Mise 2:10 - Yálá laawoo hɛɓɛ (dc)

¹⁰ 'Ka ka muhəɠə ka həɠə ɓɛ, hvįįtɔɔ yələ hvəi kɛa. Ə́ túwɔ́ pələ ɲɔ̨nwɔ̨i moɔ̨i, ə́ hukala pələ ɓə yá gwɛli. Ə́ hu kaa pai kalai, ə lɔ kpɔ yɛ́ hɔ̨ɔ̨.

Yálá laawoo hɛɓɛ

¹⁰ 'Ka ka muhəɠə ka həɠə ɓɛ, hvįįtɔɔ yələ hvəi kɛa. Ə́ túwɔ́ pələ ɲɔ̨nwɔ̨i moɔ̨i, ə́ hukala pələ ɓə yá gwɛli. Ə́ hu kaa pai kalai, ə lɔ kpɔ yɛ́ hɔ̨ɔ̨.

Bible

¹⁰ Ka kámu siɣe ká lí ká kɛ̂i fé ŋɔ́nɔ ƃɛ́, kpɛ́ni fêi, kásɔnyɔ̂ŋ a ƃɛ́ kara kpɔ́ kpɔlɔwɔ.

Mise 2:10 Iomraidhean Croise

Tɔɔɓɛlaa dɔlɔɔ 9:7

ka gɛ tii, nɔi ŋɛ̨i ŋą́ dɛɛ Israɛlə pɔ, ŋą́ ɉəɠə ɲəi. Bələi mąn ŋą́ náá hee la mą a nwɔ́ɔ́, ŋą́ bili kwɛaa la, ə həɠə ɲɛ̨́i mu. Ɛlɛɛ, nu huwu kəlee da di laa pu Israɛlə hu, diɛ yɛlɛ diɛ.

Tɔɔɓɛlaa veelɛ 15:29

Israɛlə tɔɔmun Peka nwɔ lɔwai hu, Asiri tɔɔmun Tiglatə-Pilesɛrə ə pa Iyɔn, Avɛlə-Bɛtə-Maaka, Yanoa, Kɛdɛsə, Hasɔrə, Galaadə, Galile lɔi, da Nɛftali lɔi nąą kəlee, ə nuą hon ə li a diɛ Asiri.

Tɔɔɓɛlaa veelɛ 17:6

Ose nwɔ tɔɔlaa gwɛlan mɛ̨inąąn nɔwai, Asiri tɔɔmun ə Samari hon a kɔ́, ə Israɛlə nuą damąą həɠə, ə li a diɛ Asiri lɔi hu, ə di hee Hala da Habɔrə ya kwɛlɛ, yai kɛ a Gozan nwɔ ya lee kɛnɛ̨, ə daɠaa hee Medi taa kpɛa kpɛaa hu.

Kɔlɔnikɔ Veerɛi 7:20

ka gɛ tii, nɔi ŋɛ̨i ŋį́ dɛɛ ka pɔ, ŋį́ ka kulɔ ɉu, ɛlɛɛ, bɛlɛ́i ŋɛ̨i ŋį́ mąąhəɠə ŋį́ náá hee mą, ŋį́ bili, ŋį́ gulɔ ɲɛ̨́i mu, ŋį́ gɛ a hį́į lɔi kəlee ŋą yɛlɛ kulɔ ɉu hɛn, diɛ yɛlɛ mą.

Mąątɛ̨nɛ̨ 106:38

Di kɛi kwəi kwələnuą ɲąmą pu, a di lon ɉinąą da nɛ̨ąą, di kɛi di kulɔ a haláá, Kanaan haliɠaa diɛ, nɔi mąą ə liɓi tii a ɲąmą laa pɔɔ.

Mąątɛ̨nɛ̨ 95:11

Ya ɓə, níiholi pələ, ŋį́ gwɛ́la, gɛ́ diɛ: «A tɛ̨ą, di hvo pai lɔi nwɔ́ hviitɔɔi hu!»

Ɉeremi 10:18

Yai-Laa woo li, yɛ diɛ: Yii hu nwɛi, gáá nuą kəlee kulɔi nɔi; gɛ hvilɛn di pulu kpɔ hɔɔlɛɛ, ə gɛ, di hvo pa lan ɲə́i.

Ɉeremi 3:2

Tinɛn dai ə́ ə́ ɲɛ̨i hee bələɠaa pɔ! Ə́ nąąɠaa kaa! Kɛɛnąą ta kaa mɔ̨ɔ̨ laa ɓɛi hvó túwɔ́ pələ ɲɔ̨n gulɔ li laa? Ə́ kɛi hee bələɠaa kwɛlɛ, yɛ́ nuą mąąkpɔn, yɛ bələi Arabə nuą da hee la nɔi pun ɉu. Yáá nɔi mąąliɓi a ə́ wɔ túwɔ́ pələ ɲɔ̨n, da ə́ yii pələ ɲɔ̨nwɔ̨ɔ̨.

Ɉeremi 9:19

Nɛ̨ąą! Ka ka wəli tɔɔ Yai-Laa woo ɓa! Nwoo tii kulɔi na ə lɔ ka wəlii! Ka ka lonnii mąąkwɛli mąąwɛli wɔlɔi ŋɛ̨i ɓa; ka nwoo lawoo ŋɛ̨i lɛ ka heeyɔwɔ nɛ̨ąą diɛ,

Izikiɛ 36:17

«Ə́ wəli tɔɔ hulɔnu lon, Israɛlə nuąi tii kɛ hee ni di wɔ lɔi hu, di nąą kala a di túwɔ pələ, da di kɛ mɛ̨nįɠaa; di túwɔ pələ ə kɛ lɔ ɲɛ̨́i mu yɛ nɛ̨ɛ̨nu a ɲąnin gaai.

Izikiɛ 36:19

Ŋą́ di taɠa taɠa lɔiɠaa hu, di li a diɛ nwea lɔiɠaa hu; ŋą́ di kiti tee di hɔn mąą mɛ̨nį ɓa, da di túwɔ pələ.

Dutɛrɔnome 12:9

Hvo gaai ka hvo nii lɔ li vįitɔɔ lɔi hu, yii gaa pai kɛi a ka kwɛlin nɔi yii Yai-Laa ka wɔ Yálái kaa dɛɛi ka pɔ.

Dutɛrɔnome 30:18

Gáá kpɔ moi kaa háákələi, nɔi ŋɛ̨i ka káá lii heei ɉu Ɉurdɛn yá pulu, ka wɔ yɛnɛ̨ɛ̨ hu hva kwɛa laa, ɛlɛɛ, ka nwun na a pili hea hvo kpɛli ɉu.

Dutɛrɔnome 4:26

háákələi ŋɛ̨i, yələkɔlɔn da lɔi di kaa a gɛla, ka kpɛɛ hiɛ kpɔlɔɔ li nąąlɔwai nɔi tii mɛ̨i, ɓɛi ka káá pai Ɉurdɛn teen ɉii kaa li laa. Ka yíi hva kwɛa, ka kpɛɛ kpɔ tɛ̨ɛ̨tɛ̨ɛ̨.