Markə 4:31 - Yálá laawoo hɛɓɛ (dc)

³¹ Gɛ pələ kaa yɛ mɛ̨ɲɛ̨nɛ̨n gɔw yii dikpə dɛɛ hihɛn gɔw kəlee ɓa lɔi mɛ̨i.

Yálá laawoo hɛɓɛ

³¹ Gɛ pələ kaa yɛ mɛ̨ɲɛ̨nɛ̨n gɔw yii dikpə dɛɛ hihɛn gɔw kəlee ɓa lɔi mɛ̨i.

Bible

³¹ Gáa yɛ̂ɛ mɛsɛ-kao, nyíi guro-têi é tɛ́ɛ sí-sɛŋ-kao kélee ma ǹɔii ma ƃɛ́i.

Markə 4:31 Iomraidhean Croise

Azaya 53:12

Yili ɓə gaa mą, gáá pai ɉeei nu kpulu lɔwai, da nu waa tamąą ɓə pai kɛi kɔ́ pulu hɛn ɲąąkwɛlɛi, mąąhɔlɔɓo, ə gili kulɔ gbɔwɔ hu, ə lɛɛ ɉu ə haa la, yɛ hvaa mą diɛ doo nɛ̨ŋɛn ɉəɠə nuą lɔwai, ə nu kpulu nwɔ hɔn ɲɔ̨n ɉee nwuɔ̨, ɛlɛɛ, yɛ nɛ̨ɛ̨mąą hvə nɛ̨ŋɛn gɛ nuą mąą mɛ̨nį ɓa.

Azaya 53:2

Mąą nui ə kɛi kɛnɛ̨ Yálá ɲɛ̨i ɓa yɛ wulu ɓɔn, yɛ wulu hamui kulɔi lɔi hu kpalaa hu; Kɔlɔn və kɛ mą, ku kɛɛ gaa, ə kɛ a nui nu ɲɛ̨i hva pɛli kɛ kulɔi bɔ, bələi mąą mɛ̨ni ə kɛ la ku kwəi, ku hvo gaa tii.

Azaya 60:22

Nolokolo laamun, gaa pai kɛi a nu waa tɔ̨nɔ̨, nui kpɔ nogolo tiikpə, a kɛ a lɔi hvąŋą kɛnɛ̨. Ɲą́ą́ Yai-Laa, nąąlɔwai a həli, ŋį́ gɛ ɉa ɉa.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Zakari 12:8

Mąą yələi tii, Yai-Laa a goon bɛlɛ Ɉerusalɛmə nuą mɛ̨i, nui kpɔ hvaŋą hvo ɲəi di lɔwai, gaa pai kɛi yɛ Davidə. Ɛlɛɛ, Davidə nwɔ pɛlɛ́i a kɛ yɛ Yálá, ə ɓo yɛ Yai-Laa nwɔ malaka, ə ɓo di ɲɛ̨i tɔwɔ.

Zakari 2:11

Siɔn, yɛ́i ŋɛ̨i heeni Babilonə, 'ə muhəɠə, 'pu.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Markə 4:30

Jesus ə mo nwɔ̨nɔ̨ diɛ yɛ diɛ: «Lə ɓə gwa pɛli gu Yálá-taa tɔɔlaa kɔ́ɔn mą? A wala kɛ tii, hanwon nə kɛɛ ɓə gwa pɛli gu ɉɔɔ yɛ hvilɛn mą?

Markə 4:32

Kɛlaa, nu ya ɉi, a kɛnɛ̨ nwɛ̨nį yɛ pɛli daa tɔɔi ɉu.»

Lukə 17:6

Ną́mu ə di woo pulu pənə yɛ diɛ: «Akɛ kɛ, ka wɔ laa na laa a kɛ kpɛli yɛ gbɔ kɔ́w, ka pɛli kaa nwului ŋɛ̨i ɓa: ‹Kulɔ ɓɛ, ə́ li, ə́ tɔɔ gboloyá hu!› A gɛ kpɔlɔɔ yɛ pələi tii ka mo la.»

Gɛlaɠaa 19:20

Bələ ɓə gu Ną́mu la woo hu ə kɛli kɛnɛ̨ la, vaŋą yɛ tɛ.

Gɛlaɠaa 2:41

Nuą tamąą di di yee hee Piɛrə woo mu, di di mąąwaa. Volói ti, nu waa haaɓa ɲɔ̨nwɔ̨mąn ə hɔlɔɓo; ə pɛlɛ galan nɛa diɛ.

Gɛlaɠaa 21:20

Yii kɛa di nwooɠaai ti mɛ̨n, di Yálá hɛɠɛɛɓo yili pulu diɛ Polə ɓa: «Yáá gaa, Ɉuifə kpulu tamąą daa kɛ a laa na nuą, ə mą kɛ ti, di kanąnŋąa ni Moisə nwɔ́ tɔ́n ɓa.

Gɛlaɠaa 4:4

Nuąi galan nwoo mɛ̨n, di damąą di laa Jesus la, di lononŋąą a pɛli nu waa lɔɔli kulɔi.

Gɛlaɠaa 5:14

Ɛlɛɛ, hinąą mąn, nɛ̨ąą mąn di kɛli too di a di kpulu kɛnɛ̨ɛ̨, a laai di kɛli mo Ną́mu la.

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»