Mise 1:16 - Yálá laawoo hɛɓɛ (dc)

¹⁶ 'Ə́ nwun bu, 'ə́ nwun galaan, ə́ wɛlikɛmąą lonnii mąą mɛ̨nį ɓa. 'Ə nwun gbəlaan mo, mąąhɔlɔɓo, daa di kulɔ yɛ́, diɛ li a diɛ kwɛaala luwɔlaa hu.

Yálá laawoo hɛɓɛ

¹⁶ 'Ə́ nwun bu, 'ə́ nwun galaan, ə́ wɛlikɛmąą lonnii mąą mɛ̨nį ɓa. 'Ə nwun gbəlaan mo, mąąhɔlɔɓo, daa di kulɔ yɛ́, diɛ li a diɛ kwɛaala luwɔlaa hu.

Bible

¹⁶ Zuda-ƃela, ka káŋuŋ kálaŋ ma ká wɔ́lɔ káwɛli-kɛ-maa lonii mɛni ma. Ka káŋuŋ kálaŋ ma yɛ̂ɛ kpúlaŋ a tòo núu ŋûa kpɛ́ni fêi, da pâi liî a kálônii kélee luɛ-laa su.

Mise 1:16 Iomraidhean Croise

Tɔɔɓɛlaa veelɛ 17:6

Ose nwɔ tɔɔlaa gwɛlan mɛ̨inąąn nɔwai, Asiri tɔɔmun ə Samari hon a kɔ́, ə Israɛlə nuą damąą həɠə, ə li a diɛ Asiri lɔi hu, ə di hee Hala da Habɔrə ya kwɛlɛ, yai kɛ a Gozan nwɔ ya lee kɛnɛ̨, ə daɠaa hee Medi taa kpɛa kpɛaa hu.

Zôo 1:20

Nąąlɔwai, Ɉobə ə nɛɛmą ə muhəɠə ə tɔɔ, ə nwɔ biliɉui huɓɛla, di nwun gbəlaan mo, ə too nɔi ɓa, ə kwɛli hvilɛn Yálá ɓa.

Azaya 15:2

Nuą kaa tɛi Divɔn haláá kulɔ pɛlɛ́ mu, diɛ wɔlɔ laa. Moabə kaa nwoo laai Nebo yee da Madaba yee nwuɔ̨; daa nwun gəlee kalaan, daa kpɛlɛ kəlee pu.

Azaya 22:12

Mąą yələi tii, Nąmu Yai-Laa Mɛ̨nį Kəlee ŋą Hééɓomun, ə kɛ bɔ kɛ, ka wɔlɔ, ka ka woolaa, ka ka nwun gbəlaan mo, ɛlɛɛ, ka mąąwɛli hee ɓo.

Ɉeremi 16:6

Nɔi ŋɛ̨i hu nu kpɛa kpɛaa, da bɛlɛɛɠaa di kaa pai haai, di powa loo mun hva hɔlɔɓo, wɔlɔ woo hva tɔɔ di mɛ̨i; nu ta hva gbɔwɔ mąą ɓɛla, nu ta hva nwun gbəlaan mo.

Ɉeremi 4:8

Yili mąą mɛ̨nį ɓa, ka ɓíi haɠa too ka kwąną, ka mąąwɛli heeɓo; ka ka woo laa! Ka gboo təli! Mąąhɔlɔɓo, Yai-Laa nwɔ liiholi kɛnɛ̨i hvo həɠə li gu pulu.

Ɉeremi 47:5

Daa Gaza nwun galaan, daa laa lɔ Askelɔn la. Ka káá lɛɛi a nu gbəli ka wɔ lɔi hu, ka mąą kaa pai lɛɛi a mɛlaa, əlɛɛɉu lə yələ?

Ɉeremi 6:26

Kaa ɓaa nwɔ́ nu huwui, ka mąąwɛli heeɓo! Ka too luwu hu ka kɔ́, yɛ nu non ɉulɔnu tɔ̨nɔ̨ gbən a haa. Ka ka woo laa a nwąnąą! A mąąwɛliɛ, mąąhɔlɔɓo, gɛɛ kala nuą tii, di kaa pai woloi lɔ kaa tanwɔn kpúlu, ka tɛɠii pələ.

Ɉeremi 7:29

Ə́ wɔ mɛ̨nį laakwɛlanmoɔ nwun nəɠai mɛ̨i tee! Ə́ bili! Mąąwɛli wələɠaa too bələɠaa pɔ. Mąąhɔlɔɓo, ə́ kaa a nui gaa Yai-Laa nwɔ liiholi laai kwɛlii, ɓɛlɛ aa kpɛɛ Yai-Laa kwəi.

Woolaa 2:19

'Hvó kpɛla wɔlɔɔ ɓa da ə́ woo laa ɓa kpįnį kəlee yeemu; Ə́ yee laa kwələ hee Yai-Laa ɓa, ə́ kwəi mɛ̨ni hu lɛ mą, ə́ lonnii di wɔ yɛnɛ̨ɛ̨ mąą mɛ̨ni ɓa, diɛi pulu kaa di paai bələɠaa nwun na.

Amɔsə 7:11

Yii Amɔsə kaa moi, ya ka, yɛ: «‹Ɉeroboamə kaa pai lɛɛi kɔ́ hu, ɛlɛɛ, di Israɛlə nu huwu hon a luwɔ, di li a diɛ lɔi takpɛli hu.›»

Amɔsə 7:17

yɛ diɛ: «‹Yɛ́ Amasia, ə́ nɛ̨ą kaa pai kɛi a wɛlikɛnɛ̨ɛ̨nu kɛnɛ̨ ɓɛ daa lee hu. Ə́ lon ɉinąą da ə́ lon nɛ̨ɛ̨ą di kaa pai lɛɛi kɔ́ hu; di kaa pai ə́ wɔ lɔi ŋąąkwɛlɛi a yɛli. Ə́ wɛi tii nwɛi, lɔi yii di hvo Yálá kɔ́lɔn ɉu, naa ɓə ə́ kaa pai haai laa, yili pulu, di kaa pai Israɛlə nu huwu kəlee hon ɉi a luwɔ, di li a diɛ lɔi takpɛli hu.›»

Amɔsə 8:10

Ŋą́ ka wɔ hɛliɠaai kəlee mąą pənə a mąąwɛli hee ɓoɔ Ŋą́ ka wɔ wələɠaai mąąhvalin a wɔlɔ woo. Nu kəlee da mąąwɛli həɠə too di kwąną yɛ da haa too nu ɓa. Nu kəlee da di nwun gbəlaan mo, yɛ nu lon gɔw tɔ̨nɔ̨ a haa. Mɛ̨nįɠaa tii kəlee ŋąą a kpɛɛ a nwanąą.

Dutɛrɔnome 28:41

Ka káá pai lon ɉinąą da lon nɛ̨ą kaai, kɛlaa, di hva lɛɛ ka yəi, gəlee da li luwɔlaa hu.