Markə 4:40 - Yálá laawoo hɛɓɛ (dc)

⁴⁰ Yili pulu, yɛ diɛ: «Lə mɛ̨nį ɓa ka ɲɔ̨w kpɔ tii kɛnɛ̨? Akɛti, laa na laa hvo ka yəi?»

Yálá laawoo hɛɓɛ

⁴⁰ Yili pulu, yɛ diɛ: «Lə mɛ̨nį ɓa ka ɲɔ̨w kpɔ tii kɛnɛ̨? Akɛti, laa na laa hvo ka yəi?»

Bible

⁴⁰ Nya ƃe Zîsɛ è ŋɔpôlu-ƃelai marê kɛ̀ ǹyɛɛi dîai, “Ka kpɛlîni le-mɛni ma? Laa-la fé káyêei?”

Markə 4:40 Iomraidhean Croise

Azaya 42:3

Hvo pai hveen gbaɠa woloɔ huyalii, nwɔ̨n nən gaa liɛliɛ, hvo pai gbəli luwun ɉii, ga pai kɛi tɛ̨ą ɓoi a nelee.

Azaya 43:2

Yá kɛi tɛɛ yaɠaa hu, gáá ə́ pɔ, yá kɛi yaɠaa teen, hvá lɛɛ da hu, ə́ mą hiɛ nwɔ̨n ɉɛ̨ąi, hva ə́ kələn, nwɔ̨n nən və kɛa pai ə́ tiɠi kɛi, yɛ həli ə́ hu pələ kəlee;

Maafîu 14:31

Ŋąąɓa Jesus ə Ɉon a ɲee yɛ mą: «Éé kə Piɛrə! Ə́ wɔ laa na laa tiikpəɛ ɓee. Lə mɛ̨nį ɓa ɲį́nɛ̨n-ɲį́nɛ̨n ə too ə́ hu?»

Maafîu 16:8

Yii kɛa Jesus ə di wɔ kiliŋąhiɛ kaa tii, ə di mąąni kɛ yɛ diɛ: «Lə mɛ̨nį ɓa ka káá kɛi ka kee ɓa: Akɛti, nɛɠɛi tii gu hvo ɉəɠə li mąą mɛ̨nį ɓə gaa moi la tii! Éé ka wɔ laa na laa tiikpə ɓə ee!

Maafîu 6:30

Éé kə! Kaai ka wɔ laa na laa hvo kɛnɛ̨ li! Gáá moi kaa, akɛ, Yálá a lɔwɛi wuluɠaa mąąyili tii, diɛi di hva lamu yɛnɛ̨ɛ̨, diɛ di kələn, kaa mun ka hviɛlaɓoɔ, hva ka mąąyili həɠə kɛ ə tɛɛ nwuluɠaai tii diɛ?

Maafîu 8:26

Jesus ə ɲįnąąɓo, ə di woo ŋąąpənə yɛ diɛ: «Ee kə! Ka wɔ laa na laa tiikpə ɓə ee! Lə mɛ̨nį ɓa ka káá ɲɔ̨wi?» Ŋąąɓa, ə muhəɠə, ə haŋą vaŋą ɓa da ɲa, yɛ diɛ: 'Ka kpəla ma! Vaŋą da ɲa di kpəla kpɔlɔɔ tii ma, kɛɛ mąą ə haa kpɔ tin.

Markə 4:41

Di ɲɔ̨w kpɔ a mɔlɔɔ, diɛ kɛ di kee ni diɛ: «Nu ləi ɓaa a ɉulɔnu ŋɛ̨i, yaai, ya da hvanwa da nwoo hon?»

Lukə 8:25

Jesus ə tinɛ̨n, yɛ nwɔ kalan nɛai diɛ: «Ka wɔ laa na laa kaa mį?» Kɛlaa, galan nɛa di ɲɔw kpɔ kɛnɛ̨, di kwəi ə pili diɛ; diɛ kɛ di kee ni diɛ: «Akɛti, nu huwu lə kɛɛ ɓəi, yaa yii, a haŋą hvaŋą da ya diɛ, diɛ nwoo hon?»