Markə 7:22 - Yálá laawoo hɛɓɛ (dc)

²² nwɛli hon ŋąą, nu ɲɛ̨i kulaa ə ɓɛlan ɲei hɛn ɓɔ a ɲɔ̨nwɔ̨ɔ̨, gbąną laa mɛ̨nį, mɛ̨nį pili ɉu kɛɛ, tolo ɲɔ̨nwɔ̨ɔ̨ kulaa, lalan biliɛ, kpɔnŋąą kɛnɛ̨, ə mą kɛ da kilikpɛɛɲei laa.

Yálá laawoo hɛɓɛ

²² nwɛli hon ŋąą, nu ɲɛ̨i kulaa ə ɓɛlan ɲei hɛn ɓɔ a ɲɔ̨nwɔ̨ɔ̨, gbąną laa mɛ̨nį, mɛ̨nį pili ɉu kɛɛ, tolo ɲɔ̨nwɔ̨ɔ̨ kulaa, lalan biliɛ, kpɔnŋąą kɛnɛ̨, ə mą kɛ da kilikpɛɛɲei laa.

Bible

²² sɛŋ maa líi téɛɛ, sɔnyɔ̂ŋ kɛ́ɛ, núu pɛ́lɛɛ, wolii-kpɔ́lu, ŋɔ̃lɛ kɛ́ɛ, laa-kara, yoŋka da ƃoo-tua-ŋa kɛ́ɛ.

Markə 7:22 Iomraidhean Croise

Kɔlɔnikɔ Veerɛi 32:31

Yili ɓə gɛ, ɓɛlɔwai di Babilonə kalanɉonŋąą tɔɔ la diɛ pa di woo pilii mą, ɛlɛɛ, gbalo mɛ̨nįi kɛ nɔi, di mąąni kɛ kɛ ɉu, Yálá ə Ezekiasə lɛɛ laa, əgɛ, ə ɉukɔɔn yɛ pɛli gwəi mɛ̨nį kəlee kɔ́lɔn ɉii.

Mąątɛ̨nɛ̨ 10:4

Nu ɲɔ̨nwɔ̨ɔ̨ a tɛɠɛɓo Yálá hu, yɛ ɲąŋąɲąŋąlaa kulɔ la; hva kpɛli giliŋą hiɛ, a kɛ kɛi diɛ Yálá hvo laa; gwəi kili kəlee ka tii.

Mąątɛ̨nɛ̨ 119:36

'Gíli tɛnɛ̨n dɔɔ ə́ wɔ tíɓoɠaai pɔ pələ! 'Hvó ɲɛ̨i tinɛ̨n hɛngɔw pɔ pələ.

Hanwon 12:23

Nu ɲąąlaa a nɛn dɔɔ vaa woo tɔwɔ. Kɛlaa, kilikpɛɛgwəi nuą da di wɔ ɓowo mɛ̨nį kulɔ pɔ̨nɔ̨ŋą.

Hanwon 22:15

Ɓowo mɛ̨nį kanąn ŋąąi lokolo lii pɔ, hutɔɔ hvaɠa ɓə a gulɔ nii pɔ, ə mąą kwɛa mą.

Hanwon 23:6

'Hvó hɛn nwɛlimun yəi kɔ̨nɔ̨n mįi, ə́ ɲɛ̨i hvo kulɔ nwɔ kɔ̨nɔ̨n bɔ.

Hanwon 24:9

Hɛn lɔ kilikpɛɛgwəi a giliŋąhiɛ mą, ya ɓaa nɛ̨ŋɛ̨n ɉəɠɛɛ. Yɛlɛ kulɔ ɉumun nwɛli hvo yɛnɛ̨ɛ̨ nuą diɛ.

Hanwon 27:22

Ə́ ma kilikpɛɛgwəi mun ɉiɠɛ kwənąi da mɔ̨nun, mɔ̨nun gala a kulɔ mą, Kɛlaa, yili hva kilikpɛɛgwəi mun ŋą kilikpɛɛgwəilaa kulɔ mą.

Hanwon 28:22

Hɛn nwɛlimun ɲɛ̨i a kulɔ mɛlaa di wɔ hɛn bɔ, yɛ gilɛ həɠə bulu, gili hvo ɉu yɛ kɛ yeehvowololaa yɛi ə pa wolo mą.

Ikilisiati 7:25

Yili ɓa, ŋą́ gbɔ́wɔ́ lɔ mɛ̨nį kwɛliɛ hu da mɛ̨nįɠaa kɛ mɛ̨nį nwun; ŋą́ kɛ bɔ, ŋą́ kili mɛ̨nį kaa. Yii ŋį́ gaa ya ɓaa: Nwąnąlɔ da kilikpɛɛgwəi di kaa a ɓowo mɛ̨nį.

Azaya 59:13

Diɛ ɓaa: Ku nwun dɛ mɛ̨nį Yai-Laa pɔ, kuɔ lənə mą, ku pulu tínɛ̨n mɛ̨nį kuɔ Yálái ɓa a ɉukwɛaa, toomɛ̨i da nwuɔ̨-mɛ̨ni mąą kili tee mɛ̨nį ku kwəi, kuɔ lɛɛ mɛ̨nį mąą kiliŋąhiɛ kɛ, ɛlɛɛ kuɔ mo.

Azaya 59:7

Mɛ̨nį ɲɔ̨n mə di kɔ́wɔ a mąą gilɛ həɠə, da kɛ gilɛ həɠəi, diɛ li kwəi kwələmun ɲąmą pu mɛ̨nį ɓa, di kwəi kiliɠaa kaa a mɛ̨nį ɲɔ̨n gɛ kili, ɓɛi da tɛɛ laa, kɛɛ kalaa, hɛn ɉu wolɔɔ ɓə da di lɛɛ laa.

Ɉeremi 17:9

Nu kwəi kili ɲɔ̨nwɔ̨ɔ̨i hɛn gəlee ɓa, gbəlaan ŋąą, ɉu hva pɛli tɔɔi, gbɛɛ ɓə a pɛli gɔlɔn ɉii.

Maafîu 20:15

Akɛti, vá pɛli nííɓa kɛi mɔ̨ɔ̨ ɲə́i hɛn gɔw hu? Mɛ̨inɛ̨ɛ̨ ŋɛ̨i ŋį́ gɛ yili mąątóló ɓə ə́ kaa gulɔi?›»

Maafîu 6:23

Kɛlaa, ə́ ɲɛ̨i kɔ́w nąą ta a kɛ mą, a kɛ tii, ə́ nąą kəlee toɔ li kpinį hu. Ə́ ɲɛ̨i a wala kɛ kɛɛ mąą kpɛɛi, ə́ wɔ kpinįi hu a kɛnɛ̨. Akɛ ə́ wɔ kɛɛponoi a kɛ a kpinį, ə́ wɔ kpinįi hu a kɛnɛ̨-oo!»

Markə 7:21

Mąąhɔlɔɓo, nu lii hu ɓə kiliŋąhiɛ ɲɔ̨nwɔ̨ɔ̨ɠaa da kulɔ laa, yɛ nu tɔɔ a mɛ̨nį ɲɔ̨n gɛɛ, yɛ bələi: nwuɔ̨ kɛɛ kaa la, nu paa mɛ̨nįɠaa,

Markə 7:23

Mɛ̨nį ɲɔ̨n ŋąą tii gəlee da kulɔ nu nwɔ kiliŋąhiɛ hu, diɛ nu kɔ́hɔɓo.»

Korɛntə veelɛ 10:5

ɛlɛɛ, da ɲɛ̨itɛ mɛ̨nįi lɔpee a kɛ ə tɔɔ Yálá kɔlɔn mɛ̨nį la. Kwa kiliŋąhiɛ kəlee hon a luwɔ, diɛ pɛli lɛɛi Kristə woo mu;

Dutɛrɔnome 15:9

Ka gɛ a nɛlɛɛ, kiliŋąhiɛ ɲɔ̨nwɔ̨ɔ̨ hvo too ka kwəi, kaa kɛ diɛ: «Gwəlan mɛ̨ihveelɛ nąą həli hiɛ ka, gwələɠaa lɛɛ mɛ̨nį a kpɛli kwɛlan», kaa kɛa ɲɛ̨i wala wala laa kulɔ a ka kaayɔwɔi gaa yeehowolo laa hu; ka hva hɛn da tɛɛ bɔ, ka gɛ tii, gaa pai nwoo laai Yai-Laa ɓa a ka laa, ɛlɛɛ kaa nɛ̨ŋɛ̨n ɉee ka kpɔɔ nwuɔ̨.

Dutɛrɔnome 28:54

Nui gaa ka lɔwai, yɛ ɲɔw Yálá ɓa, yɛ mɛ̨nį ɲɔ̨n mąą laa, gaa pai kɛi nąn nonnii, da naa búlu nɛ̨ɛ̨nu da nonnii yiiɠaa daa lɛɛ di kaai gɔwɔyɔɔ.

Dutɛrɔnome 28:56

Nɛ̨ɛ̨nui gaa ka lɔwai yɛ ɲɔw Yálá ɓa, yɛ mɛ̨nį ɲɔ̨n mąą laa, nə́ŋə pələ hva hvaa mą hvo gɔwɔ hvilɛn lɔi ɓa; gaa pai ɲɛ̨i ɲɔ̨nwɔ̨ɔ̨ heei naa bulu hilɛ ɓa, ə mą kɛ, gaa gwəi lonnii diɛ.

Piɛrə dɔlɔɔ 2:15

Mąąhɔlɔɓo, Yálá liiɓa ɓaa, ká kɛli mɛ̨nį lɛlɛɛ kɛ, ɓowo nuąi di tɛɠii, káá di kilaa pono.

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»