Nahumə 1:6 - Yálá laawoo hɛɓɛ (dc)

⁶ Gbɛɛ ɓə a pɛli tɔɔi nwɔ liiholii ɲɛ̨i tɔwɔ? Nwɔ liiholii a mu həɠə, gbɛɛ ɓə a pɛli tɔɔi? Nwɔ liiholii hu a kɛnɛ̨ yɛ nwɔ̨n a too lɔwɔi, ə mą kɛ kwɛni kpɛa kpɛa ɓə, da kɛ ɓɛlai ɲɛ̨i tɔwɔ.

Yálá laawoo hɛɓɛ

⁶ Gbɛɛ ɓə a pɛli tɔɔi nwɔ liiholii ɲɛ̨i tɔwɔ? Nwɔ liiholii a mu həɠə, gbɛɛ ɓə a pɛli tɔɔi? Nwɔ liiholii hu a kɛnɛ̨ yɛ nwɔ̨n a too lɔwɔi, ə mą kɛ kwɛni kpɛa kpɛa ɓə, da kɛ ɓɛlai ɲɛ̨i tɔwɔ.

Bible

⁶ Gbɛ̂ɛ ƃa pɔ̂ri tɔɔ̂i Yâwɛɛ ŋɔlii-ŋwânai túɛ? Gbɛ̂ɛ ƃa pɔri ǹíi kpelêi Yâwɛɛ ŋɔwála-wala lii-ŋwana fãai yêei? Ŋɔlii-ŋwânai a pâ yɛ̂ɛ ŋɔŋ, é gɔni-ŋai ƃéla-ƃela.

Nahumə 1:6 Iomraidhean Croise

Tɔɔɓɛlaa dɔlɔɔ 19:11

Yai-Laa nwɔ malaka yɛ Eli ɓa: «'Kulɔ ə́ li ə́ tɔɔ ɲee mɛ̨i, ə́ ə́ ɲɛ̨i kɛ Yai-Laa tɔwɔ, ə́ ə́ ɲɛ̨i hee Yai-Laa kaa pai tɛɛi.» Ɲąąɓa, tulɔ hvaŋą kɛnɛ̨ ta ə tɛɛ, vaŋa kɛnɛ̨ pələ, yɛ yee ɓɛla, yɛ kwɛniɠaa ɓɛla. Kɛlaa, Yai-Laa hvo kɛ vaŋąi tii hu. Vaŋąi tii tɛɛ pulu, lɔi ə kpɛlin kpɔ kɛnɛ̨, Yai-Laa hvo kɛ nɔi kpɛlin ŋąą tii hu.

Zôo 26:11

Yələkɔlɔn nɔ̨nwɔ̨ɠaa diɛ kpɛlin, di kpɛlin a nwɔ ɲɔw mąą laa.

Zôo 40:11

Ə́ wɔ liiholi yɛɛ nuą mɛ̨i, ə́ ɲɛ̨i yalii ma tanɔ̨n, ə kpɔɔ ɲąąkɛnɛ̨ nuą mąą yɛɛ.

Zôo 9:5

Yaai a yeeɠaa həɠə di tɔɔi di tɛɠii, yɛ di kulɔ di pihɛi a líiholi.

Mąątɛ̨nɛ̨ 130:3

Yai-Laa! Yá kɛi ku wɔ nɛ̨ŋɛ̨nŋaa laa ə́ yee kpalai, Əkə! Nwɔ́ mɛ̨nį Nąmu! Gbɛɛ ɓə pai lɛɛi yɛnɛ̨ɛ̨?

Mąątɛ̨nɛ̨ 2:12

'Ka mąąwiɛ tɛɛ Non bɔ, hvo pa nəi níiholi, ka nwun na hvo nee pili bələi, nwɔ liiholi a kulɔ lɔ tanɔ̨n. Nui a mąąkilɛ nįnįn mu, mąą nu nwun na nɛ̨ɛ̨i ɓə.

Mąątɛ̨nɛ̨ 76:7

Ɉakɔbə nwɔ Yálái, tómąi ə́ mo, gɔ́ kɔ́ wotolo mąn, ɉoo mąn, di kanąn, di tɔɔi.

Mąątɛ̨nɛ̨ 76:8

Yá ɲɔw pili nu kɔ́lɔi, ɲələi ə́ lii a holi la, gbɛɛ ɓə a pɛli tɔɔi ə́ líila?

Mąątɛ̨nɛ̨ 90:11

Gbɛɛ ɓə ə́ wɔ liiholii hvaŋą kɛnɛ̨ pələ kɔ́lɔn? Bələi lɔ nu a ɲɔw la yɛ́, bələ lɔ ɓə a ə́ wɔ liiholii kɔ́lɔn na.

Azaya 10:16

Yili mąą mɛ̨nį ɓa, Nąmu Yai-Laa Mɛ̨nį Kəlee ŋą Hééɓomun, kaa pai nuą koohaɠa kpɛa-kpɛaɠaai tii kpalai, nwɔ̨n ɲɛ too di wɔ hɛn gɔwii hu, yɛ kpaɠa nwɔ̨n a muhəɠə.

Azaya 13:13

Gáá pai yələkɔlɔn ɉiɠi-hiɠi ɓoi, lɔi yɛ kpɛlin ɉeei, Yai-Laa Mɛ̨nį Kəlee ŋą Hééɓomun ɲɛ̨i tɔwɔ, a ɲələi nwɔ liiholii kaa pai muhəɠəi la.

Azaya 27:4

Níi hvo kɛa holi li; ŋą́ ɲąąlən gaa laa, da kala kpili, ŋą́ą́ mą yili diɛ a kɔ́, gɛ́ gəlee kələn.

Azaya 33:14

Nɛ̨ŋɛ̨n ɉəɠə nuą kwəi aa pili diɛ Siɔn daai, mɛ̨nį ɲɔ̨n gɛ nuą mąą kaa kpɛlin ɉii, ku nɛlɛ ɓə pai lɛɛi tɔɔni gɛɛ kala nwɔ̨n ŋɛ̨i kwɛlɛ? Ku nɛlɛ ɓə pai lɛɛi tɔɔni? Gaa a kpaɠa nwɔ̨n hva liin.

Azaya 66:15

Mąąhɔlɔɓo, Yai-Laa kaa pai, Gaa pai nwɔ̨n ɉɛ̨ąi, nwɔ kɔ́ kɔ́ wotoloɠaai kaa yɛ hvąŋą tulɔ, gwələi di dɔɔ mą a líiholi, yɛ gulɔ a nwąną lɔ pələ, ɛlɛɛ, mąąɲɔwi di mo, yɛ gwələ kulɔ a nwɔ̨n nən.

Ɉeremi 10:10

Kɛlaa, Yai-Laa nwɛi, yaa ɓə a Yálá; yii gaa a vulú, yɛ ɓo a tɔɔmun a yələ kəlee. A níiholi, lɔi a kpɛlin, yɛnɛ̨ɛ̨ lɔi ta hva pɛli tɔɔi nwɔ liiholi tɔwɔ.

Ɉeremi 21:12

«Davidə yəi bɛlɛ́n nuą, Yai-Laa woo ka! Yɛ diɛ: Ka kiti tee a ɉaŋaa yələwala pɔ tɛitɛi kəlee ɓa. Nui daa hee mɛ̨i, ka gulɔ ɲəi kɛ; a wala kɛ tii, nwɔ́ liiholi kaa pai ɓɛlai yɛ nwɔ̨n, gaa pai kɛi lən ɉii, nu hva hɔlɔɓo hvo nuwun. Mąąhɔlɔɓo, ka túwɔ́ pələ aa ɲɔ̨n.

Woolaa 2:3

Nwɔ liiholo hu, aa Israɛlə nwɔ huwalawala hu kala. Ku yowoɠaa kɛɛ pai, hvo gɛ hvo kpɔmąą tɛɛ ku pɔ aa nwɔ̨n doo nwɔ nuą lɔwai aa gwɛlɛ hɛnŋaa kəlee kələn.

Woolaa 2:4

Aa nwɔ kilɛn ɲala ɉu yɛ kɛ ə ɓo mą, yɛ nu a kɛi mɛ̨ni kɛ ɲowo ɓa. Yiiɠaa kpɔ kɛi ku ɲɛ̨i lɛlɛ aa yiliɠaa kəlee nwun dee yɛ nu a kɛi mɛ̨ni kɛ a gɔ́yɔwɔ. Aa nwɔ̨n bu Siɔn halakpɛla nwɔ pɛlɛ́i mɛ̨i a liiholi.

Woolaa 4:11

Yai-Laa aa həli nwɔ liiɲąnwąnąi gbon ɉeei. Aa nwɔ̨n nɔ Siɔn aa daa kɔ́wɔ hvilɛn ɉii kəlee kələn.

Izikiɛ 21:31

Yai-Laa, Yálá woo ka: Di kaa pai mɔlɔ kulɔi, di dɔɔɓɔlɔ kulɔ di nwuɔ̨; mɛ̨nįɠaa kɛ pələ hvo kɛa pai kɛi yɛ bələi ə kɛi kɛ la; yii kɛ mąą yɛɛ, di dɛ; yii mąą tɛɛ, di mąą yɛɛ.

Izikiɛ 30:16

Ŋą́ nwɔ̨n bili Eziptə hu; Sin yɛ kpəlaan gbəlaan mɔ̨nɔ̨ yei; Tɛbɛsə hu yɛ ɓɛla; Mɛmfisə yɛ lɛɛ yai.

Izikiɛ 39:6

Gáá pai nwɔ̨n bilii Magɔgə hu, da gboloyá hɛ̨ąi lɔi hu nuą, di kaa laa a di wəli pulu laɠia; bələ ɓə da gili kɔ́lɔn na, diɛ kɛ. Hɛn gəlee Nąmu ɓaa a ɲą́ą́.

Izikiɛ 7:8

Yiihu, a yiihu kpɔlɔ; ŋą́ liiholii ɓɛla hiɛ li ə́ mɛ̨i. Gáá nwą́ną kulɔi yɛ́, vá kpəla pələi. Ŋą́ ə́ kiti tee, yɛ bələi ə́ túwɔ la, gɛ́ ə́ wɔ ɓowo túwɔɠaaai kəlee gələ kulɔ.

Nahumə 1:2

Yai-Laa kaa a Yálá tolɔɔ, yɛ nwąną kulɔ, nuąi da tɔɔ na, a nwąną kulɔ diɛ, Yai-Laa a nwąną kulɔ, nwɔ liiholii mąą ɲɔwuɔi, Yai-Laa a nwąną kulɔ gɔ́ yɔwɔɠaa diɛ, a nii hvoli ɲowoɠaa pɔ.

Sofoni 2:2

Gɛɛ mɛ̨nįi tii hvo pa kulɔ, di ka hutaɠa yɛ dɛ̨ɛ̨ kpalaan, a vóló tɔ̨nɔ̨i tii, gɛɛ Yai-Laa nwɔ liiɲąnwąną hvo yɛɛ a ka nwun, gɛɛ niiɲąnwąną hvólói tii hvo ɓɛla ka mɛ̨i, 'Ka ka nwun dɔɔ, ka ka kɔ́wɔ mąąnikɛ!

Malasi 3:2

Akɛtii, voló tii gaa pai pai la, nu ta kaa pai lɛɛi yɛnɛ̨ɛ̨ ɓəi? Akɛtii, nu taɠaa kaa pai lɛɛi tɔɔni ɓəi, ɓɛlɔwai gaa pai kulɔi la pɔ̨nɔ̨ŋą? Gaa pai kɛi yɛ: nwɔ̨n da kwɛli həɠeen na, diɛ bu. Gɛ pələ a kɛ yɛ: haahvinɛ̨i gbolo-kɔw kɛnɛ̨i ɉu.

M̀ɛni-lɛɛi 16:1

Yili pulu, ŋį́ woo kɛnɛ̨ ta mɛ̨n yɛ həɠə Yálá hee pɛlɛ́ mu, yɛ kɛ malaka mɛ̨ihveelɛi tii diɛ: «'Ká li, 'ká Yálá ŋą liiŋąnwąną kpələ-kɔ́wɔ mɛ̨ihveelɛi tii hu ɓo lɔi mɛ̨i.»

M̀ɛni-lɛɛi 16:8

Malaka nąąnną ə nwɛi hu ɓo vóló ɓa. Di mąąlaa tɛɛ bɔ, yɛ pɛli nu kanŋaa kələn ɉii a nwɔ nwɔ̨n.

M̀ɛni-lɛɛi 6:17

Hvo gaai, ɲələ aa ɉəli, yai a ŋą liiŋąnwąną hvóló kɛnɛ̨i, ɛlɛɛ, gbɛɛ ɓə pai kulɔi ɉu?»