Markə 4:26 - Yálá laawoo hɛɓɛ (dc)

²⁶ Jesus yɛ nwɔ̨nɔ̨ diɛ: «Yálá-taa tɔɔlaa kɛ pələ kaa yɛ, hulɔnu ta yii ə mɔ̨nun ɉi ɲei ɲɛa.

Yálá laawoo hɛɓɛ

²⁶ Jesus yɛ nwɔ̨nɔ̨ diɛ: «Yálá-taa tɔɔlaa kɛ pələ kaa yɛ, hulɔnu ta yii ə mɔ̨nun ɉi ɲei ɲɛa.

Bible

²⁶ Nya ƃe Zîsɛ è mò dîa ŋɔ́nɔ, ǹyɛɛi, “Ɣâla ŋɔkâloŋ-laai ƃóloŋɔɔ̂i kpâlaŋ ŋá tii kɛ́-nuu tɔnɔ ma. È lì é zí-sɛŋ káoi pîli gbâlaŋ ŋá

Markə 4:26 Iomraidhean Croise

Hanwon 11:18

Nwɔ túwɔ́ pələ ɲɔ̨n tii a nwɔ pɛ́lɛ́i hɛŋɛnɛn haa pɔ pələ, yɛ nwun na pili.

Ikilisiati 11:4

Nu a ɲɔw yɛ kɛ diɛ: «Gwɛlan ŋɛ̨i ɓa, tulɔ mɛ̨nį kaa ləi ŋɛ̨i-o?» A wala kɛ tii, «Vaŋą tɛɛ pələ kaa ləi ŋɛ̨i?» Mąą nu hva hihɛn ɉi, yaan hva hihɛn da ma hɔlɔɓo.

Ikilisiati 11:6

Yili ɓa, 'humó a ə́ wɔ hihɛn ɉiɛ, ə həɠə yələ wala pɔ ɓa, ə həli la yələ wulii ɓa, hvo kpɛla mą. Mąąhɔlɔɓo, ə́ kɛ kólóɠaai tii lɔwai, yii pai kɛi a nɛlɛɛ hvo gɔlɔn, ɛlɛɛ, akɛ gəlee ɓə tɔ̨nɔ̨ kaa pai kɛi ɉu, hvó gɔlɔn.

Azaya 32:20

Ka nwun na kaa pai nɛ̨ɛ̨i, ka káá pai ka wɔ tíiɠaa kɛi tɛɛyáɠaa kwɛlɛ, kaa ka wɔ nįŋɛ̨ɠaa, da ka wɔ ɓɛlaaɠaa lɛɛ laa di kpɔwɔ ɓa, ka hva di kpulɔn.

Maafîu 13:11

Jesus ə di woo ŋąąpənə yɛ diɛ: «Ka wɛi, Yálá-taa tɔɔlaa hu mɛ̨nį kɔ́lɔnŋąąɠaa, yiiɠaai noɔ, kaa gɔlɔn, da kaa ɉɔlɔɓo, kɛlaa di wɛi di hvo nii ɉɔlɔɓo li.

Maafîu 13:24

Jesus ə hanwon da kpɛli hɔɔ nwɔ̨nɔ̨ diɛ yɛ hvilɛn na Yálá-taa tɔɔlaa mąą mɛ̨nį ɓa. Ə mo diɛ, yɛ diɛ: «Yálá-taa tɔɔlaa kaa yɛ pələi hulɔnu ta ə hihɛn ɉuwu lɛlɛɛ pili la ɲəi ɲɛa.

Maafîu 13:3

Jesus ə mɛ̨nį tamąą ɓo diɛ hanwon ɉu. Ə hanwon Ɉɔɔ diɛ, yɛ diɛ: «Mɔ̨nun ɉuwu pili mun da ə kɛ laa.

Maafîu 13:31

Jesus ə hanwon da kpɛli hɔɔ diɛ yɛ diɛ: «Yálá-taa tɔɔlaa kɛ pələ ka yɛ: nɔw kɔ́w ta, hulɔnu ta ə ɉin ɲəi ɲɛa.

Maafîu 13:33

Jesus ə hanwon dɔ̨nɔ̨ hɔɔ nwɔnɔ̨ diɛ yɛ diɛ: «Yálá-taa tɔɔlaa kaa yɛ lɛɠɛ tɛ hɛn yii nɛ̨ɛ̨nu ə bu nwɔ lɛɠɛ kpɔlɔ tea tɔ̨nɔ̨ hu. Ə tɛ ə dea laa hvɛɛ.»

Maafîu 3:2

Yɛ kɛ mą: «Ka kpəla mɛ̨nį ɲɔ̨n gɛɛ ɓa, ka ka túwɔ́ pələ mąąhvalin, Yálá-taa tɔɔlaai mąą aa kpuwɔ!»

Maafîu 4:17

Ə həɠə kɛa nąąlɔwai ɓa, Jesus ə kɛi nuą kalan yɛ kɛ diɛ: «'Ka kpəla mɛ̨nį ɲɔ̨n gɛɛ ɓa, ka ka túwɔ́ pələ mąąhvalin; Yálá-taa tɔɔlaa mąą a kpuwɔ!»

Markə 4:25

Mąąhɔlɔɓo, nui hɛn gaa ɲɛ̨i, da da pɛlɛ mą. Kɛlaa, nui hɛn və ɲəi, yii woloi gaa ɲɛ̨i da gulɔ ɲɛ̨i.»

Markə 4:27

Ə tɛ taai. Ə lɛɛ la ɉu mɔ̨nun ə ɓɔn, ə kpilɛ, ə wolo ə mɔ. Pələi kpɔ mɔ̨nun tii ə tɛɛ la yɛ kɛ tii, ɉulɔnui tii hvo yili gbaɠala kɔ́lɔn.

Lukə 13:18

Jesus yɛ diɛ: «Lə ɓə ŋą pɛli ŋą Yálá-taa tɔɔlaa kɔ́ɔn mą? Gɛ pələ a pɛli ə kɛ yɛ lə?

Lukə 8:11

«Ɉanwon tii ŋį́ ɉɔɔ, mukulaa ka: ɉihɛn ɉuwui tii ɓaa: Yálá laawoo.

Lukə 8:5

«Nu ta ə kɛi hihɛn ɉuwu pili ɲəi ɲɛa, ɉihɛn gɔw taɠaa di too bələi. Nuą di tɛɛ mɛ̨i, nwɛ̨niɠaa di gbələ.

Ɉaan 12:24

A tɛ̨ą kpɔ-kpɔ gáá moi kaa, mɔ̨nun ɉuwi da bili, a wala haai, yaa tɔ̨nɔ̨ lɔ ɓə a kɛ lɛɛ. Kɛlaa yaamun, a haai, ya ɓə a ɓɔn na, ə kɛnɛ̨, yɛ ɓa a damąą.

Zĩi 3:18

Tələnmo laa ɓá a hin liilaa hu, nuąi liilaa kwɛli di yəi.