Markə 6:41 - Yálá laawoo hɛɓɛ (dc)

⁴¹ Yili pulu, Jesus ə nɛɠɛ lɔɔli huɠalə-ɠalə, ə dɛɛ nwɔ kalan nɛai pɔ, ə gɛ, di ɲąąkwɛlɛ nuą diɛ.

Yálá laawoo hɛɓɛ

⁴¹ Yili pulu, Jesus ə nɛɠɛ lɔɔli huɠalə-ɠalə, ə dɛɛ nwɔ kalan nɛai pɔ, ə gɛ, di ɲąąkwɛlɛ nuą diɛ.

Bible

⁴¹ È gbólo kpâla lɔ́ɔlui sìɣe da ǹyɛ̃ɛ kpua feerɛi, é ŋ̀ɛi té ŋ̀elei su, é lûwa láa ma. È gbólo kpâlai su ɣàle é dɛɛ ŋɔpôlu-ƃelai pɔ́, a gɛ́ɛ dí dɛɛ ǹûai pɔ́ dí m̀ii. È nyɛ̃ɛ kpua feerɛi ŋá kɔ̀lɛ díkelee dîa.

Markə 6:41 Iomraidhean Croise

Maafîu 14:19

Yii kɛa di dɛɛ bɔ, ə mo diɛ yɛ diɛ: 'Ka mo nuą ŋɛ̨i diɛ, di kəlee di hee nɔi ɓa. Yili pulu, ə nɛɠɛ lɔɔli da Ɉɔwɔlee hveelɛi tii həɠə, ə ɲɛ̨i hee ɲələi, ə Yálá hɛɠɛɛɓo. Yili pulu ə ɉu tee-tee ə dɛɛ nwɔ kalan nɛai pɔ, yɛ diɛ: Ka ŋąąkwɛlɛ nu kəlee ɓa.

Maafîu 15:36

Ə nɛɠɛ mɛ̨ihveelɛi tii həɠə da Ɉɔwɔleeɠaa, ə Yálá mąmąɓo. Yili pulu, ə gəlee hu tee-tee ə dɛɛ nwɔ kalan nɛai pɔ, yɛ diɛ: «Ka ŋąąkwɛlɛ nuą diɛ.»

Maafîu 26:26

Ɓɛlɔwai di kɛi di kɔ̨nɔ̨n mį́į́ la, Jesus ə nɛɠɛ həɠə gbɛɛ kɛa a Yála hɛɠɛɛɓoɔ, ə ɉu tee-tee, ə ɲą́ą́ kwɛlɛ nwɔ kalan nɛai diɛ, yɛ diɛ: «Ka nɛɠɛi ŋɛ̨i hon kaa mįi. Ɲą́ą́ gɔ́lɔ li.»

Markə 14:22

Di kɛɛ; di kɔ̨nɔ̨n mɛ̨ɛ̨i, Jesus ə nɛɠɛ həɠə gbɛɛ kɛa a Yálá hɛɠɛɛɓoɔ, ə ɉu tee-tee ə dɛɛ nwɔ kalan nɛai pɔ, yɛ diɛ: «Ka nɛɠɛ ŋɛ̨i hon ka mį́i, yii kaa a gɔ́lɔ́.»

Markə 6:40

Nuą di hee a di kpulu a nu nwun dɛitɛi, daɠaa nu yee-lɔɔli.

Markə 6:42

Nu kəlee di mį́i di pilɛ.

Markə 7:34

Yili pulu ə ɲɛ̨i pili yələi, ə nii tɛ ə doo; yɛ ɉulɔnu tii ɓa: «Ɛfata!» Mukulaa ɓaa: «Hvólóon.»

Markə 8:19

Ɓɛlɔwai ŋą nɛɠɛ ɲąąkwɛlɛ la ɉinąą waa lɔɔlii ɓa, gbɔlɔɠaai lɛɛ, ə kɛ a kpɔlɔ yɛli?» Galan nɛa diɛ mą: «Ə kɛ a kpɔlɔ pow kɔ́w hveelɛ.»

Lukə 24:30

Di kɛɛ yələ wilii laa mį́į́ kɛi da Jesus ni, Jesus ə Yáláhɛɠɛɛɓo nɛɠɛ tii mąą mɛ̨nį ɓa, ə ɉu tee ə nu kəlee nwɛi tɛɛ pɔ.

Lukə 9:16

Jesus ə nɛɠɛ lɔɔli da ɉɔwɔlee hveelɛi tii həɠə, ə ɲɛ̨i hee ɲələi, ə Yálá hɛɠɛɛɓo gɔ̨nɔ̨n tii mąą mɛ̨nį ɓa. Ə ɉəɠə ə dɛɛ nwɔ kalan nɛai pɔ, əgɛ, di ŋąąkwɛlɛ nuą diɛ.

Ɉaan 11:41

Nuą di gwɛni həɠə gámą la. Jesus ə ɲɛ̨i tɛ ɲələi yɛ mą: «Ną́n Yálá gáá ə́ hɛɠɛ ɓoi, mąąhɔlɔɓo, ya nwóó mɛ̨n.

Ɉaan 17:1

Jesus ə kpɛɛ lɔ a nwooɠaai tii ɓoɔ, ə ɲɛ̨i tɛ yələi, yɛ diɛ: «Ną́n! Nąąlɔwai aa həli, Ə́ lon mąąwiɛ, Ə́ lon Ə́i mąąwiɛ.

Ɉaan 6:11

Jesus ə nɛɠɛɠaa tii həɠə, ə Yálá hɛɠɛɛɓo, ə ŋąąkwɛlɛ nu kəlee diɛ. Pələ lɔ ɓə ə gɛ la a ɉɔ̨nwɔ̨lee, ə ɲąąkwɛlɛ diɛ, nu kəlee di ɉɔlɔɓo yɛ pələi di kɛ la bɔ.

Ɉaan 6:23

Yaan, kələn da kpɛliɠaa di həɠə Tiberiadə daai pələ, di pa, di həli ɓɛi Jesus ə Yálá hɛɠɛɛɓo laa kɔ̨nɔ̨n mąą nuą diɛ mįi.

Gɛlaɠaa 27:35

Moi Polə ə mo tii, ə lɛɠɛ həɠə, ə Yálá hɛɠɛɛɓo nu kəlee ɲɛ̨i ɓa, ə ɉu yali, yɛ kɛa mįi.

Lomaŋ 14:6

Nui a yələ ta hviala ɓo, a gɛ ti yɛ gu Nąmu mąąwiɛ la. Nui a hɛn gəlee mįi, a gɛ tii, yɛ gu Nąmu mąąwiɛ la. Mąąhɔlɔɓo, a Yálá hɛɠɛɛɓo, gɔ̨nɔ̨n ti mąą mɛ̨nį ɓa. Nui hva hɛn gəlee mįi a gɛ ti, yɛ gu Nąmu mąąwiɛ la, yɛ Yálá hɛɠɛɛɓo.

Korɛntə dɔlɔɔ 10:31

Ká kɛ kɔ̨nɔ̨n mįi-o ká kɛ ká kpələi-o, yii lɔpee ka káá gɛi, 'ká gəlee kɛ Yálá mąąwiɛ mɛ̨nį ɓa.

Dutɛrɔnome 8:10

Ka káá pai kɛi kɔ̨nɔ̨n mįi, kaa pilɛ ɉu; kaa mąąwiɛ tɛɛ Yai-Laa ka wɔ Yálái pɔ nɔi lɛlɛɛ tii ə dɛɛ ka pɔ mąą mɛ̨nį ɓa.

Kolosə 3:17

Mɛ̨nįi lɔpee ká pɛli moi, awala kɛ tii, káá gɛ, 'ká gəlee kɛ gu Ną́mu Jesus laa hu, káá gu Nąn Yálá mąmąɓo la, ɉaalai.

Samuɛlə dɔlɔɔ 9:13

Ka lɛɛ kpɔlɔɔ tɛi taai, ka li ka həli mą, hvo tɛɠa kɛ pai lii ɉala kulɔi pələ. Mąąhɔlɔɓo, yaa tii ɓə nuą kaa mąąkpɔn ɉii; di hva pɛli kɔ̨nɔ̨n mįi dɔwɔ. Gbala ə tɔɔ, ya ɓə mąąnɛ̨ɛ̨ ə lúwɔ́ too ɉaláá kɔ̨nɔ̨n ma. Yili kɛɛ pulu ɓə, nuąi di di təli, da pɛli kɔ̨nɔ̨n mįi la. Ka li kɛa, nwɛi tii, ka káá lii gaai háákələi.»