Markə 2:16 - Yálá laawoo hɛɓɛ (dc)

¹⁶ Farisiɛ̨ɠaa di kɛ laa, daɠaa diɛ ɓo nwɔ̨nɔ̨ a tɔ́n galamɔ̨ɔ̨ɠaa. Di Jesus nwɔ kalan nɛai mąąni kɛ, diɛ diɛ: «Lə mɛ̨nį ɓa, Jesus da nįįhɔ̨nwɔ̨ kulɔ nuą, ə mą kɛ, túwɔ́ pələ ɲɔ̨n gɛ nuą di kaa kɔ̨nɔ̨n mįi gee ɓa?»

Yálá laawoo hɛɓɛ

¹⁶ Farisiɛ̨ɠaa di kɛ laa, daɠaa diɛ ɓo nwɔ̨nɔ̨ a tɔ́n galamɔ̨ɔ̨ɠaa. Di Jesus nwɔ kalan nɛai mąąni kɛ, diɛ diɛ: «Lə mɛ̨nį ɓa, Jesus da nįįhɔ̨nwɔ̨ kulɔ nuą, ə mą kɛ, túwɔ́ pələ ɲɔ̨n gɛ nuą di kaa kɔ̨nɔ̨n mįi gee ɓa?»

Bible

¹⁶ Dɔ̂ŋ lɛ́-ƃelai dí kɛ̀ naa. Dɔ̂ŋ lɛ́-ƃelai ŋí díkɛ̀ a Faresii-ŋa. Dí gàa Zîsɛ, ŋ̀uŋ fela-fe kula-ƃelai da zɔnyɔ̂ŋ-ƃelai ŋí ní díkɛ̀ dílaa miî gîe. Nya ƃe dí Zîsɛ ŋɔpôlu-ƃelai marê kɛ̀ dîɛ dîai, “Lé mɛni ƃé Zîsɛ, ŋuŋ-fela-fei kula-ƃelai da zɔnyɔ̂ŋ-ƃelai ní da dílaa mìi díkɛ díkpele gîe mai?”

Markə 2:16 Iomraidhean Croise

Azaya 65:5

Diɛ kɛ diɛ: «Ə́ kili kɛ ə́ kpɔwɔ hu, hvo lɛɠɛ mą́ą́, və́ nəi pa ə́ kɛ a mąąhəɠəmun.» Dúwɔ taaleei tii a níí holi, nulu yɛ tɛ ɲɛ̨́i, ə ɓo yɛ nwɔ̨n a túwɔ́ lən ɉii.

Maafîu 18:17

Akɛ a wala nwəli tɔɔ nuą tii woo ɓa, doo Yálá nwɔ nu kpului ɓa. Akɛ a wala nwəli tɔɔ di woo ɓa, yá gwɛdɛn yɛ nui hvo Yálá kɔ́lɔn, a wala kɛ tii, yɛ nįįhɔ̨nwɔ̨ kulɔ mun.»

Maafîu 5:46

Mąąhɔlɔɓo, akɛ, ka wɛlikɛmąą nuą lɔ ɓə ka di wɛli la kɛ, tɔ̨nɔ̨ lə kɛɛ ɓə ka pɛli Ɉɔlɔɓoi Yálá yəi yili hu? Niihɔ̨nwɔ̨ kulɔ nuą diɛ kpɛli da gɛ lɔ tii.

Maafîu 9:11

Yii kɛa Farisiɛ̨ɠaa di yili nąą kaa tii, di mo Jesus nwɔ kalan nɛai diɛ, diɛ diɛ: «Lə mɛ̨nį ɓa ka kalamɔ̨ɔ̨, da nįįhɔ̨nwɔ̨ kulɔ nuą, ə mą kɛ, túwɔ́ pələ ɲɔ̨n gɛ nuą, di yee kaa kɔ́wɔ tɔ̨nɔ̨ hu?»

Markə 2:15

Ɓɛlɔwai Jesus ə li la Levi kpɔ yei bɛlɛ́n, diɛ kɔ̨nɔ̨n mį́i; nįįhɔ̨nwɔ̨ kulɔ nuą da nɛ̨ŋɛ̨ gɛ nuą tamąą di kɛ bɛlɛ́n, da diɛni diɛn kɔ̨nɔ̨n mį́i, ə mą kɛ da Jesus nwɔ kalan nɛai. Nu kpulu kɛnɛ̨ ə kɛ laa. Nu kpulu kɛnɛ̨ ə kɛ laa.

Markə 2:7

«Lə mɛ̨nį ɓa nui ŋɛ̨i kaa hvaai ŋɛ̨i? Gaa Yálá lalan ɉi! Gbɛɛ ɓə a pɛli nɛ̨ŋɛ̨n mąąhvaalɛɛi, akɛ Yálá yaa tɔ̨nɔ̨ hvəi?»

Lukə 18:11

Farisiɛ̨ tii ə tɔɔ a dee, yɛ Yálá hvɛli, yɛ kɛ diɛ: ‹Oo Yálá! Gáá ə́ mąmąɓoi, mąąhɔlɔɓo, və́ yɛ nu takpɛliɠaa; diɛi di kaa a nwuɔ̨ nuą, mɛ̨nį ɲɔ̨n gɛ nuą, da wɛli hon nuą. Gáá ə́ mąmąɓoi, mąąhɔlɔɓo, və́ kpɛli yɛ nįįhɔ̨nwɔ̨ kulɔ mun ŋɛ̨i.

Lukə 19:10

Nuą yiiɠaai di piliɛ kɛ, Nu Lon ə pa di kwɛli mɛ̨nį ɓa, əgɛ, di ɓalo.»

Lukə 19:7

Nąą kaai kɛa nuą di mo, di dɛi kɛi Jesus ɓo, diɛ kɛ mą: «Gaa li yɛ yii nɛ̨ŋɛ̨n ɉəɠə mun ɲəi bɛlɛ́n.»

Lukə 5:30

Farisiɛ̨ɠaa da tɔ́n galamɔ̨ɔ̨ɠaa, di piliɛ kɛ di kee mɛ̨i kɛɛnąą tɔ̨nɔ̨ ɓa. Jesus kaa tii di mo da nuą tii di heɛɛ kɛɛnąą tɔ̨nɔ̨, yili hvo nɛɛ diɛ. Di mo Jesus nwɔ kalan nɛai diɛ, diɛ diɛ: «Lə mɛ̨nį ɓa ka ka kalamɔ̨ɔ̨ ni, ka káá kɔ̨nɔ̨n mįi kɛɛnąą tɔ̨nɔ̨ ka nįįhɔ̨nwɔ̨ kulɔ nuą, ə mą kɛ túwɔ́ pələ ɲɔ̨n gɛ nuą?»

Gɛlaɠaa 23:9

Nąą woo ɲąą ə nwąną kpɔ kɛnɛ̨ dɔ́n galamɔ̨ɔ̨ taɠaa, da Farisiɛ̨ɠaa di tɔɔ, di həɠə di tɔɔ, di lənə di ɓɛlaa woo ɓa a di nwąnąi, diɛ mą: «Ku hvo mɛ̨nį ɲɔ̨n nɔpee ta kɛi ɉulɔnui ŋɛ̨i ɓa, gbəli hu kiɛ, malaka ta, awala kɛ ti, ɲinɛ̨n da ka ti mɛ̨nį ɓoi mą.»

Korɛntə dɔlɔɔ 2:15

Nui Yálá nwɔ Kilii yee kɔnma nwɛi, a mɛ̨nį kəlee hutɔɔ, ɛlɛɛ, nu ta hva pɛli naa ɲɔ̨nwɔ̨ɔ̨ ɓoi.

Hebreu 12:3

A tɛ̨ą, nui ŋɛ̨i nɛ̨ŋɛ̨n ɉəɠə nuą di pɛlɛ mą, ə niikpələ, 'ká ká kiliŋąhiɛ mą, əgɛ, ɲɔ̨nwɔ̨mą a həli káá, 'ká hvįi hvo kpɛɛ.