Markə 8:38 - Yálá laawoo hɛɓɛ (dc)

³⁸ Akɛ nu a nwumɛ̨ náá ɓoi, ə nwumɛ̨ nwɛlɛɛ lɛlɛɛ ɓo mɛ̨nį ɓa, háákələi nuą ŋɛ̨i di hvo tələnmo li diɛ nɛ̨ŋɛ̨ gɛ, di ŋɛ̨i ɓa, Nu Lon yaa kpɛli a tinąą nwumɛ̨ mąą nu laa ɓoi, ɓɛlɔwai a paa la da Yálá nwɔ malakaɠaa Nąn nwɔ mąąwiɛ hu.»

Yálá laawoo hɛɓɛ

³⁸ Akɛ nu a nwumɛ̨ náá ɓoi, ə nwumɛ̨ nwɛlɛɛ lɛlɛɛ ɓo mɛ̨nį ɓa, háákələi nuą ŋɛ̨i di hvo tələnmo li diɛ nɛ̨ŋɛ̨ gɛ, di ŋɛ̨i ɓa, Nu Lon yaa kpɛli a tinąą nwumɛ̨ mąą nu laa ɓoi, ɓɛlɔwai a paa la da Yálá nwɔ malakaɠaa Nąn nwɔ mąąwiɛ hu.»

Bible

³⁸ À kɛ̀ núu da à ŋùmɛ é pîlaŋ ḿâ da ŋáwooi, ŋ̀ulu-wulu kɛ́ɛi da zɔnyɔ̂ŋ ɣéniɛi ŋí su, gɛ̀ ní, ŋ̀elei núu-kpune Ǹóŋ à pà lai, da Ŋ̀âla-taa-kela maa waa-ŋai, Ǹâŋ ŋɔfólo-laai kɛ́ ƃò bôlui, a pâi ŋumɛ̂i é pîlaŋ ǹúui tí ma.”

Markə 8:38 Iomraidhean Croise

Danîa 7:10

Nwɔ̨n ə kɛi kulɔ nííla, yɛ tɛɛ yɛ, ya lee, nwɔ kɛlaɠaa di kɛ a nu waa nwun damaa, nu waa nwun damaa diɛ ɓo gwɛlɛ, kiti tee nuą di pa di hee, hɛɓɛ́ɠaa laa ə ɓo.

Danîa 7:13

Ɉįi tɔ̨nɔ̨i tii hu lɔ nwɔ̨nɔ̨, ŋą́ hɛn da kaa ə ɓo yɛ hulɔnu lon, yɛ ɓo tulɔ kpiliɠilin mɛ̨i, yɛ pa. Pai tii ə mo, ə mąą lɛɠɛ ɉulɔgolo pɔlɔ-pɔlɔ tii ɓa, ə lɛɛ, di mąą lɛɠɛ ma.

Zakari 14:5

Kaa kaa pai kɛi pui kaa li nɛ̨ŋɛ̨ lɔi hu, yai gaa ɲeeɠaa lɔwai, mąąhɔlɔɓo, nɛ̨ŋɛ̨ lɔi tii ɲee lɔwai, gaa pai həlii kpɔ Asalə, ka káá pai pui lɔ yɛ bələi ka pu la, a ɲələi nɔi ə kpɛlin na, a Ɉuda tɔɔmun Oziasə nwɔ yələi. Yili pulu, Yai-Laa nwɔ́ Yálái kaa pai pai, nwɔ nu mąąhəɠɛɛɠaa kəlee di ɓo bɔ.

Maafîu 12:39

Jesus ə di woo ŋąąpənə, yɛ diɛ: «Háákələi nuą túwɔ́ pələ ɲɔ̨nwɔ̨ɔ̨ ŋɛ̨i, di hva Yálá woo hon, diɛ ŋį́ kpalo mɛ̨nį ta kɛ, diɛ di gaa. Kpalo mɛ̨nį ta lɔpee hvo laa, yii ŋą pɛli gɛi di ɲɛ̨i ɓa, akɛ Yálá kwəi mɛ̨nį hukulɔ mun Ɉonasə mąą mɛ̨nį hvəə.

Maafîu 13:41

Nu Lon kaa pai Yálá nwɔ malakaɠaa tɛɛi, əgɛ, nuą yiiɠaai da kɛ di ɓɛlaa ɓowoi, diɛ di həɠə Yálá kɔ́lɔn bələ mɛ̨i, da di kulɔ nwɔ tɔɔlaai hu.

Maafîu 16:27

Ɓɛlɔwai Nu Lon kaa pai pai la, Nąn Yálá nwɔ mąąwiɛi hu, da nwɔ malakaɠaai, nąąlɔwai ɓə gaa pai nu tɛitɛi kəlee hvɛla kulɔi la, yɛ pələi dúwɔ́ pələ ə kɛ la.

Maafîu 16:28

Gáá moi kaa a tɛ̨ą, nu taɠaa kaa ɓɛ ka lɔwai, di hvo pai haai, ə lɛɛ la ɉu di Nu Lon gaa yɛ pa la yɛ tɔɔmun.»

Maafîu 16:4

Háákəlee nuą ŋɛ̨i di hva tələnmo túwɔ́ ɓo Yálá ɲɛ̨i ɓa, diɛ ŋą mɛ̨nį ta kɛ di gaa. Kɛlaa, mɛ̨nį takpɛi hva pɛli lɛi diɛ, akɛ Ɉonasə mąą mɛ̨nį hvəə.» Yili pulu, ə di lɛɛ laa ə həɠə laa.

Maafîu 24:30

A kɛ tii, Nu Lon pa mɛ̨nį kɔ́lɔn ɉɛnŋąa da laa yələ kwəi. Lɔi mɛ̨i nuą kəlee da di woo laa. Ɛlɛɛ, diɛ Nu Lon kaa heeni tulɔ kpinįn ɉu, yɛ pa huwalawala kɛnɛ̨ da mąąwiɛ hu.

Maafîu 25:31

«Ɓɛlɔwai Nu Lon gaa pai pai la, nwɔ tɔɔlaai hu, da malakaɠaa kəlee, gaa pai heei nwɔ tɔɔ kpəlin mąąwiaa hu;

Maafîu 26:64

Jesus yɛ mą: «Yaa kpɔlɔ ka tii yaa hvilɛn mɛ̨i, ya ɓaa a ɲą́ą́! Gáá moi kaa, ə həɠə háákələi ɓa, ka káá pai Nu Lon kaai heeni Yálá yee-lɛlɛɛ-mɛ̨i Huwalawala kɛnɛ̨ hu, yili pulu, ka gaa yɛ həɠə yələi yɛ yɛɛ tulɔ kpinįn ɉu.»

Maafîu 8:20

Jesus ə mo mą yɛ mą: «Kɛlɛnŋąa lɔ wolo kaa di yəi, ə mą kɛ nwɛ̨nįɠaa taa kaa di yəi. Kɛlaa, kɛɛnąą ta hvo kpɛli Nu Lon yəi ɓɛi a vįitɔɔ laa.»

Markə 13:26

Nąąlɔwai, nuą da Nu Lon kaa kɛa ɉiɛ tulɔ kpiliɠilin mɛ̨i huwalawala kɛnɛ̨ da mąąwiɛ kɛnɛ̨ hu.

Markə 14:62

Jesus ə nwoo pulu pənə, yɛ mą: «Ɲą́ą́ ɓə a yaa. Ɲą́ą́ ŋɛ̨i a Nu Lon ka káá pai gáái heeni Yálá yee lɛlɛɛ mɛ̨i, huwalawala kɛnɛ̨ hu, tulɔ kpiliɠilin mɛ̨i, gɛ́ pa.»

Markə 8:37

Akɛti, lə ɓə nu a pɛli dɛɛi a nii mąąhvalin?

Lukə 19:26

«Yɛ diɛ: ‹A tɛ̨ą gáá moi kaa, nui hɛn gaa ɲəi, da da pɛlɛ mą. Kɛlaa nui hɛn və ɲəi, yii woloi ɲəi, da gulɔ ɲəi.

Lukə 9:26

Akɛ nu a nwumɛ̨ náá ɓoi, ə nwumɛ̨ nwóó hon ɉii, ɓɛlɔwai Nu Lon kaa pai pai la nwɔ mąąwiɛ hu, da Nąn Yálá nwɔ mąąwiɛ hu, da Yálá nwɔ malakaɠaa, a nwumɛ̨ mąą nui laa ɓoi.

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Ɉaan 1:51

Jesus ə pənə ə mo yɛ mą: «A tɛ̨ą kpɔ-kpɔ gáá moi kaa, ka káá pai kɛi yələkɔlɔn gaai naa ɓoɔ, Yálá nwɔ malakaɠaa diɛ tɛ diɛ yɛɛ Nu Lon mɛ̨i.»

Ɉaan 12:34

Nuą tii kəlee di nwoo pulu pənə diɛ mą: «Ku mɛ̨n dɔ́n ɉɛɓɛ́ hu, diɛ kɛ: Nwun mąąɓomun Yálá ə naakwɛlanmo haa hvo mą. Gɛ pələ kaa ləi yaai, ə́ kaa kɛi diɛ: di kaa pai Nu Lon dɛi yələi? Akɛti, gbɛɛ ɓə a Nu Lon tii?»

Ɉaan 5:27

Ə kiti teɛ mąąlaa tɛɛ bɔ, mąąhɔlɔɓo, Nu Lon ni.

Gɛlaɠaa 10:22

Di nwoo ɲąąpənə diɛ mą: «Ɉolahi nwun nąmui a Kɔrnɛyɛ, ya ɓə ku tɔɔ, tələnmomun ni, naa lɛlɛɛ tɛɛi Ɉuifəɠaa lɔwai. Malaka mąąhəɠɛɛ ta ə mo mą, yɛ mąąnɛ̨ɛ̨ ə ə́ təli ɲəi bɛlɛ́n, mɛ̨nįɠaai ə gaa, ə mo yɛ́.»

Gɛlaɠaa 5:41

Gɛlaɠaai di həɠə dɔ́n vili nąmįną lííla a di kwəinɛ̨ɛ̨, diɛ li, mąąhɔlɔɓo, Yálá aa hvaa mą daa kɛ a nuąi mąąnɛ̨ɛ̨ di di mɔ̨nɔ̨ɓo Jesus laa mąą mɛ̨nį ɓa.

Lomaŋ 1:16

Gbala ə tɔɔ vá nwumɛ̨ nwɛlɛɛ lɛlɛɛ laa həli. Mąąhɔlɔɓo, nuąi pai laa na, yili kaa di yəi a Yálá nwɔ huwalawala laa. Ə gɔwɔ tɔɔ Ɉuifəɠaa diɛ, ə mą kɛ diɛi di hvo a Ɉuifəɠaa.

Galatə 6:14

Nwɛ́i, ŋą́ kɛ ŋą́ gbɔ́wɔ́ ɲąą kɛnɛ̨, ŋą́ gbɔ́wɔ́ ɲąąkɛnɛ̨ gu Ną́mu Jesus Kristə nwɔ kolowaai mąą mɛ̨nį hu. Kristə nwɔ kolowai háálai, ŋą́ą́ haa yɛnɛ̨ɛ̨ ɲɛ̨i ɓa, yɛnɛ̨ɛ̨ aa haa ɲɛ̨́i ɓa.

Dutɛrɔnome 33:2

«Yai-Laa ə kulɔ Sinai yee ɓa pələ yɛ pa. Yɛ bələi hvóló a ɓɛla la, ə həɠə Seirə pələ, ə ɓɛla nwɔ nuą mɛ̨i, yɛ həɠə Paran yeeɠaa lɔwai ə pa nwɔ nuąi pɔ, nwɔ malakaɠaa di ɓo bɔ; nwɔ tɔ́n yɛ ɓo ɲəi yɛ kpalan nən.

Tɛsalonikə dɔlɔɔ 2:19

Yili ɓa, ku wɔɔ kilitɔɔmąą laa ɓaa a lə? Lə ɓə a ku wɔɔ kwəinɛ̨ɛ̨? Ku kpɔwɔ ɲąą kɛnɛ̨ mɛ̨nįi a ku nwuɔ̨ ɓɔlɔ, gu Nąmu Jesus ɲɛ̨i ɓa, a ba yələ, ya ɓaa a lə? Kɛlɛi káá ɓə!

Tɛsalonikə dɔlɔɔ 3:13

Ə ká nii huwalawala lɔ tii mąąhəɠəlaa hu, mąąkulɔi hvo kɛ mą Yálá gu Nąn ɲɛ̨i ɓa, a gu Ną́mu Jesus pa yələ, da nu mąąhəɠɛɛɠaa kəlee.

Timote veelɛ 1:12

Yili mąą mɛ̨nį ɓa ɓə, gáá mɔ̨nɔ̨ɠaa ŋɛ̨i mįi la, a liikpələ laa. Kɛlaa, yili ŋą nwumɛ̨ hvo mą́ą́, mąąhɔlɔɓo, nui ŋį́ gílítɔɔ mą, ŋį́ gɔlɔn, ɛlɛɛ, náái na, gɛ́, mɛ̨nį ŋɛ̨i ə galihvaɓo mą́ą́, a pɛli ə ɲee kąnąn mą, ə lɛɛ la ɉu, ɲələi tii ə ɉəli.

Timote veelɛ 1:16

Yálá ə ŋą liinɛ̨ɛ̨ gwəilaa hu kɛnɛ̨ Onesiforə yəi bɛlɛ́n nuą diɛ, mąąhɔlɔɓo, a váŋąlɔ a yələ kəlee, ɛlɛɛ, hva nwumɛ̨ mą́ą́ mɛ̨nį hu, bələi mąn gáá la yɔwɔn ɲą.

Timote veelɛ 1:8

'Hvó kani kɛ ə́ kaa nwumɛ̨i gu Ną́mu mąą kɛla hvaa ɓoi, ɛlɛɛ, ɲą́ą́ ŋɛ̨i gaho ɲą mąą mɛ̨nį ɓa, 'hvó nwumɛ̨ a mą́ą́ mɛ̨nį. Kɛlaa, 'too bɔ́, gu nwɛlɛɛ lɛlɛɛ mąą mɔ̨nɔ̨ mį́i, gu kilitɔɔ la Yálá vaŋą ɓa;

Hebreu 11:16

A tɛ̨ą, lɔi yii viɛlaɓoɔ, yai gaa yələkɔlɔn ɉu, ya ɓə di kɛli gwɛli. Yili ɓə gɛ, Yálá hva nwumɛ̨ naa heei a di wɔ Yálá, hvó gai, aa taa nįnɛ̨ ta tɔɔ, a di wɔɔ.

Hebreu 11:26

Ə Kristə ŋą mɔ̨nɔ̨i kaa a hɛn viɛlaɓoɔ ə tɛɛ Eziptə hɛn gɔw ɓa. Mąąhɔlɔɓo, ɲɛ̨i heɛi kɛ hvɛla kulɔ ɓa.

Hebreu 13:13

'Ká gu kulɔ kani, gwə li, gu naakwiɛn daa pulu pələ, mɛlɛ too ti həli mą, ə həli gu kəlee guɔ.

Zĩi 4:4

Ká kwəi hvo kwələ li! Ká hvo gbaɠala kɔlɔn, káá kɛ, yɛnɛ̨ɛ̨ wɛli la kɛɛ, kaa a kɔ́ pɛlɛɛ Yálá ɓa? Nui a yɛnɛ̨ɛ̨ wɛlila kɛ, gaa a Yálá ɲowo.

Zɔ̂ŋ Maa-ŋuŋ 2:23

Nui a lənə Non ma, aa lənə Ną́n yaa kpɛlimąn mą, nui a ɲee hee Non mu aa ɲee hee Nąn yaa kpɛlimąn mu.

Zɔ̂ŋ Maa-ŋuŋ 2:28

Yili ɓa, nónnii pɛlɛɛɠaa, 'ká ká heei kulɔ kani ɉu, əgɛ, ɓɛlɔwai gaa pai kulɔi la pono ɲą, gu kilitɔɔmąą laa walawala hɔlɔɓo, ɛlɛɛ, ba yələ, gu ɲɛ̨i hvo paa a nwumɛ̨ a gu mąąkwɛai da mo mą.

M̀ɛni-lɛɛi 14:10

mąą nu yaa kpɛlimąn, gaa pai Yálá ŋą lííholi lɔɔi ta kpələi, yai da bu ŋą lííholi kpələ-kɔwɔi hu, di hva ɉumu, ɛlɛɛ, gaa lii mɔ̨nɔ̨ kɔlɔn ɉii nwɔ̨n maɠa hu, malaka mąąhəɠɛɛɠaa da Mɛlaa Lon di ɲɛ̨i ɓa.