Nahumə 2:13 - Yálá laawoo hɛɓɛ (dc)

¹³ Ɲala ə kɛi ɉuwɔɠaa ɲąąkwɛlɛ lonnii diɛ, ə kɛi ɉuwɔɠaa hon a ɲala haaɠaa di wɔɔ, ə kɛi nwɔ woloɠaai laahvɛɛ a hɛnŋąą, yɛ nwɔ kwɛni woloɠaai laahvɛɛ a huwɔ powa.

Yálá laawoo hɛɓɛ

¹³ Ɲala ə kɛi ɉuwɔɠaa ɲąąkwɛlɛ lonnii diɛ, ə kɛi ɉuwɔɠaa hon a ɲala haaɠaa di wɔɔ, ə kɛi nwɔ woloɠaai laahvɛɛ a hɛnŋąą, yɛ nwɔ kwɛni woloɠaai laahvɛɛ a huwɔ powa.

Bible

¹³ Ŋ̀wála-wâla kélee Yâwɛɛ a môi, ǹyɛɛ, “Gáa, ńdɔɔ̂i yâ, ŋa pâi íkɔ-kɔ keleŋ-ŋai kérenîii, ƃóa-sɔ̂kpɔ é íkɔ kɔ́-ƃelai páa. Ŋa pâi íkɔnɔ̂ŋ kpɛɛ̂i ǹɔii ma, núu fé pâi ŋɔ́nɔ íworɛ̂-woo ƃó-ƃelai wóo mɛnîi.”

Nahumə 2:13 Iomraidhean Croise

Tɔɔɓɛlaa veelɛ 18:17

Asiri tɔɔmun ə lɛɛ Lakisə daai, ə nwɔ kɔ́kulááɠaa kəlee ɲɛ̨itɔwɔmun, da gɔ́laɠa nwun nąmu, ə mą kɛ, nwɔ kɔ́ kɔ́ hɛnŋąą həɠə mu, ə di tɔɔ Ɉerusalɛmə tɔɔmun Ezekiasə pɔɔli, da kɔ́kuláá kpulu kɛnɛ̨. Di pa, di həli Ɉerusalɛmə. Di pa di tɔɔ ɓɛi a ɲá heei kɛnɛ̨ ɓa ɲələi pələ nąą kwɛlɛ, bələi tii a li ɉəɠə waa mun bɔ yɛa pələ, mɛ̨i.

Tɔɔɓɛlaa veelɛ 18:19

Gɔ kɔ́ kwɛli hɛn ɉəɠəmun yɛ diɛ: «Ka mo Ezekiasə ɓa, kaa mą: Asiri tɔɔmun gɛnɛ̨ yɛ: Lə ɓə ə́ kilitɔɔi mą!

Tɔɔɓɛlaa veelɛ 19:23

Ə́i wɔ kɛlaɠaa tɔɔ, diɛ ɲą́ą́ Yai-Laa nálan. Yɛ́ kɛ diɛ: Ə́ wɔ kɔ́ wotoloɠaai hvaŋą kɛnɛ̨ pələ, Yáá tɛ yee kəlee tona, Yɛ́ həli Liban ɓɛi nu hva pɛli həlii laa, nwɔ kpitiliɠaa tee mɛ̨nį ɓa, da siprə lɛlɛɛɠaa. Yáá həli kpɔ nwɔ wəlaɠaa kpon ɉu.

Tɔɔɓɛlaa veelɛ 19:9

Asiri tɔɔmun aa kɛ bələ mɛ̨n, diɛ mą: «Nubi tɔɔmun Tikaka aa muhəɠə, yɛ pa kɔ́ pɛ́lɛ́i mą.» Asiri tɔɔmun ə pənə nwɔ̨nɔ̨ ə nuą tɔɔ Ezekiasə pɔɔli, yɛ mą:

Kɔlɔnikɔ Veerɛi 32:19

Di kɛi Ɉerusalɛmə nwɔ Yálái mąą mɛ̨nį ɓo yɛ bələi di kɛi yɛnɛ̨ɛ̨ nɔiɠaa di wɔɔ haliɠaai di bɛli a di yee, mąą mɛ̨nį ɓo la.

Mąątɛ̨nɛ̨ 46:9

'Ka li ka Yai-Laa kɛ mɛ̨nįɠaa kaa, a mɛ̨nį kpɛa kpɛai aa gɛ lɔi mɛ̨i.

Ɉeremi 21:13

Yai-Laa yɛ: Yɛ́ kpɔ ɓə gáá yɛ́, yɛ́i tii gwɛni yee koo mu. Kaai ka kɛ diɛ: Gbɛɛ kpɔ ɓə pai yɛɛi ɓɛ, yɛ kɔ́ pɛlɛ kuɔ, gbɛɛ ɓə pai lɔi kuɔ nwoloi ŋɛ̨i hu?

Ɉeremi 46:14

'Ká mɛ̨nįi tii laa həli Eziptə lɔi ɓa, 'ká noloɓo Migdolə, 'ká noloɓo Mɛmfisə da Dafne; kaa mą: 'Haŋąn ə́ tɔɔ, ə́ ə́ kpɔɔ pɛli, mąąhɔlɔɓo, kɔ́ kɔ́ ɓɔwa kaa kɛɛ kalai ə́ kwɛlɛ nąą kəlee.

Ɉeremi 50:31

Yɛ́ ɓə vílɛn ŋąą ə́ pulu, tɛɠɛɓoɉu mun. Ə́ wɔɔ yələi aa həli, a nwą́ną kulɔ yələ. Ɲą́ą́ Nąmu Yai-Laa Mɛ̨nį Kəlee ŋą Hééɓomun nwóó li!

Ɉeremi 51:25

Yɛ́ kpɔ ɓə vílɛn ŋąą ə́ pulu, kɛɛ kalamun, yɛnɛ̨ɛ̨ kəlee hu kalamun; Ɲą́ą́ Yai-Laa nwóó li. Gáá ɲéé kpuwulu kɛi yɛ́, gɛ́ ə́ kulɔ kwɛniɠaa mɛ̨i, gɛ́ ə́ too, gɛ́ ə́ mąą pənə a nwɔ̨n dəŋą yee.

Izikiɛ 13:8

Yili ɓə gɛi Mɛ̨nį kəlee ŋą Hééɓomun Yálá yɛ diɛ: Yii kaa nuą ɓowo mɛ̨nį ɓo, ɛlɛɛ kaa mɛ̨nįɠaa ɓo a nuą nwun ɉu lan mɛ̨nį, gáá heei ka hu; Mɛ̨nį kəlee ŋą Hééɓomun Yálá woo li.

Izikiɛ 21:3

Kɛ Negɛvə lɔwɔɠaa diɛ, ka ka wəli tɔɔ Yai-Laa woo ɓa: Hééɓo kəlee Nąmu Yálá yɛ diɛ: Gáá pai nwɔ̨n dooi ka hu; nwɔ̨n tii kaa pai wulu nwunuɠaa da wulu kpalaɠaa kəlee kələn ɉi; hvo pai luwuun ɉi; nu kəlee ɲɛ̨́i lai kaa pai kələn ɉi, ə həɠə Negɛvə, ə li ɲələi pələ.

Izikiɛ 26:3

Yili mąą mɛ̨nį ɓa, ɲą́ą́, Yai-Laa, ka wɔ Yálá, mɛ̨nįi gáá moi ya ka: Gáá pai kɔ́ pɛlɛi yɛ́, Tirə; gáá lɔi kpuluɠaa muhəɠəi, ŋą́ di wolo yɛ́, yɛ gboloyá a kɛli muhəɠə.

Izikiɛ 28:22

'Kɛ mą, Mɛ̨nį kəlee ŋą Hééɓomun Yálá woo ka; yɛ: Sidɔn, gáá pai pɛlɛi yɛ́, ɲɛ̨i kaa pai pɔ̨nɔ̨i yɛ́ taa kwəi, diɛ gilin nąąlɔwai, diɛ kɛ; ɲą́ą́ ɓə gáá a Yai-Laa. Bələ ɓə gáá pai, nwɔ́ mąąhəɠə laa lɛi la nuą diɛ.

Izikiɛ 29:10

«Yili mąą mɛ̨nį ɓə gáá pɛlɛi la yɛ́, ka yɛ́ Nilə yaɠaai; gáá pai Eziptə lɔi kɛi a lɔi pun, a gbali kələnŋąą lɔi pun; ə həɠə Migdolə, ə həli la Siɛnə, ə həli kpɔ la Nubi lɔi ɲɛ̨n ɉu.

Izikiɛ 29:3

'Mo, yɛ́ mą: Mɛ̨nį kəlee ŋą Hééɓomun Yálá woo ka, yɛ: Faraɔn Eziptə tɔɔmun, aa lɛɛ gwa yɛ́ gu lɔwai, yɛ́i a mąąɲɔw hɛn gwiɛ kwiɛ; ə́ ɓo pɛlɛni Nilə yaɠaa lɔwai; yɛ́ ɓə ya kɛ diɛ: ‹Nwɔ́ɔ́ ɓaa a Nilə ya! Ɛlɛɛ, ɲą́ą́ gbinįlee ɓə gbɔwɔ pɛli!›

Izikiɛ 35:3

yɛ́ mą: Mɛ̨ni kəlee ŋą Hééɓomun Yálá woo ka, yɛ; gáá múhəɠəi ə́ laa ɓa, Seirə yee, gáá pai ɲéé pɛlɛi yɛ́, gɛ́ ə́ kɛ a lɔi pun mąąwɛliɛ,

Izikiɛ 38:3

'Kɛ mą: «Gáá pɛlɛi yɛ́ a kɔ́, Mɛsɛkə da Tubalə tɔɔmun gɛnɛ̨ɛ Gɔgə,

Izikiɛ 39:1

«Hulɔnu lon, gwə́i mɛ̨nį ɓo, yɛ hvilɛn Gɔgə ɓa; 'kɛ mą: Mɛ̨nį kəlee ŋą Hééɓomun Yálá woo ka: Vílɛn ŋąąi ə́ pulu Gɔgə, Mɛsɛkə da Tubalə tɔɔmun gɛnɛ̨.

Izikiɛ 5:8

Yili mąą mɛ̨nį ɓa, Ną́mu Yálá woo ka, yɛ: Ɲą́ą́n gbɛlimąn, ŋą́ą́ kɛ a ə́ yowo; gáá pai giti kalai yɛ́; lɔiɠaa ɲɛ̨i ɓa.

Nahumə 2:12

Ɲalaɠaa pɛlɛi kaa mį? Ɓɛi ɲala lonnii di kɛi di kɔ̨nɔ̨n ɉɔlɔɓo laai, ɓɛlɔwai ɲala ə kɛi li la huwɔ kpɛi; nu ta hvo kɛi ɲala lon mąąɲɔw.

Nahumə 3:1

ɲąmą pu taai nɛ̨ŋɛ̨n naai, yai naahvɛɛ a hvulu mɛ̨nį da nwuɔ̨ mɛ̨nį; hva kpəla toomɛ̨i kɛɛ ɓa.

Nahumə 3:12

Ə́ wɔ kɔ́ taaɠaai kəlee kaa yɛ ɓolaa wulu, yii aa ɓa ɉa, ma heɛ ɉu kɛnɛ̨, ya lɔ ɓaa da ɉiɠi-ɉiɠiɓo wolo ɓo, da aa ma too kwəi kɛnɛ̨mun na.

Nahumə 3:15

Nąą ɓə nwɔ̨n gaa pai ə́ hu kalai laa, gɔ́ kɔ́ ɓɔwa yɛ ə́ paa laa, di kaa pai ə́ mįi, yɛ bələi peelə a hɛn mįi la. 'Ka ka ɲąąkpɔn yɛ ɉailonŋąą, 'ka ka ɲąąkpɔn yɛ peeləɠaa.

Nahumə 3:5

Yili ɓə gɛi gɛ́ kɔ́ pɛlɛ yɛ́, Yai-Laa Mɛ̨nį Kəlee ŋą Hééɓomun, nwoo ka, yɛi, Gáá ə́ wɔ həɠəi tɛi a ə́ nwun, gɛ́ bɛlɛ ə́ ɲɛ̨ilai, gɛ́ ə́ lɛ lɔiɠaa diɛ, gɛ́ ə́ ɓɛlɛ kpɛɛ yɛ́, tɔɔɓɛlaa kəlee diɛ nąą kaa.

Zasua 11:6

Yai-Laa yɛ Ɉosue ɓa: «Hvo ɲɔw diɛ! Tinąą, kpɔlɔ a ɓɛlɔwai, ŋą́ di lɔ Israɛlə nuą yee ŋą a di powa. Ə́ kaa pai di wɔ hooɠaai kɔ́wɔ pulu laną teei, yɛ di wɔ kɔ́ kɔ́ wotoloɠaai kələn.»

Zasua 11:9

Ɉosue ə di hon yɛ bələi Yai-Laa ə mo la mą. Ə di wɔ hooɠaa kɔ́wɔ pulu lana tee, ə di wɔ kɔ́ kɔ́ wotoloɠaa kələn.