Markə 9:26 - Yálá laawoo hɛɓɛ (dc)

²⁶ Ɲįnɛ̨n tii ə tómą, ə nokoloi tii hukpɛlin, ə həɠə bulu. Nokoloi tii ə too, ə kɛ yɛ nu a haa. Nuąi kɛ nąą kwɛlɛ, di kɛi kɛ diɛ: «Aa haa.»

Yálá laawoo hɛɓɛ

²⁶ Ɲįnɛ̨n tii ə tómą, ə nokoloi tii hukpɛlin, ə həɠə bulu. Nokoloi tii ə too, ə kɛ yɛ nu a haa. Nuąi kɛ nąą kwɛlɛ, di kɛi kɛ diɛ: «Aa haa.»

Bible

²⁶ Nyînaŋ nyɔ́mɔɔi è làɣi, é dumo-tumo a ŋ̀ánaa, é kúla bôlu. Zurɔ̂ŋ-looi è kɛ̀ yɛ̂ɛ a saa, ǹúui da-ŋa dí m̀ó dîyɛɛi, “Aâ saa.”

Markə 9:26 Iomraidhean Croise

Lɛɛ gbɔwɔ ɓa 5:23

Ə həɠə kpɔ ɲələi ŋɛ̨i ŋį́ ə́ wɔ wɛlɛɛ ɓo la Eziptə tɔɔmun ma, gaa lɔ yɛ Ə́ wɔ nuąi laanɔ̨nwɔ̨ ɓo, ɛlɛɛ, hvó di nwun mąąɓoi.»

Maafîu 15:22

Kanaan nąąnu ta ə kɛ laa nɔi tii hu, ɲį́nɛ̨n ə ɓo non nɛ̨ɛ̨nu pulu yɛ naanɔ̨nwɔ̨ ɓo kpɔ a mɔlɔɔ. Nɛ̨ɛ̨nu tii ə pa Jesus pɔ ə wɔlɔ ma yɛ mą: «Davidə Lon, Ną́mu, ɲɛ̨́i mąą wɛli kaa. Ɲį́nɛ̨n gaa nón nɛ̨ɛ̨nu pulu yɛ naanɔ̨nwɔ̨ ɓo kpɔ a mɔlɔɔ, gɛ́ ə́ gbɛ bulu.»

Markə 1:26

Ɲinɛ̨n ə ɉulɔnu tii too nɔi ɓa, ə gɔnwɔ kpɔ kɛnɛ̨.

Markə 9:18

Ɓɛi lɔpee ɲinɛ̨n tii a ɉon naa, a doo nɔi ɓa, yɛ ɲį́n ɲą mį́i, ə nwalawala gɔw ɓa, yɛ nɛaya hvili-hvili tɛ. Ŋą́ą́ nɛ̨ɛ̨mąą hvə ə́ wɔ kalan nɛai diɛ, gɛ́ di gbɛ bulu. Kɛlaa, di hvo pɛli gbɛi.»

Markə 9:20

Di paa la bɔ. Yii lɔ ɲinɛ̨n tii ə Jesus kaa, ə nokoloi tii hu kpɛli gbɔ kɛnɛ̨, ə doo nɔi ɓa, yɛ giliɠilin, nɛaya hvili yɛ tɛ.

Markə 9:25

Jesus ə nu kpulu kaa diɛ pa mą, ə haŋą ɲįnɛ̨n tii ɓa, yɛ mą: «'Ɲįnɛ̨n! Yɛ́i ə kaa nokoloi ŋɛ̨i pulu, hva gɛ hvo hvaa, hvo mɛ̨nį mɛ̨n, gɛ́ ə həɠə bulu. 'Hvo kpɔ kɛa pənə hvo hvilɛn bulu.»

Markə 9:27

Kɛlaa, Jesus ə nokoloi tii yee hon ə muhəgə, ə dɔɔ.

M̀ɛni-lɛɛi 12:12

Yili ɓə gaa mą, yələkɔlɔn, 'ká kwəinɛ̨ɛ̨ kulɔ, ə mą kɛ, káái laa heeni. Kpalo aa ɓɛla lɔi da gboloyá diɛ, mąąhɔlɔɓo, nąnį aa yɛɛ di pɔ, niikələnŋąą gwəi, gili aa pu ɉu, yɛ kɛ, ŋą lɔwai hu hvo kwɛa li.»