Mise 7:2 - Yálá laawoo hɛɓɛ (dc)

² Kulɔ nwooɓamun aa kpɛɛ nɔi hu, tələnmomun və kɛa nuą lɔwai; di kəlee daa hɛlɛn dɛ ɲąmą pu mɛ̨nį ɓa, nu kəlee yɛ ɓaalə tɛ gaayɔwɔ tɔwɔ.

Yálá laawoo hɛɓɛ

² Kulɔ nwooɓamun aa kpɛɛ nɔi hu, tələnmomun və kɛa nuą lɔwai; di kəlee daa hɛlɛn dɛ ɲąmą pu mɛ̨nį ɓa, nu kəlee yɛ ɓaalə tɛ gaayɔwɔ tɔwɔ.

Bible

² Tɔ̃ya-nuu da kélee fé ŋɔ́nɔ ǹɔii su. Núu kélee fé naa nyii a yào Ɣâla mai. Ǹúui kélee a maa-kpɛ̂ŋ kɛ̂i gɛ́ pere kɔ̂ri a gɛɛ é núu páa. Núu kélee kɛ́ kɔ̀ a gɛɛ é gbɔ́ɔi nuai maa liî tée.

Mise 7:2 Iomraidhean Croise

Mąątɛ̨nɛ̨ 10:9

Aa pələ hɛlɛn dɛ, nooɔ kpɔ kɛnɛ̨, yɛ yala a kɛ nwolo hu; a bələ hɛlɛn dɛ kpɔ kpąąn, yɛ wolo mąąwɛlimun ma. A wolo mą, yɛ ɲala a nwɔ tumɔi.

Mąątɛ̨nɛ̨ 12:1

Nwələ ɲɛ̨itɔwɔmun, gwɛnįn, ɲɛli ə ɓo ɲą mɛ̨ihaaɓa, Davidə nwɔ wələ.

Mąątɛ̨nɛ̨ 12:2

Yai-Laa, 'pa kilɛ-mą́ą́! Tələnmo nuą daa kpɛɛ, tələnmo mɛ̨nį aa kpɛɛ nu kanŋaa lɔwai.

Mąątɛ̨nɛ̨ 57:6

Yálá! 'Hąŋa 'ə́ tɔɔ yələ kɔ́lɔn mɛ̨i! Ə́ wɔ mąąwiɛ ə hee lɔi kəlee mɛ̨i.

Hanwon 1:11

Da kɛ yɛ́ «Pa gwəli, gu pələ hɛlɛn dɛ nuą tɔwɔ, gu di paa, gu too kwəi kələ nuą mɛ̨i!

Hanwon 12:6

Nwąnąlɔ nuą hvaa woo kaa a nu paa hɛlɛn, Kɛlaa, tələnmo nuą laaləi ɓə a di kulɔ ɉu.

Azaya 3:5

Nuą kaa pai kɛi hvaa pɛlɛi di kee ɓa, nu kəlee yɛ pɛlɛ ɉeeyɔwɔ ɓa, lolokolo yɛ tɔɔ hulɔgolo la, nu kpoloon yɛ tɔɔ nu ɓɛlɛmąą la.

Azaya 57:1

Tələnmo lon a haa, nu ta hva yili kaa a mɛ̨nį wala wala, da nu lɛlɛɛɠaa həɠə di yəi bɛlɛ́n, ɛlɛɛ, nu ta hva gaa yɛ kɛ, kili ɲɔ̨nwɔ̨ɔ̨ ka tii a gɛ, diɛ tələnmomun nwuɔ̨.

Azaya 59:7

Mɛ̨nį ɲɔ̨n mə di kɔ́wɔ a mąą gilɛ həɠə, da kɛ gilɛ həɠəi, diɛ li kwəi kwələmun ɲąmą pu mɛ̨nį ɓa, di kwəi kiliɠaa kaa a mɛ̨nį ɲɔ̨n gɛ kili, ɓɛi da tɛɛ laa, kɛɛ kalaa, hɛn ɉu wolɔɔ ɓə da di lɛɛ laa.

Azaya 9:19

Nu kəlee kaa pai kɛ gbɔwɔ yee ɓa kɔ́lɔ mįi, da di kɔ́ɓɛyee ta tee mą di mįi, hva di pilɛ, da di ɓa-mįi-yee ta tee mą di mįi, hva di pilɛ.

Ɉeremi 16:16

Yai-Laa yɛ diɛ: Gáá pai nu hɔ̨nwɔ̨lee kpɛ nuą tɛɛi, diɛ di hon, yili pulu, ŋą́ nu kpɛ loɉoɠaa tamąą tɛɛ, diɛ di kpɛ ɲeeɠaa kəlee tona, da ɲee kpu kpuɠaa kəlee nwuɔ̨, ə mą kɛ, gwɛni woloɠaa hu.

Ɉeremi 5:16

Di wɔ tonwą taɠai ka a kámą laa ɓoɔ, di kəlee di kaa a kulaa kpəɠiɛɠaa.

Ɉeremi 5:26

Gaa tii, mɛ̨nį ɲɔ̨n gɛ nuą kaa nwɔ nuą lɔwai, daa hee nuą tɔwɔ di loɔ yɛ nwɛ̨nį kpɛmun. Diɛ hɛlɛn dɛ, diɛ nu hon na.

Ɉeremi 8:6

Ŋą́ nwə́li tɔɔ kpɔ a nɛlɛɛ, di hvaa woo ɲąą hvo mą. Da lɔpee hvo ɲee kulɔi nwɔ kili ɲɔ̨nwɔ̨ɔ̨ hu, yɛ diɛ: «Akɛti lə ɓə ŋɛ̨i gáá gɛi?» Nu kəlee kaa lii nwun ma, yɛ hoo aa kɛi pili kɔ́ hu.

Woolaa 4:18

Di kɛi ku kɔ́wɔ hvilɛn ɉii mąąhɛŋį, di kɛ kuɔ: 'Ká heei hvo ɓɛ! Ku wɔ yɛnɛ̨ɛ̨ ŋąąkpɛɛi aa lɛɠɛ, ku wɔ hvólóɠaa laa hvɛɛ yələ aa həli.

Izikiɛ 22:12

Da mɛ̨inɛ̨ɛ̨ hon ə́ pɔɔli, ɲąmą pu mɛ̨nį ɓa; yá kɛ hɛnŋaa hɔ̨nwɔ̨ kɛnɛ̨i ə́ pɔɔli, yɛ́ dɛɛ ɲɛn ɉu. Yɛ́ ə́ yee pənə ə́ hee yɔwɔ hu a wea mɛ̨nį; ɛlɛɛ nwɛi, yɛ́ lɛ̨ą mą́ą́. Mɛ̨nį kəlee ŋą Hééɓomun Yálá woo li.

Izikiɛ 24:6

Mąąhɔlɔɓo, Mɛ̨nį kəlee ŋą Hééɓomun Yálá yɛ: Ɲąmą pu taa nɛ̨ŋɛ̨n naai, gɛ pələ kaa yɛ kwɛli ləɠi yii ɓɛ̨nɛ̨ aa hee mą, ɛlɛɛ, di hva pɛli gulɔi ma. Ɉuɓo, yɛ́ ɉuwɔ kpuwulu kulɔ ɉu tɛi tɛi, hvo da lɛɛ ɉu, mąąhɔlɔɓo, hu yɛɠɛ hvo ɉu.

Osia 5:1

Kaai a ɉaláá laa həli nuą, 'ka ka wəli tɔɔi ə́ wəli tɔɔ a nɛlɛɛ, Israɛlə nwɔ pɛlɛ́i, Kaai a dɔɔ pɛlɛ́ mu nuą, 'ka ka wəli tɔɔ a nɛlɛɛ! Kaa ɓə kiti kaa ka mɛ̨i; mąąhɔlɔɓo, ɓɛ kaa kɛ a hɛlɛn Mispa, da ɓaaləi daa dɛ Tabɔrə yee nwuɔ̨.

Osia 6:9

Ɉaláá laa həli nuą kaa nuą paai Sisɛmə pələi pɔ, yɛ nu kpulu a hee dɔwɔ kɛ, mɛ̨nį ɲɔ̨n gɛnɛ̨i di yee kaa ɉu, ya ka tii.

Mise 2:8

Wɛ́i tii kɛ, nwɔ́ nuąi di kɛ kɔ́ ɓa da di yowoɠaa, nuąi kɛ da həɠə gɔ́ ɓa, diɛ pa nɛ̨kpɛlɛɛ, ka kɛli gbaawii kulɔ gilɛn ɉəɠə mɛ̨i di yəi.

Mise 3:10

A Siɔn tɔɔi ka káá moi ɲąmą hu, kaa Ɉerusalɛmə tɔɔ nɛ̨ŋɛ̨n mɛ̨i.

Mise 3:2

A kaa ŋɛ̨i, mɛ̨nį lɛlɛɛ wɛli kpɛɛ kaa, kaa mɛ̨nį ɲɔ̨nwɔ̨ɔ̨ wɛlilakɛ, kaa nuą kɔ́lɔɓo, kaa di luwu kalaan di kɔ́w ɓa.

Zakari 11:6

A tɛ̨ą, vá kɛa yɛnɛ̨ɛ̨ nuą ɲɛ̨imąąwɛli kaa, Yai-Laa woo li. Yɛ diɛ: gáá pai nu tɛi tɛi tooi mɛlan ɲee ŋą, da nwɔ tɔɔmun ɲee ŋą. Tɔɔɓɛlaa kaa pai tooi lɔi mɛ̨i, kɛlaa, və́ pai nuą kulɔi di yei.»

Gɛlaɠaa 24:9

Ɉuifəɠaai kəlee di tɔɔ nwoo pulu, diɛ mą: Bələ ɓə ə kɛ la.

Samuɛlə dɔlɔɔ 24:11

Ə́ gbaɠala kaa yɛ́, yɛ́ kpįnįi yɛ́ kɛ, Yai-Laa ə́ ə́ lɔ ɲéé ŋą háákələi gwɛni wolo hu? Kɛlaa, və́ gɛ və́ ə́ paa; ŋą́ ə́ mąąwɛli kaa, gɛ́ kɛ diɛ: ‹Vá ɲéé pɛlɛ nwún nąmu ɓa, mąąhɔlɔɓo, nui Yai-Laa aa ɉəɠə ɉu, aa ɉee a tɔɔmun yaa li.›

Samuɛlə dɔlɔɔ 26:20

Yálá hvo gɛ ɲą́mą hvo pu lɔi ɓa, mą́ą́ kwɛa Yai-Laa ɓa. Mąąhɔlɔɓo, Israɛlə tɔɔmun aa kɔ́ muhəɠə, vilɛn ŋąą la kpə-kpə pulu, yɛ da kɛi haɉali kpɛ yeeɠaa lɔwai.»