Nahumə 1:2 - Yálá laawoo hɛɓɛ (dc)

² Yai-Laa kaa a Yálá tolɔɔ, yɛ nwąną kulɔ, nuąi da tɔɔ na, a nwąną kulɔ diɛ, Yai-Laa a nwąną kulɔ, nwɔ liiholii mąą ɲɔwuɔi, Yai-Laa a nwąną kulɔ gɔ́ yɔwɔɠaa diɛ, a nii hvoli ɲowoɠaa pɔ.

Yálá laawoo hɛɓɛ

² Yai-Laa kaa a Yálá tolɔɔ, yɛ nwąną kulɔ, nuąi da tɔɔ na, a nwąną kulɔ diɛ, Yai-Laa a nwąną kulɔ, nwɔ liiholii mąą ɲɔwuɔi, Yai-Laa a nwąną kulɔ gɔ́ yɔwɔɠaa diɛ, a nii hvoli ɲowoɠaa pɔ.

Bible

² Yâwɛɛ káa a tólo Ɣala, gɛ́ mɛni nyɔ́mɔɔ kula maa kɛ̂, gɛ́ mɛni gba kùla a lii-ŋwâna pere. Yâwɛɛ a tɔ̂ŋ pù diai dîa mɛni ma dí tɔɔ̂i mai.

Nahumə 1:2 Iomraidhean Croise

Zôo 20:23

Yálá a nwɔ liiholi muhəɠə mɛ̨i nąąlɔwai, níiholi ti ɓə pai kɛi a gɔ̨nɔ̨n, gaa pai pui mɛ̨i, yɛ kɛ a gɔ̨nɔ̨n.

Mąątɛ̨nɛ̨ 94:1

Yai-Laa! Nwąną kulɔ Yálá! 'Ə́ kpɔwɔ lɛ! Nwąną kulɔ Yálá!

Lɛɛ gbɔwɔ ɓa 20:5

'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Lɛɛ gbɔwɔ ɓa 34:14

Ə́ həli kaa, ka hvo kwɛli hvilɛn hali ɓa, mąąhɔlɔɓo, Yai-Laa ‹Toloɔi›, Yálá toloɔ li.

Lɛɛ gbɔwɔ ɓa 34:7

Yɛ mɛ̨inɛ̨ɛ̨ kɛ mąnįn bulu mąnįn waa tamąą ɓa, yɛ nuą kɛ nɛ̨ŋɛ̨n da di wɔ kulɔ nwoo mu laa mąąhvaalɛɛ. Kɛlaa, a mɛ̨nį ɲɔ̨n gɛ mun ɉutɔɔ, a lon gaa nuą di wɔ túwɔ́ pələ ɲɔ̨n gwələ kulɔ di lonnii diɛ, da di mąnįnni diɛ.»

Azaya 42:13

Yai-Laa kulɔ hiɛ ka tii, yɛ kɔ́kuláa, gaa yɛ kɔ́ kɔ́ mun, gaa nwɔ lii kələn gwəi ɲąątɛi, yɛ gɔ́ huu pili, yɛ tómą, yɛ li ɲowoɠaa pɔ pələ yɛ kpakolo.

Azaya 51:17

'Ə́ muhəɠə, 'ə́ muhəɠə, 'haŋą ə́ tɔɔ Ɉerusalɛmə, yɛ́i ŋɛ̨i Yai-Laa yee ə nwɔ liiholi ya tɔɔ ə́ lai, ə nwun ɉu tínɛ̨n gbama tɛɛ ə́ pɔ, ə́ ɉu lɔɔ kpələ, ə́ ɉu ɓo.

Azaya 51:20

Ə́ lonnii kaa puuni kwəli kəlee pɔ, daa kpɔlɔɔn yɛ lómą a kɔ́ a ɓaalə, Yai-Laa nwɔ liiholi, ə́ wɔ Yálái tómą pələ di mɛ̨i, aa di huwolo.

Azaya 66:15

Mąąhɔlɔɓo, Yai-Laa kaa pai, Gaa pai nwɔ̨n ɉɛ̨ąi, nwɔ kɔ́ kɔ́ wotoloɠaai kaa yɛ hvąŋą tulɔ, gwələi di dɔɔ mą a líiholi, yɛ gulɔ a nwąną lɔ pələ, ɛlɛɛ, mąąɲɔwi di mo, yɛ gwələ kulɔ a nwɔ̨n nən.

Ɉeremi 25:15

Nwooi Yai-Laa Israɛlə nwɔ Yálá ə mo mą́ą́, ya ka, yɛ mą́ą́: «Nɔɔ gbamąi ŋɛ̨i hon ɲə́i, yai naahvɛɛ a nwɔ́ liiholi lɔɔ kpəɠiɛ; nɔiɠaai gáá ə́ tɔɔ di pɔ, ə́ dɔɔ di la.

Ɉeremi 28:8

Yálá kwəi mɛ̨nį hukulɔ nuąi di wɔ kólói kɛ, ɲą́ą́ gwa yɛ́ gu tɔwɔ, ə həɠə wɔlɔ-wɔlɔ ɓa, di mɛ̨nįɠaa ɓo yɛ hvilɛn lɔi tamąą da tɔɔlaa tamąą diɛ, di di lɛɛ kwɛa la, diɛ mo; kɔ́ mɛ̨nįɠaa, mąąwɛli mɛ̨nį, lɔi wolo ɲɔ̨n, mąą mɛ̨nį.

Ɉeremi 3:5

ə́ kaa mɔ̨ɔ̨ pai ɉɔ́n ɉeei ə́ kwəi a yələ kəlee? Ə́ wɔɔ liiholi hvo mɔ̨ɔ̨ pai kpɛlai bələi?» A tɛ̨ą, ə́ mą kɛ hvaai tii, hvó kpɛlai túwɔ́ pələ ɲɔ̨n gulaa ɓa!

Ɉeremi 36:7

Gbəli hu, di kaa pai nɛɛmąą hvəi Yai-Laa ɓa, di tɛitɛi diɛ di pulu tɔɔ di túwɔ́ pələ ɲɔ̨nŋaa diɛ. Mąąhɔlɔɓo, Yai-Laa a níiholi, ɲɔ̨nwɔ̨ɔ̨i. Niiholii Yai-Laa kwəi yɛ hvilɛn na nu huwui ŋɛ̨i ɓa, gɛnɛ̨i.»

Ɉeremi 4:4

Ka kɛ a Yai-Laa nwɔ kɛ́nɛ̨lɛa, kaai ɓaa Ɉuda lɔi hu nuą da Ɉerusalɛmə daai nuą, ka wala gɛ tii, nwɔ́ liiholi kaa pai ɓɛlai yɛ nwɔ̨n. Gaa pai kɛɛ kələn ɉii, nu ta hva pɛli nuwun ɉii. Ka kɛ mɛ̨nįɠaa ɲɔ̨nwɔ pələ ɓa.

Ɉeremi 50:15

'Ka tomą mɛ̨i gwɛlɛ kəlee, aa pɛlɛ, 'Ka ɉon. Mąąkɔ̨nwɔ̨ pɛlɛ́ɠaa daa wolo, mąąkpɛɛ hįiɠaa daa pu, Yai-Laa ka tii nwąną kulɔi. 'Ka ka nwąną kulɔ mą, 'Ka naa mą, yɛ bələi ə naa la kaa.

Woolaa 4:11

Yai-Laa aa həli nwɔ liiɲąnwąnąi gbon ɉeei. Aa nwɔ̨n nɔ Siɔn aa daa kɔ́wɔ hvilɛn ɉii kəlee kələn.

Izikiɛ 36:6

Yili mąą mɛ̨nį ɓa, 'gwə́i mɛ̨nį hukulɔ Israɛlə lɔi ɓa. 'Mo, ɲeeɠaa, ɲee kpu kpuɠaa, ɲá pɛlɛɛɠaa, da ɲee lɔwai lɔiɠaa diɛ, yɛ́ diɛ; Mɛ̨nį kəlee ŋą Hééɓomun Yálá woo ka, yɛ: ‹Ɲą́ą́ ga! Gáá hvaai a tolo da liiholi, mąąhɔlɔɓo, lɔiɠaa daa kɛ ka ɓɛlɛ kpɛɛ kaa.›

Izikiɛ 38:18

Mąą yələi tii, a ɲələi Gɔgə kaa pai pai la Israɛlə lɔi hu, nwɔ́ líiholi a muhəɠə, diɛ gaa ɲɛ̨i pɔ. Yai-Laa woo li.

Izikiɛ 38:19

A tɛ̨ą, ya ka tii gáá moi, lɔi a kpɛlin a gɛnɛ̨ Israɛlə lɔi hu, nwɔ́ tolo kulɔ pələ ɓa da nííholi pələ ɓa.

Izikiɛ 39:25

Kɛlaa, Mɛ̨nį kəlee ŋą Hééɓomun Yálá yɛ diɛi: Yii hu kɛa, gáá Ɉakɔbə nwɔ yɛnɛ̨ɛ̨ ɲɛ̨́i mąą pənəi; gáá pai Israɛlə nwɔ pɛlɛ́i kəlee hon ɉi a wɛlikɛmąąlaa; gɛ́ ɲɛ̨́i kɛ́ Náá mąąhəɠɛɛ ɓa a tóló.

Izikiɛ 5:13

Və́ pai nwɔ́ líiholii kpɛlai bələi; gáá pai nwą́ną́ kulɔi diɛ, ə lɛɛ ɉu ŋą́ naa kulɔ; da gili kɔ́lɔn dii, diɛ kɛ Yai-Laa ɓaa a ɲą́ą́; tolo ɓə gɛ, gɛ́ hvaa, gɛ́ nwą́ną́ kulɔ la diɛ, gɛ́ naa kulɔ.

Izikiɛ 6:12

Nui kwɛala gaa pai haai a lɔi kala ɲɔ̨n; nui kpuɔla, gaa pai tooi a kɔ́ kɔ́ ɓɔwa laa pɔɔ; ɛlɛɛ, gbəlii ti, a diɛi ti di pai gɔ́ heei diɛ, di kpəli a haa a pulu. Gáá pai nwą́ną́ kulɔi diɛ, vá gbɛla bələi.

Izikiɛ 8:18

Nwɔ́ɔ́ yələ aa həli, gɛ́ gɛ́ mɛ̨nį kɛ ɉu a líiholi kɛnɛ̨. Ɲɛ́iyá hvo pai kɛi ɉú; və́ pai nu mąąwɛlikaai; di kaa pai kɛi tómąi nwə́lii; kɛlaa və́ pai nwəli tɔɔi di woo ɓa.»

Zooɛ 2:18

Yai-Laa nwɔ lɔi wɛli kaa mą, a nwɔ nu huwui ɲɛ̨imąąwɛli kaa,

Levetekɔ 26:28

ŋą́ tɔɔ ka la a liiholi kɛnɛ̨, ɲą́ą́ gbinįi gɛ́ ka hutɔɔ gee mɛ̨i mɛ̨ihveelɛ, ka wɔ nɛ̨ŋɛ̨nŋąąi mąą mɛ̨nį ɓa.

Mise 7:18

Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Zakari 1:14

Malakai kɛi mɛ̨nį ɓo mą́ą́, yɛ mą́ą́: «'Mo a lolo, yɛ diɛ: Yai-Laa Mɛ̨nį Kəlee ŋą Hééɓomun, woo ka: Gáá tóló kɛnɛ̨ kulɔi Ɉerusalɛmə da Siɔn di mɛ̨i.

Zakari 8:2

Ɲą́ą́, Yai-Laa, tolo kɛnɛ̨ aa lɔ ɉú, Siɔn mąą mɛ̨nį ɓa. Nwɔ wɛlikɛmąąlaa a gə́lən yɛ nwɔ̨n dɛŋą.

Lonon mo 25:11

«Ɉaláá laa həli mun Aarɔn lon Eleazarə nwɔ lon Pinasə, aa nwɔ́ liiholii həɠə Israɛlə lonnii mɛ̨i, aa mą́ą́ tolo kulɔ. Yili ɓa nwɔ́ liiholii ɲąą aa yɛɛ, və́ kɛa pai Israɛlə lonnii paai, və́ di kpɛɛ yɛnɛ̨ɛ̨.

Lomaŋ 12:19

Nwɛ́likɛmąą nuą, ká hvo ka nwąną kulɔ kaa kpinįi. Kɛlaa, ka Yálá lɛɛ laa ə ka nwąną kulɔ. Mąąhɔlɔɓo, Yálá yɛ diɛ: «Ɲą́ą́ ɓə ŋą́ nuą nwąną kulɔ gɛ́ mɛ̨nį kwələ kulɔ.»

Lomaŋ 13:4

Mąąhɔlɔɓo, gaa tíi Yálá ɓa, əgɛ, ə́ ə́ ɲąątɔɔ a mɛ̨nį lɛlɛɛ kɛɛ ɓa. Kɛlaa, akɛ yá mɛ̨nį ɲɔ̨n gɛi, 'ɲɔw kani kiti tee mun ma. Mąąhɔlɔɓo, hvaŋąi gaa ɲəi yɛ mɛ̨nį kɛ la, hvo ɲəi kpɛli, gaa Yálá ŋą kóló ɓa, yɛ Yálá nwąną kulɔ la, mɛ̨nį ɲɔn gɛmun ma.

Dutɛrɔnome 4:24

Mąąhɔlɔɓo, Yai-Laa ka wɔ Yálái kaa a nwɔ̨n yɛ kɛɛ kələn, gaa a Yálá tolɔɔ.

Dutɛrɔnome 7:10

Kɛlaa, nui Yai-Laa wɛli hvo mą, a mąą nu hutɔɔ, nui a yowolaa kulɔ a Yálá, Yálá a mąą nu nwun na pili a ɉu kpuwaa.

Hebreu 10:30

Nui ŋɛ̨i kɛ mą: «Ɲą́ą́ ɓə ŋą́ nwąną kulɔ kɛ, ŋą́ą́ ɓə ŋą́ mɛ̨nį kwələ kulɔ!» Gu gɔ́lɔn, ɛlɛɛ, nwɔ̨nɔ̨: «Gu Ną́mu ɓə pai ŋą nu huwui kiti teei.»

Zasua 24:19

Ɉosue yɛ Israɛlə lonnii diɛ: «Ka hvo pai pɛli tíi Yai-Laa ɓa, mąąhɔɓo, gaa a Yálá Mąąhəɠɛɛ, Yálá tólɔɔ li, hvo pai niilaai ka wɔ kulɔ nwoo mu laa, da ka wɔ nɛ̨ŋɛ̨nŋąą mu.

Piɛrə veelɛ 2:9

Pələi nuą di kanąn ŋąą Ną́mu Yálá ɓa a di kulɔ la hukɔɔn mɛ̨nį hu, ə bələ kɔ́lɔn. Pələi nwɔ̨nɔ̨ mąąnɛ̨ɛ̨ ə mɛ̨nį ɲɔ̨n gɛ nuą hon na, yɛ pa di hutɔɔ kiti teei lɔwai, ə bələ kɔ́lɔn.