Markə 2:8 - Yálá laawoo hɛɓɛ (dc)

⁸ Ɲąąɓa, yii kɛa Jesus ə di wɔ kiliŋąhiɛ kaa tii, ə mo diɛ yɛ diɛ: «Lə mɛ̨nį ɓa giliŋąhiɛ ɲɔ̨nwɔ̨mąn ŋɛ̨i kaa kaa?

Yálá laawoo hɛɓɛ

⁸ Ɲąąɓa, yii kɛa Jesus ə di wɔ kiliŋąhiɛ kaa tii, ə mo diɛ yɛ diɛ: «Lə mɛ̨nį ɓa giliŋąhiɛ ɲɔ̨nwɔ̨mąn ŋɛ̨i kaa kaa?

Bible

⁸ Zîsɛ è gɔ́lɔŋ a maa félaa a gɛ́ɛ dí kɛ̀ m̀arê kɛ̂i ŋí kɛ̂i dílii su. Nya ƃe è dímarê kɛ̀ ǹyɛɛ dîai, “Lé mɛni ƃé ka m̀ôi kálii sui?

Markə 2:8 Iomraidhean Croise

Kɔlɔnikɔ Maa-ŋuŋ 29:17

Ną́mu Yálá, gbaɠala kaa mą́ą́, gɛ́: Yá nu kwəi kaa, kwəi kwələlaa yɛ Ə́ lii hon, nwɛ́i, ŋą́ą́ ɉɛnŋąąi tii kəlee tɛɛ kpɔ Ə́ pɔ gbɔ́wɔ́ ɓa, ɛlɛɛ a gwə́inɛ̨ɛ̨. Ya ka nwɔ̨nɔ̨, gáá ə́ nwɔ nuąi ŋɛ̨i ɓɛ di kaai, diɛ pa Ə́ pɔ di kpɔwɔ ɓa a mɛ̨inɛ̨ɛ̨ɠaa.

Mąątɛ̨nɛ̨ 139:2

Ŋą́ kɛ laani-o, ŋį́ múhəɠə-o, gbaɠala kaa Yɛ́; Yá gwə́i mɛ̨nįɠaa lɛɛ kwɛaa la, ə́ gɔlɔn.

Hanwon 15:26

Kiliŋąhiɛ ɲɔ̨nwɔ̨ɔ̨ɠaa wɛli kpɛɛi Yai-Laa ɓa kpɔ tɛ-tɛ, Kɛlaa, wɛlikɛmąą woo hu həɠeen ŋąąi.

Hanwon 24:9

Hɛn lɔ kilikpɛɛgwəi a giliŋąhiɛ mą, ya ɓaa nɛ̨ŋɛ̨n ɉəɠɛɛ. Yɛlɛ kulɔ ɉumun nwɛli hvo yɛnɛ̨ɛ̨ nuą diɛ.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Izikiɛ 38:10

Mɛ̨nįi Yai-Laa kaa moi, ya ka: a mąą yələi tii, ə́ kaa pai mɛ̨nį tamąą mąą kili ɲąhiɛ kɛi, ə́ kaa pai kóló ɲɔ̨ŋɔ̨ɔ̨ mąą kili təɠəi ə́ kwəi.

Maafîu 12:15

Yii kɛa Jesus ə di wɔ kiliŋąhiɛ kaa tii, ə həɠə laa yɛ li. Nu kpulu kɛnɛ̨ ə hvilɛn bulu, ə ɲɔ̨n gɛ nuą kəlee kɔ́lɔi pono.

Maafîu 16:7

Galan nɛa kwəi ə pili diɛ, diɛ kɛ di kee ɓa: «Akɛti, nɛɠɛi tii gu hvo ɉəɠə li mąą mɛ̨nį ɓə gɛi yɛ mo la tii?»

Maafîu 9:4

Yii kɛa Jesus ə di wɔ kiliŋąhiɛi tii kaa, ə mo diɛ, yɛ diɛ: «Lə mɛ̨nį ɓa ka káá ka kiliŋąhiɛi a ɲɔ̨nwɔ̨ɔ̨?

Markə 2:7

«Lə mɛ̨nį ɓa nui ŋɛ̨i kaa hvaai ŋɛ̨i? Gaa Yálá lalan ɉi! Gbɛɛ ɓə a pɛli nɛ̨ŋɛ̨n mąąhvaalɛɛi, akɛ Yálá yaa tɔ̨nɔ̨ hvəi?»

Markə 2:9

Akɛti, nu ya kɛ nu ɓa: ‹Ə kɛ nɛ̨ŋɛ̨ mąąhvaa aa lɛɛ›, da ‹Ə muhəɠə ə́í laa hɛn ɉəɠə, ə́ li›; mɛ̨nį hveelɛ tii, nɛlɛ ɓə mo laa nɛ̨ɛ̨?

Markə 7:21

Mąąhɔlɔɓo, nu lii hu ɓə kiliŋąhiɛ ɲɔ̨nwɔ̨ɔ̨ɠaa da kulɔ laa, yɛ nu tɔɔ a mɛ̨nį ɲɔ̨n gɛɛ, yɛ bələi: nwuɔ̨ kɛɛ kaa la, nu paa mɛ̨nįɠaa,

Lukə 24:38

Kɛlaa, Jesus ə mo diɛ, yɛ diɛ: «Lə mɛ̨nį ɓa ka kwəi aa pili kaa, ə lɛɛ, kaa ɲįnɛ-ɲį́nɛ̨n?

Lukə 5:22

Jesus ə di wɔ kiliŋąhiɛi tii kaa, ə mo diɛ yɛ diɛ: «Lə mɛ̨nį ɓa ka wɔ kiliŋąhiɛ kɛ pələ kaa tii?

Lukə 6:8

Kɛlaa, Jesus ə kɛ di wɔ kiliŋąhiɛ kɔ́lɔn. Ɉulɔnui tii kɛ ɲee kpalaa ma, Jesus ə mo mą yɛ mą: «'Pa ə́ tɔɔ ɓɛ nu kəlee ɲɛ̨i ɓa.» Ɉulɔnui tii ə muhəɠə ə tɔɔ nu kəlee di gaa.

Ɉaan 21:17

Ɉaaɓanąą, yɛ mą: «Simɔn Ɉaan lon, nwɛ́li kaa yɛ́?» Piɛrə kwəi hvo nɛ̨ɛ̨, mąąhɔlɔɓo, Jesus aa mąąnikɛ gee mɛ̨i hveelɛ, ɉaaɓanąą ka ti, yɛ kɛ mą: «Nwɛ́li kaa yɛ́?» Simɔn ə Jesus woo pulu pənə yɛ mą: «Ną́mu, ə́ mɛ̨nį kəlee kpaɠala kɔ́lɔn, ə́ gɔlɔn gbɔ yɛ́ diɛ, ə́ wɛli kaa mą́ą́.» Jesus yɛ mą: «Nwɔ́ ɓɛlaaɠaai laahɔnmo.»

Ɉaan 6:64

Kɛlaa, nu taɠaa kaa ka lɔwai yiiɠaai di hvo laa li na. Mąąhɔlɔɓo, ə həɠə kpɔ gɔwɔ tɔɔi yələ ɓa, nuąi di hvo kɛi laa na, ɛlɛɛ, da nui kɛi pa nɔwɔtɔɔi, Jesus ə di kɔ́lɔn gɛ.»

Gɛlaɠaa 5:3

Kɛlaa, Piɛrə ə mo ɉulɔnui ti ɓa, yɛ mą: «Ananiasə, lə ɓə kɛ yai ɓilihi aa lɔ kpɔ ti ə́ lii hu kɛnɛ̨, yɛ́ lɛɛ kɛ Kili-Mąąhəɠɛɛ ɓa? Yɛ́ nɔi hɔ̨nwɔ̨ ta lɛɛ ə́ yee pulu.

Gɛlaɠaa 8:22

Gili ɲɔ̨nwɔ̨ɔ̨ ti gaa yɛ́, 'həɠə bulu, ə́ nɛ̨ɛ̨mąą hvə gu Ną́mu ɓa, gaa pai kiɛ hvaa mą; ə ə́ mąąhvaalɛɛ.

Hebreu 4:13

Hɛn nɔpee ta hvo yɛnɛ̨ɛ̨, noɔ mą, hɛn gəlee mąąkpoloonŋąąi ɲɛ̨i mu, gəlee laa niila. Yai gu kaa lii gu kwɛlanmoi mą.

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.