Markə 8:22 - Yálá laawoo hɛɓɛ (dc)

²² Jesus da nwɔ kalan nɛai di həliɛ Bɛtsaida daai, di pa a ɲɛ̨ipumun da Jesus pɔ. Di nɛ̨ɛ̨mąą hvə mą, ə gɛ, ə ɲee tunwɔ̨n mą.

Yálá laawoo hɛɓɛ

²² Jesus da nwɔ kalan nɛai di həliɛ Bɛtsaida daai, di pa a ɲɛ̨ipumun da Jesus pɔ. Di nɛ̨ɛ̨mąą hvə mą, ə gɛ, ə ɲee tunwɔ̨n mą.

Bible

²² Nya ƃe dí sèri Bɛsaida. Núu da-ni dí pà bɔ́ a ŋɛi-pu naloŋ tɔnɔ, dí Zîsɛ kpera fé a gɛ́ɛ e ǹyée pɛ́lɛ mà.

Markə 8:22 Iomraidhean Croise

Maafîu 11:21

Ə mo diɛ, yɛ diɛ: «Kpalo ɓɛlaai yɛ́, Korazɛn taa! Kpalo ɓɛlaai yɛ́, Bɛtsaida taa! Mąąhɔlɔɓo, gbalo mɛ̨nįɠaai kɛ ka hu, akɛ tii kɛ Tirə da Sidɔn, yɛ nąą nuą də li kɛ di hɔn mąąhvalin di mąąwɛli hee ɓo, di too muluun ɉu diɛ wɔlɔ, di həɠə haɠa kɛ diɛ, diɛ hiɛ di luwu ɓa, ə gɛ, di nɛ diɛ mą, daa di túwɔ́ pələ mąąhvalin.

Maafîu 14:36

Di kɛi nɛ̨ɛ̨mąą hvə Jesus ɓa diɛ kɛ mą: Nɛɛ kpɛli ku ku yee hee ə́ wɔ həɠəi won ma; yaan, nuą kpɔ di yee hee nwɔ həɠə won ɓa, di kɔ́lɔi ə pono.

Maafîu 8:15

Jesus ə ɲee pɛlɛ mą, gɔlɔi ə pono. Ə mu həɠə yɛ di kɔ̨nɔ̨n gɛ.

Maafîu 8:3

Jesus ə ɲee pɛlɛ mą; yɛ mą: «Ŋą́ą́ hvaa mą! Ə́ kɔ́lɔi ə pono, ə́ mąą ə həɠə.» Ɲąąɓa, ɉulɔnui tii, nwɔ hvólóɲɔ̨n ə kpɛɛ, mąą ə həɠə.

Maafîu 9:29

Nąąlɔwai ə ɲee tunwɔ̨n di ɲɛ̨ikɔwɠaa diɛ, yɛ diɛ: «Pələi ka wɔ laa na laa kaa la, ə kɛti kaa!»

Markə 2:3

Nu nąąn di pa a kpɛlɛɠɛlɛ ɲɔ̨n gɛ mun da Jesus pɔ naa lii hu.

Markə 3:10

Mąąhɔlɔɓo, aa kɛ nu tamąą kɔ́lɔi pono, nuą kpɔ ɲɔ̨n ə kɛ diɛ, di kɛ bɔ di di yee pɛlɛ mą, diɛ di kee ni pili.

Markə 6:45

Ɲąąɓa, Jesus ə mo nwɔ kalan nɛai diɛ yɛ diɛ: «'Ká tɛ gələn ɉu ka ɲá teen dɔ́wɔ́ Bɛtsaida daa pələ.» Yaa kpinįi tii ə lɛɛ laa yɛ nu kpului tii tɔɔ pɛlɛi.

Lukə 10:13

«Kpalo ɓɛlaai yɛ́, Korazɛn taa, kpalo ɓɛlaai yɛ́, Bɛtsaida taa, mąąhɔlɔɓo, gbalo mɛ̨nįɠaa ŋɛ̨i kɛ ka hui, a kɛ tii kɛ Tirə daai da Sidɔn taa hu, yɛ mą, daaɠaa tii hu nuą daa wɔlɔ kɛ mąąwɛli həɠə too di kwąną, əgɛ, di nɛ diɛ: daa di túwɔ́ pələ ɲɔ̨nŋąa mąąhvalin.

Lukə 9:10

Jesus nwɔ nu pow kɔ́w hveelɛ tii ə di tɔɔ, di pənə di pa, yiiɠaa kpɔ di gɛ, di gəlee hukulɔ mą. Ə di həɠə, da diɛni də li Bɛtsaida daa kwɛlɛ, di tɔ̨nɔ̨ kɛɛnąą.

Ɉaan 1:44

Filipə ə kɛ a Bɛtsaida daai mun. Daai tii lɔ ɓə kɛ a Andre da Piɛrə di pɔ taai.

Ɉaan 12:21

Filipə yai a həɠə Bɛtsaida, Galile lɔi hu, di lɛɠɛ mą diɛ mą: «Nąn, ku kaa bɔ ku Jesus kaa.»