Markə 8:36 - Yálá laawoo hɛɓɛ (dc)

³⁶ Akɛ nu ya yɛnɛ̨ɛ̨ hɛn gɔw kəlee hɔlɔɓo, ə ɉɔ̨nwɔ̨ kɛ a ə nwɔ yɛnɛ̨ɛ̨, yili dɔlɔ ɓaa a lə?

Yálá laawoo hɛɓɛ

³⁶ Akɛ nu ya yɛnɛ̨ɛ̨ hɛn gɔw kəlee hɔlɔɓo, ə ɉɔ̨nwɔ̨ kɛ a ə nwɔ yɛnɛ̨ɛ̨, yili dɔlɔ ɓaa a lə?

Bible

³⁶ Lé ƃé núu a pɔ̂ri gulâi ŋɔfúlu-laai láŋɔɔ su a gɛ́ɛ é ŋ̀éniɛi kélee kɛ́ a bɔ́ɔi?

Markə 8:36 Iomraidhean Croise

Zôo 2:4

Kɛlaa, ɓilihi yɛ Yai-Laa ɓa: «Nu a pɛli ə mɛlan gaalon gulɔ a haláá, gbɔwɔ nwun mąąɓo mɛ̨nį ɓa. Hɛn kpɔ gaa nu yəi, a pɛli ə gəlee kwɛlɛ nwɔ yɛnɛ̨ɛ̨ mąą mɛ̨nį ɓa.

Zôo 22:2

Yálá a mɔ̨ɔ̨ nu huwalawalaa kwɛli, yɛ mąą kanąn dee la? Akɛ a mɛ̨nį kɔ́lɔn mun, gbɔwɔ mąą liihɛlɛn nɔ ɓə a ɉee.

Mąątɛ̨nɛ̨ 49:17

Ə́ mą nu ta kaa yɛ hɛngɔw kɛnɛ̨ hɔlɔɓo, yili hvo ə́ mąąɲɔw, ə mą kɛ, nwɔ pɛ́lɛ́i nwɔ mąąwiɛlaa hu kaa kɛnɛ̨i.

Malasi 3:14

Mɛ̨nįi ka kɛ moi ya ka, káá kɛ mą: «Nu kɛɛ tíi Yálá ɓa kaa lɔ a kpɛli kɛɛ. Dɔnŋąąi ə ɉee, kwaa yiliɠaa hon, ɛlɛɛ, kuɔ mąąwɛli hee ɓo, ə gɛ, Yai-Laa Mɛ̨nį Kəlee ŋą Hééɓomun, ə ɲɛ̨i lɛlɛɛ hee kuɔ. Kɛlaa, tɔlɔ lɔpee ta hvo kulɔ li ɉu, hvo həli kuɔ.

Maafîu 16:26

Nu a yɛnɛ̨ɛ̨ hɛn gɔw kəlee hɔlɔɓo, ə hvɛɠɛ a nwɔ yɛ̨nɛ̨ɛ̨, yili dɔlɔ ɓaa a lə?

Markə 8:35

Mąąhɔlɔɓo, nui a gbɔwɔ nɔw hviɛlaɓo ə dɛɛ mą́ą́ mɛ̨nį ɓa, a hvɛɠɛ la. Kɛlaa, nui a lənə gbɔwɔ ɓa mą́ą́ mɛ̨nį ɓa, da nwɛlɛɛ lɛlɛɛ mąą mɛ̨nį ɓa; mąą nui nii a ɓalo.

Markə 8:37

Akɛti, lə ɓə nu a pɛli dɛɛi a nii mąąhvalin?

Lukə 9:25

Nu a yɛnɛ̨ɛ̨ hɛnŋąa kəlee hɔlɔɓo, ə haa, yili dɔ̨nɔ̨ ɓaa a lə?

Lomaŋ 6:21

tɔ̨nɔ̨ ləi ɓə ka ɉɔlɔɓo ɉu? Háákələi yili kɛ nwumɛ̨ kaa kaa, mąąhɔlɔɓo, ɲąąkpɛɛi ɓaa haa.