Markə 16:17 - Yálá laawoo hɛɓɛ (dc)

¹⁷ Nuąi da laa nwəlɛɛ lɛlɛɛ la, kpalo mɛ̨nįɠaai di kaa pai kɛi gɛi náá hu, diɛ ka: di kaa pai kɛi ɲinɛnŋąą kpɛi nuą pulu, náá hu, diɛ hį́i woo takpɛliɠaa ɓo.

Yálá laawoo hɛɓɛ

¹⁷ Nuąi da laa nwəlɛɛ lɛlɛɛ la, kpalo mɛ̨nįɠaai di kaa pai kɛi gɛi náá hu, diɛ ka: di kaa pai kɛi ɲinɛnŋąą kpɛi nuą pulu, náá hu, diɛ hį́i woo takpɛliɠaa ɓo.

Bible

¹⁷ Diai da lâa lai, wála-wala laa pâi kɛ̂i díyêei ŋɛi-kɛ-maa-ŋa kɛ́ mɛni ma ńaai su. Wála-wala a pâi kɛ̂i díyêei nyînaŋ nyɔ́mɔɔ-ŋa kpɛ́ mɛni ma, sîi-woo da kpɛ́ni-ŋa ƃó táre kɛ́ ƃò díyêei.

Markə 16:17 Iomraidhean Croise

Markə 9:38

Ɉaan ə mo Jesus ɓa, yɛ mą: «Ku nu ta kaa yɛ ɲinɛnŋąą kpɛ ə́ laa hu. Ku kɛ bɔ ku mo mą, ə kpəla mą. Mąąhɔlɔɓo, hvo a gu ta.»

Lukə 10:17

Galan nɛa pu-mɛ̨ihveelɛ-kɔw-hveelɛ di pənə di pa a kwəinɛ̨ɛ̨, diɛ Jesus ɓa: «Ną́mu, ku kɛi haŋą ɲį́nɛ̨nŋąa diɛ ə́ laa hu, diɛ ku woo hon.»

Ɉaan 14:12

A tɛ̨ą kpɔ-kpɔ gáá moi kaa, nui a laa ná, mɛ̨nįɠaa ŋɛ̨i gáá gɛi, mąą nu a pɛli yili kɛi, ə lɛɛ a damąą kɛ ə kɛnɛ̨ ə tɛɛ yiiɠaai gáá gɛi ma. Mąąhɔlɔɓo, gáá lii Ną́n Yálá pɔ.

Gɛlaɠaa 10:46

Hvó gaai, di kɛi nuąi ti woo mɛ̨n, diɛ hįi woo takpɛliɠaa ɓo, diɛ Yálá kɛnɛ̨ pələ hukulɔ. Piɛrə ə pənə nwɔ̨nɔ̨ yɛ diɛ:

Gɛlaɠaa 16:18

Ə kɛli gɛ ti hvoló tamąą yee mu. Gɛ pələi ti, Polə líí ə holi, ə tinɛ̨n yɛ ɲinɛ̨n ti ɓa: «Gáá moi yɛ́, Jesus Kristə laa hu, 'həɠə nɛ̨ɛ̨nui ŋɛ̨i pulu.» Ɲąąɓa, ɲinɛ̨n ti ə nɛɛmą ə həɠə bulu.

Gɛlaɠaa 19:6

Polə ə ɲee pɛlɛ di mɛ̨i, di Kili-Mąąhəɠɛɛ hɔlɔɓo; diɛ kɛa hvaa a woo nįnɛ̨ɠaa, diɛ Yálá kwəi mɛ̨nį hukulɔ.

Gɛlaɠaa 2:33

Ə tɛ ə hee Yálá yee lɛlɛɛ mɛ̨i, Yálá ə nwɔ Kili-Mąąhəɠɛɛ tɛɛ bɔ yɛ bələi ə naakwɛlan mo la, ə gbɛŋąn gu mɛ̨i yɛ pələi ka káá gaai la, ɛlɛɛ, kaa mąą mɛ̨nį mɛ̨n na.

Gɛlaɠaa 5:16

Nu kpulu kɛnɛ̨ɛ̨ ə kɛi həɠə Ɉerusalɛmə da gwɛlɛ taaɠaa hu, diɛ pa a ɲɔ̨n gɛ nuą, ə mą kɛ nuąi Ɲįnɛ̨nŋaa di kɛ di pulu; gəlee kɔ́lɔi yɛ pono, Ɲįnɛ̨nŋaa diɛ həɠə di pulu.

Gɛlaɠaa 8:7

Ɲįnɛ̨nŋaa di kɛli həɠə nuą pulu, diɛ tomą kpɔ kɛnɛ̨. Kpɛlɛɠɛlɛn ɲɔ̨n gɛ nuą tamąą, da kɔ́wɔ nwąną ɲɔ̨n gɛ nuą tamąą diɛ həɠə diɛ tɔɔ.

Korɛntə dɔlɔɔ 12:10

ə kpalo mɛ̨nį kɛɛ mąą laa tɛɛ da pɔ, ə Yálá kwəi mɛ̨nį hukulaa tɛɛ da pɔ, ə dakpɛli nwɛi kɛ a mɛ̨nį hukpɛ kili, da yɛnɛ̨ɛ̨ mɛ̨nįɠaa hu tɔɔ, ə da nwɔɔ kɛ a hį́iwooɠaa ɓoɔ, ə da nwɔɔ kɛ nwɔ̨nɔ̨ a laawoo tɛɛ kɛɛ.

Korɛntə dɔlɔɔ 12:28

Nuąi Yálá ə di hee gbɔn nwun na, dɔlɔɔɠaa ɓaa: Gɛlaɠaa, a həɠə laa: Gwəi mɛ̨nį hukulɔ nuą, da həɠə laa: Nuąi di ɓɛlaa mąąkwɛli mɛ̨nį kaa di nwuɔ̨, yili a hələ laa: Kpalo mɛ̨nį kɛ nuą, ɓalo ɓo kɛ nuą, nuąi da kpɔnmąą tɛɛ di ɓɛlaa pɔ, ɲɛ̨i tɔwɔ nuą, da hįiwoo ɓo nuą

Korɛntə dɔlɔɔ 12:30

Nu kəlee ɓə mɔ̨ɔ̨ a ɓalo ɓo kɛ? Gəlee ɓə mɔ̨ɔ̨ da hįiwooɠaa ɓo? Gəlee da mɔ̨ɔ̨ woo laa tɛɛ kɛ?

Korɛntə dɔlɔɔ 13:1

Ŋą́ ma pɛli hįiwoo kəlee ɓoi, ə mą kɛ malakaɠaa lawoo, akɛ wɛlikɛmąąlaa hvo ɲə́i, gáá lɔ yɛ kwɛlii nwoo kaa ɉu, gɛlɛ tin.

Korɛntə dɔlɔɔ 14:2

Hvo gaai, nui a kɛi hįiwooɠaa ɓo, hvo moi nuą diɛ, kɛlaa Yálá ɓə gaa moi mą. Gbala ə tɔɔ, nuą di hva kɛ mɛ̨n ɉi; mąą nu kili ɓə a kɛ mɛ̨nįɠaa tɛi na, yɛ mɛ̨nį loɔɠaa ɓo.