Markə 9:12 - Yálá laawoo hɛɓɛ (dc)

¹² Ə di woo pulu pənə, yɛ diɛ: «Mąąnɛ̨ɛ̨ kpɔ Eli ə gbɛa pa, ə mɛ̨nįɠaa kəlee hee gbanɲą. Kɛlaa, lə mɛ̨nį ɓa, Yálá laawoo hɛɓɛ́ ə mo nwɔ̨nɔ̨, yɛ diɛ: ‹Nu Lon kaa pai mɔ̨nɔ̨ mį́i, nwɛli ə kpɛɛ nuą diɛ?›

Yálá laawoo hɛɓɛ

¹² Ə di woo pulu pənə, yɛ diɛ: «Mąąnɛ̨ɛ̨ kpɔ Eli ə gbɛa pa, ə mɛ̨nįɠaa kəlee hee gbanɲą. Kɛlaa, lə mɛ̨nį ɓa, Yálá laawoo hɛɓɛ́ ə mo nwɔ̨nɔ̨, yɛ diɛ: ‹Nu Lon kaa pai mɔ̨nɔ̨ mį́i, nwɛli ə kpɛɛ nuą diɛ?›

Bible

¹² È díwoo su tòo ǹyɛɛ dîai, “Ilaza a pâi kpɔ́ fúlɔi a gɛ́ɛ é m̀ɛnii kélee su sã́a. Kɛrɛ̂e, bɔ̃yɛɛ̂i Ŋ̀âla-kɔlɔi su a gɛ́ɛ fɛ̂ɛ núu-kpune Ǹóŋ é mɔ̃lɛ mɛni támaa su, dí tûa la yɛ̂ɛ luɛ?

Markə 9:12 Iomraidhean Croise

Mąątɛ̨nɛ̨ 74:22

Yálá! 'Ə́ muhəɠə, ə́ kpɔwɔ mɛ̨nį mąąkɔ̨nwɔ̨, ə́ kiliŋąhiɛ mowo nuąi ŋɛ̨i di wɔ lalan da kɛ bilii mą.

Azaya 49:7

Mɛ̨nįi Yai-Laa, Israɛlə nwun mąąɓo Yálá, da nwɔ nu mąąhəɠɛɛ kaa moi, ya ka: Yai daa mɛlɛ kpɛɛ mą, yɛnɛ̨ɛ̨ nuą diɛ gaa yɛ hɛn ɲɔ̨nwɔ̨ɔ̨, ə ɓo a tɔɔɓɛlaa di wɔ luwɔ, Gaa kɛi mą, tɔɔɓɛlaa kaa pai ə́ kaai, diɛ di muhəɠə, lɔi ɲąąwooɓo nuą, diɛkpɛli, diɛ kwɛli hvilɛn mą, diɛ yili kɛ tii, Yai-Laai ɲɛ̨i dəlimoɔ, mąą mɛ̨nį ɓa, Israɛlə nwɔ nu mąąhəɠəɛi ɲɛ̨i ə́ həɠə ɉu, mąą mɛ̨nį ɓa.

Azaya 50:6

Nuąi kɛi gɛ́lɛ ŋą́ ɉeą lɛ diɛ, Nuąi kɛi gbɛ́lɛ kulɔ a ɉamu, ŋį́ nɛ̨́ŋɛ̨n nɛɛ di yəi, nuąi kɛi nálan, diɛ di laayá pili ɲɛ̨́i, və́ ɲɛ̨́i kulɔ di laa mu.

Azaya 52:14

Gɛ pələ ə nuą mąąɲɔw, mąąhɔlɔɓo, ɲɛ̨ilai hvo kɛa kɛ kulɔ li nu ɓa, ɲɛ̨ilai ɉee pələ ɲɔ̨nwɔ̨ pələ ɓa.

Zakari 11:13

Yai-Laa yɛ mą́ą́: «'Bili nəɠítɔɔmun bɔ, nwalii tii a nɛ yɛ, və́ di ɲɛ̨i ɓa a hɛn da.» Ŋą́ nwali kwələ pow haaɓai tii həɠə, ŋą́ li la nəɠítɔɔmun bɔ, Yai-Laa yəi bɛlɛ́n.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Maafîu 16:21

Ə həɠə nąąlɔwai ɓa, Jesus ə mo nwɔ kalan nɛai diɛ a ɉu ponoɔ̨ yɛ diɛ: «Hvo kɛli ŋą́ li Ɉerusalɛmə, ə gɛ, nu pɔlɔɠaa, da ɉaláá laa həli nuą nwun nąmįną, ə mą kɛ dɔ́n galamɔ̨ɔ̨ɠaa di mɔ̨nwɔ̨ ɓo kpɔ kɛnɛ̨, ə lɛɛ, di báá. Kɛlaa, voló ɉaaɓa yələ, ŋą́ nwun, ŋą́ kulɔ haa yəi.»

Maafîu 26:24

Nu Lon kaa pai haai yɛ bələi bɛ̨ɛ̨ la Yálá laawoo hɛɓɛ́ hu. Kɛlaa, nui ɉaa mɛ̨nį wulu kaa pai lɛɛi nwuɔ̨i, kpalɔ ɓɛlaai mąą nu ɓa. Mąą nui tii ə mą kɛ kpɛli nee hvo gaa li kɛ, yili hviɛlaɓoɔi kɛ.»

Markə 10:33

Ə mo diɛ, yɛ diɛ: «Ka ka wəli too, ka gu kaa tɛi Ɉerusalɛmə daai, di kaa pai Nu Lon tɛɛi ɉaláá laa həli nuą nwun nąmįną da dɔ́n galamɔ̨ɔ̨ɠaa diɛ. Di mąą ɲąba lɔ, ə gɛ di baa. Nuąi di hvo Yálá kɔ́lɔn, di kaa pai dɛɛi di pɔ.

Markə 9:13

Kɛlaa, gáá tɛ̨ą ɓoi kaa, Eli aa gbɛa kɛ pa. Kɛlaa, nuą di ɉon nɔ yɛ pələi di liiɓa kaa la, yɛ pələi kpɔlɔɔ Yálá laawoo hɛɓɛ́ ə mo la mąą mɛ̨nį hu.»

Markə 9:31

Mąąhɔlɔɓo, ə kɛi nwɔ kalan nɛai kalan, a ɉaa mɛ̨nį, da muhəɠə mɛ̨nį, yɛ kɛ diɛ: «Di kaa pai lɔi Nu Lon gilii, di baa, kɛlaa, hvóló haaɓa tɛɛ pulu, a pənə ə kɛ a vulu.»

Lukə 1:76

Yɛ́i ŋɛ̨i a nón, di kaa pai kɛi yɛ́ Yálá yii gaa a Hɛn Gəlee Nwun Nąmu, gwəi mɛ̨nį hukulɔ mun. Mąąhɔlɔɓo, yɛ́, ə́ kaa pai lii Ną́mu Yálá ɲɛ̨i tɔwɔ, ə́ nwɔ pələi pɛli, ə́ ɉaŋą;

Lukə 23:11

Herodə da gɔ́kulááɠaa di kɛi yɛlɛ Jesus ɓa, diɛ mɛlɛkpɛɛ ma. Di gbaawi lɛlɛɛ ta too Jesus kwąną, di pənə di dɛɛ diɛ li la Pilatə pɔ.

Lukə 23:39

Mɛ̨nį ɲɔ̨n gɛ nuą hveelɛi tii dɔ̨nɔ̨ ə kɛi Jesus lalan, yɛ kɛ mą: «Akɛ Nwun mąąɓomun Yálá ə naakwɛlanmo ya ɓaa a yɛ́, ə́ kpɔɔ nwun mąąɓo, ə́ ku nwun mąąɓo.»

Gɛlaɠaa 1:6

Galan nɛa ɲąąkpɔn ŋąąi kɛ gwɛlɛ, di mąąni kɛ diɛ mą: «Ną́mu! Akɛti, nąąlɔwai ɓə ə́ kaa pai Israɛlə nwɔ tɔɔlaai heei la?»

Gɛlaɠaa 4:11

Yaa ɓə a gwɛnii kaai a bɛlɛ́ tɔɔ nuą ka lənə mą, aa kɛ a bɛlɛ́ nwun ɉon gwɛni.