Markə 4:28 - Yálá laawoo hɛɓɛ (dc)

²⁸ Nɔi tii lɔ ɓə ɉihɛn tii kɔ̨nɔ̨n gɛ, ə lɛɛ la ɉu ə mɔ̨n.

Yálá laawoo hɛɓɛ

²⁸ Nɔi tii lɔ ɓə ɉihɛn tii kɔ̨nɔ̨n gɛ, ə lɛɛ la ɉu ə mɔ̨n.

Bible

²⁸ Ǹɔii è zí-sɛŋ kpɛ̀tɛ. Ǹáa è kùla a maa-ŋuŋ, é kpɛtɛ, é pôa, gbɛɛ ŋái, é ƃá.

Markə 4:28 Iomraidhean Croise

Zɛnɛse 2:9

Wuluɠaai kpɔ ma nɛ̨ɛ̨, gaa ŋąąnɛ̨ɛ̨, ɛlɛɛ, mį́iɛ ɲąąnɛ̨ɛ̨, Yai-Laa ə di hin nąą ɲɛa. Ə yɛnɛ̨ɛ̨ kɛ wulu hin ɲɛa hamąi, ɛlɛɛ, da mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kɔ́lɔn nwulu.

Mąątɛ̨nɛ̨ 1:3

Gaa yɛ wului daa ɉin ya kwɛlɛ, yɛ ɓá a mái lɔwai, naa hva kpala ɲą a yələ lɔpee ta, gɛ mɛ̨nį kəlee hu a nɛ̨ɛ̨ mą.

Hanwon 4:18

Tələnmomun dúwɔ́ pələ kaa yɛ yələ ɓɔi kɛɛ pɔ̨nɔ̨, yii da a kɛ lɔ pɛlɛi mą.

Ikilisiati 3:1

Mɛ̨nį kəlee nwɔ yələ kaa mą, yələ kəlee nwɔ mɛ̨nį yɛ ɓo mą ɓɛ lɔi mɛ̨i.

Ikilisiati 3:11

Yálá ə mɛ̨nį kəlee lɛlɛ ə bɛli nwɔ yələ ɓa. Mɛ̨nįɠaai Yálá ə gɛ, di lɛlɛɛi lɔ a di wɔ yələ. Ɛlɛɛ, Yálá ə Yálá-taa kili too nu hu. Kɛlaa, ə mą kɛ tii, nu hva pɛli Yálá kɛ mɛ̨nįɠaa kɔ́lɔn ɉi, ə həɠə kpɔ gɔwɔ tɔɔi yələ ɓa, ə həli la naa kulɔi ɓa.

Azaya 61:11

A tɛ̨ą, yɛ bələi lɔ lɔi a ɓa la, yɛ bələi lɔ hihɛnŋaa da ɓɔn na, bələ lɔ ɓə Ną́mu Yai-Laa kaa pai tɛ̨ą mɛ̨nį ɓɔn ɉii la, da naa tɛ mɛ̨nį, lɔi kəlee mɛ̨i.

Osia 6:3

'Ka gu Yai-Laa kɔ́lɔn, ka gu tɔɔ a gu nwąnąi Yai-Laa kɔ́lɔn mɛ̨nį ɓa, ba mɛ̨nį hva ɉəɠə mą, lɔ yɛ bələi yələ ɓoɔ hva ɉəɠə la mą; gaa pai pai gu pɔ, yɛ nąląąn, yɛ bələi tulɔ tɔlɔɔ a pu la yɛ lɔi yɔwɔ.

Maafîu 13:26

Gala kɔ́w ɲɔ̨nwɔ̨ɔ̨i tii da Ɉihɛnŋąą di ɓɔn a gee. Ɓɛlɔwai ə kɛi wolo la, da gala ɲɔ̨n tii di wolo a gee.

Markə 4:27

Ə tɛ taai. Ə lɛɛ la ɉu mɔ̨nun ə ɓɔn, ə kpilɛ, ə wolo ə mɔ. Pələi kpɔ mɔ̨nun tii ə tɛɛ la yɛ kɛ tii, ɉulɔnui tii hvo yili gbaɠala kɔ́lɔn.

Markə 4:29

Yii kɛa mɔ̨nun ə mɔ, nąmu ə li ə dee.»

Filipə 1:6

Náái na kpɔ gɛ́: Yálái góló lɛlɛɛ ti kɔ́wɔ tɔɔ ká hu, gaa pai lɛɛi mą, ə naa kulɔ, a Jesus Kristə ŋą hvólói.

Kolosə 1:10

Yili ɓə a gɛ, káá pɛli yɛnɛ̨ɛ̨ kɛi a gu Ną́mu liiɓa, yii gaa bɔ, kaa gwɛli, a kɛ tii, ka kɛ mɛ̨nįɠaa ɲɛ̨i tínɛ̨nŋąą mɛ̨nį lɛlɛɛ pɔ pələ, dɔlɔ ə ɓo mą mɛ̨nį kəlee hu, káá tɛ la tɔwɔ Yálá kɔlɔn mɛ̨nį leelee hu.