Markə 7:9 - Yálá laawoo hɛɓɛ (dc)

⁹ Ə mo diɛ, yɛ diɛ: «Kaa Yálá nwɔ tɔ́n, lɛɛ laa, kaa hvilɛn ka wɔ huwula mɛ̨nįɠaa pulu.

Yálá laawoo hɛɓɛ

⁹ Ə mo diɛ, yɛ diɛ: «Kaa Yálá nwɔ tɔ́n, lɛɛ laa, kaa hvilɛn ka wɔ huwula mɛ̨nįɠaa pulu.

Bible

⁹ Zîsɛ è ŋɔ́nɔ mò dîa, “Ka kápôlu tɔɔ Ɣâla ŋɔtɔ̂ŋ ma a táre, a gɛ́ɛ ká káyee kɛ́ kákɛ-mɛni-ŋai dîa!

Markə 7:9 Iomraidhean Croise

Mąątɛ̨nɛ̨ 119:126

Yai-Laa, ə́ kɛ́ mɛ̨nį kɛ yələ aa həli mą, daa ə́ wɔ tɔn mąąkalai.

Azaya 24:5

Nɔi nuą ɓə, nɔi kɔ́hɔɓoi, mąąhɔlɔɓo, daa dɔ́n nwooɠaa lɛɛ laa, di hvo díɓoɠaa kɛ li, mįnɛ̨i di ɉəɠə a yələ kəlee mɛ̨nį, daa nɛɛ laa.

Azaya 29:13

Mɛ̨nįi Nąmu ə mo nu huwui ŋɛ̨i laa mɛ̨i ya ka, yɛ diɛ: Nu huwui ŋɛ̨i a mą́ą́wiɛ lɔ a naaləi, Kɛlaa, di nįį hu pələ mąąkwɛai mą́ą́; ɲɔw mąą laai gaa di hu mą́ą́ mɛ̨nį ɓa, gaa lɔ a nu mɛ̨nį, gaa a mɛ̨nįi daa di mąąkwɛli mą.

Danîa 11:36

«Yii lɔpee a nɛɛ tɔɔmun ma, ya ɓə gaa pai gɛi. Hu ɲąŋą kɛnɛ̨ kaa pai kɛi ɉu, yə gbɔwɔ kaa yɛ kɛ gɛnɛ̨ɛ dɛɛ alaɠaa diɛ, gaa pai kɛi mɛ̨nį ɓoi alaɠaa di wɔ Yálá ɓa, hva kpɛli ɲɔw. Gɛ mɛ̨nįɠaa kəlee hu kaa pai kɛi nɛɛi, ə lɛɛ la ɉu Yálá nwɔ líiɲąnwąnąi pa hvóló yɛ ɉəli. Nąąlɔwai, yii Yálá ə gbən dee, a naahvɛɛ.

Danîa 7:25

Gaa pai kɛi woo ɲɔ̨n moi a Yálá Yii Gaa Hɛn Gəlee Nwun Mɛi naa, yɛ Yálái tii nwɔ nuą laanɔ̨nwɔ̨ɓo, gaa nwɔ kwəi a pɛli pai kɛi lɔwai mąąhvalin ɉii, da Yálá nwɔ tɔ́n. Ə lɛɛ, di kaa pai Yálá nwɔ nuą tɛɛi bɔ, di kwɛlan ɉaaɓa da gbulɔ kɛ ɲee mu.

Markə 7:13

Bələ lɔ ɓə ka kɛ Yálá laawoo mąą pənəi la a ka wɔ huwula mɛ̨nįɠaa, kaa nuą kalan na. Pələ kpɔlɔɔ ɓə ka mɛ̨nį takpɛliɠaa mąą pənə la.»

Markə 7:3

Yaan, Farisiɛ̨ɠaa da Ɉuifəɠaa di kɛi dɔ́n tii hon. Di hva kɛ kɔ̨nɔ̨n mį́i akɛ di hvo di yei waa li yɛ pələi di wɔ huwula tɔ́n mąą liɛwoo kaa la.

Markə 7:5

Farisiɛ̨ɠaa da tɔ́n galamɔ̨ɔ̨ɠaa di Jesus mąąni kɛ yili hu diɛ mą: «Lə mɛ̨nį ɓa ə́ nwɔ kalan nɛai di hva tuwɔ yɛ bələ gu wɔ huwula tɔ́nŋąąi pɔ yii kaa la, ə mą kɛ daa kɛi kɔ̨nɔ̨n mį́i, di hva di yei waa, diɛ nɛɛ a gban?»

Lomaŋ 3:31

Akɛti laa na laa mąą mɛ̨nį ɓa, gwa pɛli moɔ ɓɛlɛ kpɛɛi dɔ́n mą? Gɛ́ diɛ: Kpaa-o! Yaamun, laa na laa ɓə a dɔ́n mɛlɛ leelee kɛ mą.

Korɛntə veelɛ 11:4

Gbala ə tɔɔ, ká hvaa mą, nui lɔpee a tɔɔ, yɛ ká mąąkwɛli a Jesus takpɛli mąą mɛ̨nį, a Jesus ku hvo ta ká mąąkwɛli li a mąą mɛ̨nį. Awala kɛ tii, káá ká yee hee ka mąąkwəli woo takpɛli mu, a kilii ká hvo ta ɉɔlɔɓo li. Awala nwɔ̨nɔ̨ kɛ tii, di wɛlɛɛ lɛlɛɛ takpɛli laa həli káá, yii ká hvo ta ɉɔlɔɓo li kpɛli, ɛlɛɛ, káá ká yee hee mu a nwalawalaa.

Galatə 1:14

Ɉuifəɠaa di wɔ kalan bələi hu, ɲéé tɛɛi kɛ mɛ́laa kəlee diɛ; ku huwu la mɛ̨nįɠaa hu; váŋą kɛnɛ̨ɛ̨ kɛ dɛ́ɛ́ diɛ.

Galatə 2:21

Vá pɛli Yálá nwɔ mɛ̨inɛ̨ɛ̨ kaai a kpɛli-kpɛli. Mąąhɔlɔɓo, akɛ tələnmolaa a hɔlɔɓo kɛ dɔ́n bɔ pələi, akɛtii, Kristə ə haa lɔ kpɛli-kpɛli.

Tɛsalonikə veelɛ 2:4

yai a tɔɔ, hɛn kpɔ da kɛ mą: yálá gəlee la, yɛ kɔ pɛlɛ kwɛli hvilɛn mɛ̨nį kəlee ɓa, yaa kpinįi, yɛ li kpɔ yɛ hee Yálá ŋą pɛlɛ́i mu, yɛ gbɔwɔ kɛ a Yálá.