ɓa, ə́ wɔ yáláɠaai hvɛli pɛlɛ́ mu, ɉaliɠaai di kaa laa a wulu mąą haɠaa, da yiiɠaai di di yɔw, gáá pai gəlee kpɛɛi laa; gáá ə́ kámą pɛlii, mąąhɔlɔɓo ə́ mu hvo wiɛ li.

Habakukə 2:16

Nwumɛ̨ ka tii, ka káá ka kpɔwɔ kwɛlii la, mąąwiɛ hvo li. Kaa kpɛli, ka nɔɔ tii ta kpələ, ka ka kpuwulu lɛ. Yai-Laa, kaa pai ka ɲee tɔɔi ka kwaną, Nwɔ liiholii yɛ ka kɛlɛ́ yɛ lɔɔ, ka wɔ mąąwiɛ mąą a pənə a ɓɛlɛkpɛɛmąą.

Sofoni 2:15

Daa humɛ̨ni kɛnɛ̨i ŋɛ̨i, yaai kɛ heeni tɔɔkpəlin ɉu, nwəli pulu laɠiɛ, yɛ kɛ gbɔwɔ ɓa: «Ɲą́ą́ lɔ ɓə gáá ɓɛ, da kpɛli hvó nąą pulu» bələi gɛ pələ kaa pai kɛi la, bələ ka tii. Lɛɛ ɓə tii aa mo a taa kpoloon, a lɔwɔ huwɔɠaa yíi? Nui lɔpee aa kɛi tɛɛ gwɛlɛ, yɛ kwəlee hvɛɛ, yɛ ɲee pɛlɛ na.

Malasi 2:2

Ɲą́ą́ Yai-Laa Mɛ̨nį Kəlee ŋą Hééɓomun, ka wala ka wəli tɔɔ, ka hvo gɛ pələ kwɛli mą, ka hvo náá mąąwiɛ mɛ̨nį həɠə a ka lii kəlee, gáá pai mɛ̨nį ɲąąnwąnąą laai kaa, mɛ̨inɛ̨ɛ̨ɠaai wɔlɔ ŋą́ naakwɛlanmo kaa, ŋą́ mąą pənə a nɛ̨ŋɛ̨n naa; ŋą́ gɛ tii, mąąhɔlɔɓo, ka hva mɛ̨nį ta kɛ a gɛ pələ.

Malasi 2:3

Yii hu, gáá mą́ą́pamąi ka huwu hu nuą diɛ. Yii ɓaa ka wɛi, daatɛlɛɛɠaai kpɔ kaa gələn ka wɔ hɛli pu pələ tɛitɛi kəlee hu, gáá pai nuwui tii kəlee taɠai ka ɲɛ̨ilaai, di ka diɛni ka kələn.

Malasi 2:9

Yili ɓa, ɲą́ą́ gbɛli, gáá Israɛlə nuą lii muhəɠə, ə gɛ, di ka ɓɛlɛkpɛɛ kaa, di ɓáá kulɔ káá, di ka hviiɓo. Mąąhɔlɔɓo, ka hvo nííɓa pɔ, ɛlɛɛ, káá mɛ̨nį hutɔɔ a ɲɛ̨ikɔlɔn.

Korɛntə dɔlɔɔ 4:13

Da ku laa kala, kuɔ di liilaa, gwa mo kpɔ tii, ku kaa kpɔ háá ɓa háá, a hɛn da bili túlún ŋą, yɛnɛ̨ɛ̨ nu kan gəlee ɲɛ̨i ɓa.

Korɛntə dɔlɔɔ 4:9

Gbala ə tɔɔ, gíliŋąhiɛ pələ, Yálá aa ku too nuą kanŋaa ɲɛ̨i ɓa, a kuɔi ŋɛ̨i a ŋą tínuą, aa ku lɛɛ a nu gbəli, yɛ nuąi da di kiti tee, a di paa mɛ̨nį. Aa ku kɛ a yɛlɛkulɔ ɉu hɛn, yɛnɛ̨ɛ̨ ɲɛ̨i ɓa, malakaɠaa ɲɛ̨i ɓa da nu kanŋaa.

Hebreu 10:33

da a kɛ, diɛ ka lalan nu kpulu hu, diɛ ɓáá kulɔ káá; nuąi di kaa di mɔ̨nɔ̨ɓoi tii, káá di mąą liihɛlɛn ɉee.

Zûu 1:7

Yii ɓaa Sodomə da Gomorə da di kwɛlɛ taaɠaa, diɛi wɔlɔ kɛi túwɔ́ pələ ɲɔ̨n gulɔ gee pɔ. Diɛ wɛli ɲɔ̨nwɔ̨ɔ̨ kɛ a diɛ gee, hinąą diɛ láá a di gee, diɛ láá a huwɔɠaa. Nuą tii kaa háákələi nwɔ̨n ɉu yii hva luwun. Mɔ̨nɔ̨i tii di kaa mįi, yili kaa a mɛ̨nį kɔ́ɔn mąą da kili lɛɛ ɉu nu kəlee mąą mɛ̨nį ɓa.