Mise 6:9 - Yálá laawoo hɛɓɛ (dc)

⁹ Yai-Laa kaa húú pilii daa ɓa; nuąi da ɲɔw naa ɓa, gaa pai di ɓaloi, «Nɔi lonnii, da kaai ɲąąkpɔn ɉu, 'ka ka wəli tɔɔ!

Yálá laawoo hɛɓɛ

⁹ Yai-Laa kaa húú pilii daa ɓa; nuąi da ɲɔw naa ɓa, gaa pai di ɓaloi, «Nɔi lonnii, da kaai ɲąąkpɔn ɉu, 'ka ka wəli tɔɔ!

Bible

⁹ Gáa a táre mɛni a gɛɛ núu é yao Yâwɛɛ ma. A tóli ƃôi daa-lêei su, “Ka káwoli tɔ́ɔ káai ká ŋáa tɛɛ̂i ma daa-lêei sui!

Mise 6:9 Iomraidhean Croise

Samia Veerɛi 21:1

Davidə nwɔ tɔɔlaa kwɛlan ɉu, pulu kɛnɛ̨ ta ə too, ə kwɛlan ɉaaɓa kɛ nɔi. Davidə ə Yai-Laa mąąnin gɛ, Yai-Laa yɛ mą: «Bului tii too mɛ̨nį ə kulɔ Saulə da ɲəi bɛlɛ́n nuą di hɔn ɉu. Mąąhɔlɔɓo, di Gabaɔn nuą paa a nwąnąlɔɔ pələ.»

Zôo 10:2

Gáá pai kɛi Yálá ɓa: Hvo ɉón yɛ ŋį́ ɉɔ́n gɛ. Hɔn ŋį́ gɛ, nɛ mą́ą́.

Zôo 23:14

Yili ɓa tii, gɛɛ lɔ pai nwəli tɔɔi nwóó ɓa ɓəi?

Zôo 5:17

Kɛlaa, nui Yálá a ɉutɔɔ, lúwɔ́ lon ni, Hvo tɛɠɛ ɓo Huwalawala Kəlee Nąmu nwɔ hutɔɔ ɓo hu.

Mąątɛ̨nɛ̨ 107:43

Gbɛɛ ɓə yɛi kɛ a mɛ̨nį kɔ́lɔn mun? Ə mɛ̨nįɠaai ti kəlee mąąkpɛɛ, ə Yai-Laa nwɔ mɛ̨inɛ̨ɛ̨ mąą mɛ̨nį kpaɠala kaa.

Mąątɛ̨nɛ̨ 48:10

Yálá, ku kilitɔɔi ə́ wɔ wɛlikɛmąąlaa ɓa, ə́ yəi bɛlɛ́n.

Mąątɛ̨nɛ̨ 83:18

Di hu ə pu diɛ a nwumɛ̨ da ɲɔw, di ɓɛlɛ ə kpɛɛ diɛ, ɓáá ə kulɔ diɛ, ə lɛɛ ɉu di haa la.

Mąątɛ̨nɛ̨ 9:16

Hį́i takpɛliɠaa di wɔ lɔwai di dee, diɛ kpinįi, daa too ɉu, maaləi di dɛ, di kɔ́wɔ ɓə kɔ́ la.

Hanwon 22:3

Nui daa gilaa pɔ̨nɔ̨, a mɛ̨nį ɲɔ̨n gaa yɛ pa, a mąą kilɛ. Nuąi di hva di kiliŋąhiɛ, da lɛɛ a di nwun vilɛn ŋąą, mɛ̨nį ə laa diɛ.

Azaya 26:11

Yai-Laa, Yáá ə́ yee muhəɠə di hvo gaai, Kɛlaa, ə́ wɔ lɔi mąą liihɛlɛn tii Yɛ́, di kaa pai gaai, di ɲɛ̨i yɛ paa; nwɔ̨n tii ɉeɛ Ə́ yowoɠaa tɔwɔ, diɛ kələn ɉu.

Azaya 27:10

Daai tii mąątínɛ̨n ŋąą, gaa pai lɛɛi dɔ̨nɔ̨ kon ɉu, a taatɛlɛɛɠaa laamįi kpomó, nɛɛi gbɔwɔ ɓa yɛ lɔi pun, nįŋɛ̨ lon gaa pai pai yɛ naa mįi laa; yɛ laa laa, yɛ wulu laaɠaa mįi.

Azaya 30:27

Ka ka ɲɛ̨i hee! Yai-Laa laa ka tii həɠəi kpɔ kwɛaala yɛ pa. Nwɔ liiholii kɛnɛ̨i, yɛ nu hu wolo, líiholi woo kaa kulɔi na, nɛn gaa yɛ kɛɛ kələn nwɔ̨n.

Azaya 66:6

Woo kɛ̨nɛ̨ ta kaa kulɔi daa kwəi pələ, woo ta yɛ həɠə Yálá hee pɛlɛ́ mu! Yai-Laa woo li: gaa ɲoɠoɠaa túwɔ́ pələ mąą kwələ kulɔi diɛ.

Azaya 9:13

Yili ɓə gɛ, Yai-Laa ə Israɛlə nwun dee da nwon, ə mɛ̨nį ɲąąnwąnąą laa diɛ a voló tɔ̨nɔ̨i tii.

Ɉeremi 26:18

«Morɛsɛtə hulɔnui ŋɛ̨i kɛ a Mise, ə kɛi Yálá kwəi mɛ̨nį hukulɔ, a Ɉuda tɔɔmun Ezekiasə nwɔ yələi. Ə ta mo Ɉuda lɔi hu nuą kəlee diɛ, yɛ diɛ: Mɛ̨nį Kəlee ŋą Hééɓomun Yai-Laa woo ka, yɛ diɛ: «‹Di kaa pai Siɔn hin ɉii yɛ tíi, Ɉerusalɛmə kaa pai kɛi a pɛlɛ́ kpoloon buɔ pɛlɛ́ kpoloon mɛ̨i, ɛlɛɛ, ɲee ŋɛ̨i Yálá hee pɛlɛ́ tɔɔ nwuɔ̨, a lɛɛ a kpomo.›

Ɉeremi 26:6

Ka gɛ tii, gáá pai bɛlɛ́i ŋɛ̨i hon ɉii, yɛ bələi ŋį́ Silo hon na, ɛlɛɛ, ŋą́ daai ŋɛ̨i kɛ a taai da mɛlaa kɔ́ɔn mą, nɛ̨ŋɛ̨n naa mɛ̨nį hu, yɛnɛ̨ɛ̨ nąąkəlee lɔiɠaa hu.›»

Ɉeremi 47:7

A pɛli vįitɔɔi ləi? Hvo gaai, Yai-Laa ɓə dɔɔ kóló ɓa, yɛ li pɛlɛi Askelɔn da gboloyá kwɛlɛ lɔi diɛ; naa ɓə di nɛ ma.

Izikiɛ 7:9

Və́ pai nu ɲɛ̨imąąwɛli kaai, vá nu mąąhvaalɛɛ. Ŋą́ naa yɛ́, yɛ bələi ə́ gwɛli la; ɛlɛɛ, mowo túwɔɠaa da kɛ lɔ nɔi hu, nąąlɔwai, ka gili kɔ́lɔn kaa ɲą́ą́ Yai-Laa, ɲą́ą́ ɓə gɛlɛɓo kɛi.

Osia 14:9

Ɛfraimə! Nwɔ́ lə mɛ̨nį ɓə hali mɛ̨nį hu? Ɲą́ą́ ɓə ŋą́ nwoo mu hon, gɛ́ ɲɛ̨́i kɛ mą, nwɛ́i gáá lɔ yɛ wului naa ka ŋą a yələ kəlee, ɲą́ą́ ɓə ə́ ɓa a kulɔ váŋą hu.

Amɔsə 2:5

Yili ɓə gaa mą, gáá pai nwɔ̨n dooi Ɉuda lɔi hu, dɔɔ pɛlɛ́ɠaai di kaa Ɉerusalɛmə daai, nwɔ̨n tii a gəlee kələn.

Amɔsə 6:1

Kpalo ɓɛlaai kaa, Siɔn daai hee ɓo nuą, kaai ka káá ka nɛɛ nu. Kaai gaa ka kwəi, ka káá ka nɛɛ hu, Samari yeeɠaa tonna. Gaa yɛ kiɛ, kaa ɓə ka laa tɛɛ hį́iɠaa lɔwai, Kaai a Israɛlə nu huwu ɲɛ̨i tɔwɔ nuą.

Mise 3:12

Yili mąą mɛ̨nį ɓa ɛlɛɛ nwɔ̨nɔ̨, ka mąą mɛ̨nį ɓa, di kaa pai Siɔn hin ɉii yɛ tíi, Ɉerusalɛmə yɛ lɛɛ a pɛlɛ́ kpoloon buɔ ɉimįnín ma, ɛlɛɛ, ɲeei tii Yálá hee pɛlɛ́ tɔɔ mɛ̨i, kala kpili yɛ tɛ mą.

Mise 6:10

Wɛa nuą! Ŋą́ pɛli mɔ̨ɔ̨ níílaai hvulu hɛn gɔwɠaa mu? Da ɉɛn gɔwɔn gəgən tii daa da kulɔ mą ə ɓo a nɛ̨ŋɛ̨n naa?

Mise 6:8

Ə kə hulɔnu! Mɛ̨nįi nɛlɛɛi, yii Yai-Laa kaa gwɛlii ə́ yəi, daa nɛ yɛ́, hɛn da kpɛli hvəi, túwɔ́ a tɛ̨ą kpaalə, lɛɛ nwoo pulu laa wɛli la kɛ, kɛ gili-gili yɛ́ ka Yálá ka lɔwai mɛ̨nį hu,

Sofoni 3:2

Hvo gɛli, hvo nwəli tɔɔ dəli woo ɓa, niɛwoo yii di gɛ mą, hvo ɉon ni, hvo gilitɔɔ li Yai-Laa ɓa, hvo gɛli hvo lɛɠɛ nwɔ Yálái ɓa.

M̀ɛni-lɛɛi 3:19

Nwɛ́i, nui nwɛli kaa mą́ą́, ya ɓə ŋą́ ɉɔn doo mą, gɛ́ ɉutɔɔ. 'Tɔɔ kani a ə́ nwąnąi, ə́ ə́ tuwɔ pələ mąąhvalin!