Mise 3:6 - Yálá laawoo hɛɓɛ (dc)

⁶ Yili mąą mɛ̨nį ɓa, kpinį aa pɛlɛ ka mɛ̨i, ka hva kɛa kɛɛ kaa, tɛɛ́-hilɛ kpinį a pɛlɛ ka mɛ̨i, ka hva kɛa Yálá kwəi mɛ̨nį mɛ̨n, tulɔ kpinį kaa pai pɛlɛi Yálá kwə́i mɛ̨nį hukulɔ nuą mɛ̨i, da lɛɛ kpinį yəi.

Yálá laawoo hɛɓɛ

⁶ Yili mąą mɛ̨nį ɓa, kpinį aa pɛlɛ ka mɛ̨i, ka hva kɛa kɛɛ kaa, tɛɛ́-hilɛ kpinį a pɛlɛ ka mɛ̨i, ka hva kɛa Yálá kwəi mɛ̨nį mɛ̨n, tulɔ kpinį kaa pai pɛlɛi Yálá kwə́i mɛ̨nį hukulɔ nuą mɛ̨i, da lɛɛ kpinį yəi.

Bible

⁶ “Ǹɛ́ɛ Ɣâla-woo ƃó-ƃelai, kátãi a kɛ́ kpɛɛ̂i. Kpíni su kɛ́tɛ a pâi toôi kâa nyii káfa pɔ̂ri m̀ɛnii kɔ́lɔnîi pâi kɛ̂i a kaai. Vóloi a pâi liî ka káfa ŋɔ́nɔ mɛni da kélee ŋá kàa. Kpɛ́ni fêi ka ŋánûai kúla bere sã́ai ma.”

Mise 3:6 Iomraidhean Croise

Mąątɛ̨nɛ̨ 74:9

Ku hvo kɛa ku kɔ́lɔn ɉɛnŋąą kaai, Yálá kwəi mɛ̨nį hu kulɔ mun da hvo kɛa laa, ə lɛɛ, ku ta hvo mɛ̨nįi ŋɛ̨i kpɛɛ yələ kɔ́lɔn.

Azaya 29:10

Mąąhɔlɔɓo, Yai-Laa aa kwəi pilimąą hvə kaa, Yálá kwəi mɛ̨nį hukulɔ nuą, aa ka ɲįnąą kpulu, kɛɛ kaa nuą, aa ka nwun mɛ̨i kpulu.

Azaya 59:10

Kuɔ hiɛ ɓɛ ɓɛ, yɛ ɲɛ̨i punuą, da həli pɛlɛ nwąną ɓa, kuɔ ku kɔ́wɔ kpəŋə, tɛ tɛ, yɛ nuąi di ɲɛ̨i hvo diɛ, Hvóló ɲą ɉə ɉə, kuɔ ku kɔ́wɔ tuwo, yɛ nuą da kɛ kpinįi, ku mą kɛ kɔ́lɔi pɔ̨nɔ̨ hu, gaa yɛ kwa kɛ a haa nuą.

Ɉeremi 13:16

Gɛɛ hvitili hvo pu, kpinį hvo pɛlɛ kaa, kaa ka kɔ́wɔ tuwɔ ɲeeɠaa ɓa; kaa kɛɛpono mąą kpɔn, Kɛlaa mąą yɛ pənə a tɛɛhilɛ kpinį, a tulɔ kpinį hu tɛɠiɛ, 'ka Yai-Laa ka wɔ Yálái mąąwiɛ.

Ɉeremi 15:9

Lon ɉinąą mɛ̨ihveelɛ kaa lee, aa kulɔ nwului, vina aa tɔ́n, nwɔ hvólói aa lɛɛ tɔɔni nwun ma, aa kpɛɛ; nwumɛ̨ aa ɲɛ̨i paa, gwəi aa pili mą. Yii ɓaa nu kpəli woloi a lɛɛi, gáá pai dɛɛi ɓɔwa kwɛaa pɔ; ɓɛlɔwai di yowoɠaa kaa pai woloi la diɛ. Ɲą́ą́ Yai-Laa nwóó li!»

Ɉeremi 18:18

Nuą di kɛ laa diɛ kɛ diɛ: «Ka gu gilima həɠə Ɉeremi ɓa, gu hvo pai hvɛɠɛi a gu mąą kwɛli mun, a gu liɛwoo ɓomun, a Yálá kwəi mɛ̨nį hukulɔ mun. Ka gwəli gu mɛlɛtoo a naa kala pələ, gu hvo gu wəli tɔɔ nwoo ɓa.»

Izikiɛ 13:9

Ɲéé kaa pai həlii nɛɛ kɛɛ kaa nuąi tii diɛ, a diɛi tii da nuą ɓowo wo ɓoi; di hvo pai kɛi nwɔ́ lɔi nwɔ nwun dɔɔ hu, di laa hvo pai pɛ̨ɛ̨i Israɛlə pɛlɛ́ nwɔ hɛɓɛ́i hu. Di hvo pai lɔi Israɛlə lɔi hu, bələ ɓə ka gili kɔ́lɔn na káá kɛ, ɲą́ą́ ɓə gáá a Mɛ̨nį kəlee ŋą Hééɓomun Yálá.

Izikiɛ 7:26

Kɛɛ lɔ ɓə pai kɛi kalai diɛ, wɛlɛɛ ɲɔ̨nwɔ̨ɔ̨ lɔ ɓə pai kɛi həlii diɛ; di ka mɛ̨nį kwɛlii Yálá kwəi mɛ̨nį hukulɔ mun na, ɉaláá laa həli mun və kɛa pai kɛi kalan gɛi diɛ, galanɉonŋaa di hva kɛa nwun dɔɔ kɛ.

Amɔsə 8:11

Nąmu Yai-Laa yɛ mą: hvólóɠaa kaa pai həlii, gáá pai pulu tooi nɔi nąą kəlee, Hva kɛ a kɔ̨nɔ̨n bulu da ya kpələ wɛli, kɛlaa, a kɛ a Yai-Laa lawoo mɛ̨n bulu.

Mise 2:6

Nu taɠaa da kɛ kɛi mą́ą́: 'Ə́ laapilɛ, nu hva hvaa tii! Mąą hvo nɛ̨ɛ̨li nu hvo kɛ diɛ: A tɛ̨ą, laanɔ̨nwɔ̨ hvo pai həɠəi ku pulu.