Markə 3:5 - Yálá laawoo hɛɓɛ (dc)

⁵ Jesus ə di kaa, níí ə holi di wɔ kiliŋąhiɛ ɲɔ̨nwɔ tii kɛ di diɛ mąą mɛ̨nį ɓa. Ə nɛ̨ɛ̨mą, ə mo ɉulɔnu tii ɓa yɛ mą: «Ə yee haŋą.» Ɉulɔnui tii ə́ ɲee haŋą, ɲee ŋąą ə́ pɛli.

Yálá laawoo hɛɓɛ

⁵ Jesus ə di kaa, níí ə holi di wɔ kiliŋąhiɛ ɲɔ̨nwɔ tii kɛ di diɛ mąą mɛ̨nį ɓa. Ə nɛ̨ɛ̨mą, ə mo ɉulɔnu tii ɓa yɛ mą: «Ə yee haŋą.» Ɉulɔnui tii ə́ ɲee haŋą, ɲee ŋąą ə́ pɛli.

Bible

⁵ È kɛ̀ díkâai a lii-ŋwana pere. Ǹíi è kɛ̀ solîi díwoli-kpɔlɔ̂i mɛnii ma. Nya ƃe è m̀o ǹalôŋ ma ǹyɛɛi, “Íyee sã́a.” E ǹyée sã̀a é gáa a gɛ́ɛ a ƃálo.

Markə 3:5 Iomraidhean Croise

Zɛnɛse 6:6

Yili ə Yai-Laa lii too pulu kpɔ kɛnɛ̨, nu pɛlii ŋɛ̨i ə mo lɔi mɛ̨i mąą mɛ̨nį ɓa, ə viikpɛɛ.

Tɔɔɓɛlaa dɔlɔɔ 13:6

Tɔɔmun yɛ Yálá nwɔ nui ɓa: «Yai-Laa ə́ wɔɔ Yálái liilaa mą, nɛ̨ɛ̨ yɛ́! Mą́ą́ nɛ̨ɛ̨mąą hvə mą, ə gɛ, ɲéé ə pɛli lɛɠɛi mą́ą́.» Yálá nwɔ nui ə Yai-Laa hvɛli, tɔɔmun ɲee ə pənə ə lɛɠɛ mą; ə kɛ lɔ yɛ bələi ə kɛ la a bɔlɔ.

Nehemi 13:8

Yili ə níí holi kpɔ kɛnɛ̨, yili mąą mɛ̨nį ɓa, ŋį́ Toviya yəi hɛnŋąą kəlee kulɔ bɛlɛ́n, ŋį́ bili ɲɛ̨nɛɛ.

Mąątɛ̨nɛ̨ 95:10

Kwɛlan bow nąąn ɲeemu, nu huwui tii kun ə hee ɉú, ya ɓə ŋį́ kɛ diɛ: «Nu huwui ɲɛ̨i kiliŋąhiɛ pələ aa bələ lɛɛ, di hvo nwɔ́ pələɠaai kɔ́lɔn ni.»

Maafîu 12:13

Nąąlɔwai, Jesus ə mo ɉulɔnu tii ɓa, yɛ mą: «Ə́ yee haŋą.» Ə ɲee haŋą; ɲee ŋąą ə pɛli yɛ bələi dɔ̨nɔ̨ ə kɛ la.

Markə 3:4

Yili pulu, nuą tii kɛi nąą kaa, ə mo diɛ, yɛ diɛ: «Guɔ tɔ́n kaa kɛi lə? Akɛti, mąąnɛ̨ɛ̨ nu ə mɛ̨nį lɛlɛɛ kɛ a vįitɔɔ yələ, a wala kɛti mɛ̨nį ɲɔ̨n? Akɛti, mąąnɛ̨ɛ̨ nu ə nu nwun mąąɓo, a wala kɛti nu ə nu paa a vįitɔɔ yələ?» Kɛlaa, nuą di hvo kɛ bɔ di hvo nwoo pulu pənə.

Lukə 13:15

Jesus ə nwoo pulu pənə yɛ mą: «Ka hu hveelɛ nuą ŋɛ̨i, vįitɔɔ yələ, ka ka wɔ nįŋɛ̨ɠaai da ka wɔ hoohvaalənŋąąi, ka gəlee kulɔ di kwənąn ɉu, kaa li a diɛ əgɛ, di di kpələ kɛlɛ-e?

Lukə 17:14

Jesus ə ɲɛ̨i hee diɛ, yɛ diɛ: «'Ka li ka ka kpɔɔ lɛ ɉala laa həli nuą kpɛa-kpɛaɠaa diɛ.» Ɓɛlɔwai di kɛi li la, di kəlee di kɔ́lɔi ə pono.

Lukə 6:10

Jesus ə ɲɛ̨i hee gəlee diɛ, yili pulu, ə mo ɉulɔnui tii ɓa, yɛ mą: «Ə́ yee haŋą!» Ɉulɔnui tii ə ɲee haŋą, ɲee ŋąą ə pɛli yɛ pələi tii dɔ̨nɔ̨ ə kɛ la.

Ɉaan 9:7

Yɛ mą: «'Li, ə́ ə́ waa Siloe bówa hu.» Siloe mukulaa ɓaa: «Di dɔɔ.» Ɲɛ̨ipumun tii ə li ə nwaa, gɛɛ pənəi yɛ pa, ɲɛ̨i hvolonŋąą.

Lomaŋ 11:25

Nąn nonnii, və́ bɔ ká hvo lɛɛ kwəi pilimąą hu, mɛ̨nį looŋąą ŋɛ̨i mąą mɛ̨nį ɓa, ə gɛ, ka hvo pa ka kpɔɔ kaa yɛ kilimąą nuą; Israɛlə lonnii bələ tɔ̨nɔ̨ kili walawala pələ kaa pai lɛɛi ɉu, ə lɛɛ ɉu, huwu takpɛliɠaa di di lɔi hɔlɔɓo.

Korɛntə veelɛ 3:14

Kɛlaa, di kili hu ə kpinį, ə mą kɛ yiihu ɓə, da kɛli mįnɛ̨ həɠɛɛ tɔlɔɔ hu woo ɓo, ɉəɠə ɓɛlai tii kaa lɔ ni laa, hvo ni həɠə li laa; mąąhɔlɔɓo, Kristə hu ɓə a həɠə la laa.

Ifisiɛŋ 4:18

Di wɔ kiliŋąhiɛ kaa a kpinį ŋą hon, diɛ ɓo a nwɛ̨ąą, Yálá nwɔ yɛnɛ̨ɛ̨ kɛ pələ hu, tɛɠii-yɛnɛ̨ɛ̨i tii di kaa ɉui, aa di kili walawala.

Ifisiɛŋ 4:26

Ká líí a holi, 'ká hvo nɛ̨ŋɛ̨n ɉəɠə; hvóló hvo laa kpɔlɔ ɲą, ká wɔ lííholi ə ɓo ni ɉu.

Ifisiɛŋ 4:30

'Ká hvo Kili-Mąąhəɠɛɛ liikələn gwəi, yai Yálá ə gɔlɔn ɉii kɛ la káá, káá ká nwun mąąɓo yələ mąąkpɔn na.

Hebreu 3:10

kwɛlan bɔw nąąn ɲee mu. Yili ɓə gɛ, gɛ́ nííɲąnwąną diɛ, gɛ́ kɛ diɛ: Yələ kəlee ká káá lɔ lan bələ mɛ̨i, nuą ŋɛ̨i, di hvo kpɛli nwɔ́ pələɠaai kaa li,

Hebreu 3:17

Gbɛɛ nuą ɓə Yálá ə niiɲąąnwąną diɛ kwɛlan bow nąąn ɲee mu? Kɛlɛi nuąi nɛ̨ŋɛ̨n ɉəɠə, diɛ ɓə-é! Diɛ ɓə di powa ə pu nɔi pun ɉu.

Hebreu 5:9

Ɛlɛɛ, ə pələ kulɔ, ə həli la mąąhəɠə laa ɓa, Kristə ə kɛ kɛa la tii a nuąi da lɛɛ nwoo mu, di ɓalomun a yələ kəlee mɛ̨nį,

M̀ɛni-lɛɛi 6:16

Diɛ kɛ ɲeeɠaa da gwɛniɠaa diɛ: «'Ká pu ku mɛ̨i, 'ká ku loon, ku mąą ə kwɛa nui tii heeni dɔɔkpəlin ɉu, mą, ɛlɛɛ, ku mąą ə kwɛa Mɛlaa Lon nwɔ liiŋąnwąnąi ɓa!

Nwun mąąɓo 10:16

Yili pulu, ɉaliɠaai kpɔ kɛ Israɛlə nuą yəi, di di yee kulɔ gəlee hu, di tínɛ̨n di kwɛli hvilɛn Yai-Laa ɓa. Mɛ̨nį ɲąąnwąnąąi tii kɛ naa di mɛ̨i, Yai-Laa hvo pɛli gili kulɔi ɉu.

Samuɛlə dɔlɔɔ 20:34

Ɉonatan ə níiholi, ə həɠə gɔ̨nɔ̨n ma, hvo hɛn da mįi a ɲąnin nįnɛ̨ nwɔ hvóló veelɛ yələi tii. Mąąhɔlɔɓo, nii kələn ŋąą kɛ gwəi Davidə mąą mɛ̨nį hu, hvo gaai nąn aa kɛ nalan.