Mise 5:4 - Yálá laawoo hɛɓɛ (dc)

⁴ Yaa kpinįi tii, gaa pai kɛi a liilaa, Ɲələi lɔpee Asiri a həɠə yɛ kɛ gaa pilii la ku wɔ lɔi hu, yɛ gɔwɔ hvilɛn ku wɔ tɔɔ pɛlɛ́ɠaai mu, kwa taatɛlɛɛ pulu nuą mɛ̨ihveelɛ ɲąątɔɔi mą, da ɲąąwooɓo kɛ nuą mɛ̨ihaaɓa.

Yálá laawoo hɛɓɛ

⁴ Yaa kpinįi tii, gaa pai kɛi a liilaa, Ɲələi lɔpee Asiri a həɠə yɛ kɛ gaa pilii la ku wɔ lɔi hu, yɛ gɔwɔ hvilɛn ku wɔ tɔɔ pɛlɛ́ɠaai mu, kwa taatɛlɛɛ pulu nuą mɛ̨ihveelɛ ɲąątɔɔi mą, da ɲąąwooɓo kɛ nuą mɛ̨ihaaɓa.

Bible

⁴ Tãi a pâ lai, a pâi ŋɔnûai mɛi kâai a wála-wâla-laa nyii a kûla Yâwɛɛ yêei. Ǹyaŋ a pâi dí mɛi kâai a fólo-laa nyii a kûla Ɣâla Yâwɛɛ ǹyaa kpîŋ yêei,

Mise 5:4 Iomraidhean Croise

Mąątɛ̨nɛ̨ 145:12

Diɛ ə́ kɛ mɛ̨nį kpɛa kpɛa hukulɔ nuą diɛ, da ə́ wɔ Tɔɔlaa nwɔ mąąwiɛlaa hu kɛnɛ̨ pələ.

Mąątɛ̨nɛ̨ 22:27

Kpɔwɔ mąąyɛɛ nuą da kɔ̨nɔ̨n mįi, di pilɛ ɉu. Diɛi da Yai-Laa kwɛlii, da Yai-Laa laa mąątɛ̨nɛ̨. «Yíipoo, da yɛnɛ̨ɛ̨ ɲąąnɛ̨ɛ̨, 'di kɛ kaa!»

Mąątɛ̨nɛ̨ 72:19

Lúwɔ́ ə kɛ naa mąąwiai ɓa a yələ kəlee; lɔi kəlee laa ə hvɛɛ a nwɔ mąąwiɛ, kɛi a mo tii Yálá ə kɛ! Mįiną!

Mąątɛ̨nɛ̨ 72:8

Nwɔ tɔɔlaai a həɠə gboloyá ɓa, ə həli la dakpɛli ɓa; ə həɠə ɲá kɛnɛ̨ ɓa, ə həli lɔi kpɛlai.

Mąątɛ̨nɛ̨ 93:1

Yai-Laa ɓə a Heeɓomun, mąąɲįnɛ̨n mə a mąąhəɠə! Yai-Laa aa mąąyili, aa ɉuyili a huwalawalalaa. A tɛ̨ą lɔi tɔɔi kpɔ tin tumun və mą.

Mąątɛ̨nɛ̨ 98:3

Bələi a Israɛlə nwɔ pɛlɛ́i hon na, a wɛlikɛmąąlaa, da lɛɛ nwoo pululaa, aa gili too ɲą, ə mą kɛ kwɛala lɔiɠaa daa gu wɔ Yálái nwɔ ɓalo mɛ̨nį kaa.

Lɛɛ gbɔwɔ ɓa 23:21

Ka mąąwiɛ, ka ka wɛli tɔɔ nwoo ɓa, ka hvo tɔɔ na, hvo pai ka wɔ kulɔ nwoo mu laa mąąhvaalɛɛi, mąąhɔlɔɓo, nwɔ́ heeɓolaa kəlee kaa ɲəi.

Azaya 45:22

'Ka ka ɲɛ̨i tínɛ̨n bɔ́ pələ, ka ɓalo, kaai kpɔ tii lɔi hɔ̨nwɔ̨n ɉu kəlee ɓa, mąąhɔlɔɓo, ɲąą ɓə gáá a Yálá, dakpɛli hvo laa.

Azaya 49:5

Kɛlaa, yiihu, Yai-Laa aa hvaa, yai nɛ́ɛ́ néé kwəi, ə bɛ́li a nwɔ tímun, gɛ́ pɛli pənəi gɛ́ pa a Ɉakɔbə bɔ pələ, Israɛlə yɛ pənə yɛ ɲąąkpɔn gwɛlɛ. Ə həɠə nąąlɔwai ɓa, dɔ́lɔ́ kaa mą́ą́ Yai-Laa ɲɛ̨i ɓa, mąąhɔlɔɓo, vą́ŋą́ ɓaa a nwɔ́ Yálá.

Azaya 52:10

Yai-Laa kaa nwɔ huwalawala mąąhəɠɛɛi kulɔi pɔ̨nɔ̨ ŋą lɔi kəlee ɲɛ̨i ɓa, lɔi wəlin na kəlee kaa pai Yálá nwɔ ɓalo mɛ̨nį kaai.

Azaya 52:13

Nwɔ́ tímun kaa pai tɛi tɔwɔ, gaa pai heei kɛnɛ̨ hɔlɔɓoi, da mąąwiɛ laa kɛnɛ̨.

Azaya 8:7

Yili mąą mɛ̨nį ɓa, Yai-Laa kaa pai yalee hvaŋą kɛnɛ̨ hvɛɛi ə dɛ diɛ. Ya ɓaa a: Asiri tɔɔmun da mąą ɲinɛ̨n gɛnɛ̨ɛ̨, gaa pai hvɛɛi, ə həɠə naai yɛ hiɛ kɛɛnąą kəlee ɓa.

Mise 7:14

Ə́ wɔ nu huwui ɲąąkpɔn ə́ nįnįn mu, Ə́ wɔ taatɛlɛɛ kpului tii a ə́ kwɛlin; gaa lɛɛ dɔ̨nɔ̨ kanɉu kpomói, wuluɠaa lɔwai. Gɛ́ ə gɔ̨nɔ̨n ɉɔlɔɓo Basan da Galaadə, yɛ tɔlɔɔ-tɔlɔɔ yələ.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Zakari 9:10

Gaa pai kɔ-kɔ-wotolo mɛ̨nį kpɛɛi Ɛfraimə lɔi hu, yɛ kɔ-kɔ-wotolo mɛ̨nį kpɛɛ Ɉerusalɛmə. Gaa pai gɔ-kɔ kilɛn ɉu yalii, ɛlɛɛ, yɛ liilaa yɛnɛ̨ɛ̨ loloɓo a lɔi kəlee nwɔɔ. Nwɔ heeɓolaa kaa pai həɠəi gboloyá ta ɓa, ə həli da kpɛli ɓa, yɛ həɠə ɲá kɛnɛ̨ ɓa, yɛ həli nɔi kpɛlai.

Malasi 1:5

Kaa ŋɛ̨i a Israɛlə nu huwu, ká ɲɛ̨i kaa pai mɛ̨nį kaa, káá kɛ diɛ: ‹Yai-Laa aa nwɔ kɛnɛ̨laa lɛ, Israɛlə lɔi mɛ̨i!›»

Maafîu 16:18

Gáá tɛ̨ą ɓoi yɛ́, ə́ laa ɓaa a Piɛrə. Gwɛnii tii mɛ̨i ɓə gáá pai nwɔ́ nu kpului ŋąąkpɔn ɉii laa. Haa yee hvə pai pɛli mą.

Maafîu 2:6

«‹Yɛ́ Bɛtleɛmə taa, hvo ɓaa taa logolo Ɉuda daa kpɛa-kpɛaɠaa lɔwai. Mąąhɔlɔɓo, tɔɔmun da kaa pai kulɔi ə́ hu, yii a tɔɔ Israɛlə nwɔ́ nu huwui ɲɛ̨itɔwɔ.›»

Maafîu 25:31

«Ɓɛlɔwai Nu Lon gaa pai pai la, nwɔ tɔɔlaai hu, da malakaɠaa kəlee, gaa pai heei nwɔ tɔɔ kpəlin mąąwiaa hu;

Lukə 1:32

Nokoloi tii kaa pai kɛnɛ̨i, di naa hee a Yálá yii gaa hɛn gəlee nwun mɛ̨i non ɉulɔnu. Ną́mu kaa pai gɛi a tɔɔmun yɛ pələi galaɓɔlɔ Davidə ə kɛ la.

Ɉaan 10:38

Kɛlaa, akɛ ŋą́ą́ kɛi mɛ̨nįɠaa tii kɛ, ka wala laa ná, ka laa gɛ́ mɛ̨nįɠaa tii la, kaa diɛ kwa ná Yálá ku kaa tɔ̨nɔ̨.»

Ɉaan 20:17

Jesus yɛ mą: «Hvó kanąn mą́ą́, mąąhɔlɔɓo, və́ nii tɛ li Ną́n bɔ yələi. Kɛlaa, li ya Ną́n nonnii kaa ə́ mo diɛ, yɛ diɛ: Gáá li Ną́n da ka Nąn bɔ, nwɔ́ Yálá da ka wɔ Yálá pɔ.»

Ifisiɛŋ 1:3

Lúwɔ́ ə kɛ gu Ną́mu Jesus Kristə Nąn Yálá ɓa, yai aa yələkɔlɔn ɉu lúwɔ́ɠaa kəlee too guɔ Kristə hu.

Piɛrə dɔlɔɔ 1:5

a káái Yálá ŋą hvaŋą yee kaa káá, laa na laa háálai, ɓalo mɛ̨nįi ɉɛ̨ą yiliɛi, doo mɛ̨nį ɓa pono ɲą, ɲąąkpɛɛi lɔwai.

Zûu 1:1

Ɲą́ą́ Ɉudə Jesus Kristə ŋą tímun, Ɉakə nəɠə. Gáá ɉɛɓɛ́i ŋɛ̨i tɛɛi, nuąi kpɔ Ną́n Yálá aa di təli, a wɛlikɛmąą laa, yɛ ɲɛ̨i kɛ diɛ, diɛi a Jesus Kristə nwɔɔ.

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»