Markə 14:49 - Yálá laawoo hɛɓɛ (dc)

⁴⁹ Hvóló kəlee gwa kaa ni gu kɛ lɔ gu kee ɓa, gɛ́ kalan gɛ Yálá hee pɛlɛ́ mu, ka hvo kɛ ɉón ni nąąlɔwai tii hu; kɛlaa, yili aa kɛ tii, ə gɛ, yii Yálá laawoo hɛɓɛ́ ə mo naa ə hon.»

Yálá laawoo hɛɓɛ

⁴⁹ Hvóló kəlee gwa kaa ni gu kɛ lɔ gu kee ɓa, gɛ́ kalan gɛ Yálá hee pɛlɛ́ mu, ka hvo kɛ ɉón ni nąąlɔwai tii hu; kɛlaa, yili aa kɛ tii, ə gɛ, yii Yálá laawoo hɛɓɛ́ ə mo naa ə hon.»

Bible

⁴⁹ Ŋá kɛ̀ kásama Ŋ̀âla-pɛrɛ Kɛ́tɛi mu ŋ́gɛ Ɣâla mɛni lɛ̀ a ɣele kélee, ǹyaŋ káfe ńzoŋ ní. Kɛ́lɛ, fɛ̂ɛ Ŋ̀âla-kɔlɔi ŋ̀aa-see é kɛ́.”

Markə 14:49 Iomraidhean Croise

Maafîu 1:22

Mɛ̨nįɠaa tii kəlee ə kɛ, əgɛ, mɛ̨nį Ną́mu ə mo gwəi mɛ̨nį hukulɔ mun ma, naa ə hon.

Maafîu 26:54

Kɛlaa, ŋą yili kɛ tii Yálá laawoo laa a hon bələ kɛ ləi? Yaan, Yálá laawoo yɛ: Hvo kɛ li, yili ə kɛ tii.»

Maafîu 26:55

Yili pulu, Jesus yɛ ɉon nuą diɛ: «Akɛti, ka kɛi pa ɉón ɉii, hvo kɛ li ka pa a gbɔn da ɓɔwa kwɛaaɠaa, yɛ ŋą kɛ a mɛ̨nį ɲɔ̨n gɛmun? Yaan, ŋį́ kɛ lɔ ka pɔ a hvóló kəlee, gɛ́ nuą kalan Yálá hee pɛlɛ́ mu, ka hvo kɛ ɉón ni nąąlɔwai.

Maafîu 26:56

Kɛlaa yili ə kɛ tii, ə gɛ, mɛ̨nįɠaai Yálá kwəi mɛ̨nį hukulɔ nuą di mo naa ə hon.» Nąąlɔwai galan nɛa kəlee di nɛɛ laa, di pu.

Markə 10:1

Jesus ə həɠə kɛa laa ə li Ɉude lɔi hu. Ə pənə nwɔ̨nɔ̨ ə Ɉurdɛn yá teen ə li bulu pələ. Nu kpulu kɛnɛ̨ ə pənə ə ŋąąkpɔn gwɛlɛ, yɛ di kalan yɛ pələi ə kɛi gɛ la a bɔlɔ.

Markə 11:27

Di di pulu pənə nwɔ̨nɔ̨ də li Ɉerusalɛmə daai, Jesus kɛɛ kɛa hiɛi Yálá hee pɛlɛ́ mu, ɉaláá laa həli nuą nwun nąmįną, dɔ́n galamɔ̨ɔ̨ɠaa, da galanɉonŋąą di lɛɠɛ mą.

Markə 12:35

Ɓɛlɔwai Jesus ə kɛi kalan gɛ la Yálá hee pɛlɛ́ mu, ə mąąni kɛi ŋɛ̨i kɛ, yɛ diɛ: «Lə mɛ̨nį ɓa dɔ́n galamɔ̨ɔ̨ɠaa da pɛli moi diɛ kɛ diɛ: ‹Nwun mąąɓomun Yálá ə naakwɛlanmo gaa a Davidə lon?›

Markə 14:48

Jesus ə mo ɉon nuą diɛ, yɛ diɛ: «Kaa pa ɉón ɉi, ka hvilɛn ŋąą búlú a ɓɔwa kwɛa da gbɔŋąą, yɛ ŋą kɛ a toomɛ̨i kɛ mun?

Markə 14:50

Nąąlɔwai tii hu, nwɔ kalan nɛai kəlee di nɛɛ laa, di pu.

Lukə 19:47

Jesus ə kɛi nuą kalan hvóló kəlee Yálá hee pɛlɛ́ mu. Ɉaláá laa həli nuą kpɛa-kpɛaɠaa, tɔ́n galamɔ̨ɔ̨ɠaa da nɔi kalanɉonŋaa di kɛi baa pələ kwɛli.

Lukə 22:37

Mąąhɔlɔɓo, gáá moi kaa, mɛ̨nįi ŋɛ̨i di bɛ̨ɛ̨ yɛ hvilɛn na mą́ą́, mąąnɛ̨ɛ̨ ə kɛ, yai di kɛ la diɛ: ‹Da mɛ̨nį ɲɔ̨n gɛ nuą di di tɔɔi kɛ tanɔ̨n.› Mɛ̨nįɠaai hvilɛn mą́ą́, bɔ mɛ̨nį kaa kɛi.»

Ɉaan 10:23

Bələi ŋɛ̨i kɛ Yálá hee pɛlɛ́ mu, diɛ kɛ mą: Salomɔn nwɔ pələi, Jesus ə kɛi tɛ̨ɛ̨tɛ̨ɛ̨ ɓo ɉu.

Ɉaan 18:20

Jesus ə nwoo pulu pənə yɛ mą: «Ŋą́ kɛi mɛ̨nį ɓo nuą diɛ kpɔn ɉu. Hvóló kəlee, ŋį́ kɛi nuą mąąkwɛli Yálá hvɛli pɛlɛ́ɠaa mu, da Yálá hee pɛlɛ́ mu ɓɛi Ɉuifəɠaa da di ŋąąkpɔn naa, və́ kɛ mɛ̨nį ta ɓo li loo hu.

Ɉaan 7:37

Ɉɛli hvóló kpəli, ɓə kɛ a volói tii ɓə kɛ mąą mɛ̨nį nwąnąą; Jesus ə haŋą ə tɔɔ nu kpului tii kəlee ɲɛ̨i ɓa, yɛ diɛ: «Nui kpələ wɛli kaa mą, ə pa bɔ́ ə gbələ.

Ɉaan 8:12

Jesus ə pənə ə mo nuą tii kɛ laa diɛ, yɛ diɛ: «Gáá a yɛnɛ̨ɛ̨ kɛɛ pono. Nui a hvilɛn búlú, hva hiɛ kpinį hu. Kɛɛ ponoi a yɛnɛ̨ɛ̨ hva kpɛɛ nu pɔ a ɉɔlɔɓo.»

Ɉaan 8:2

Yələ wala piinɛ̨ɛ̨, ə həɠə ə pa Yálá hee pɛlɛ́ mu. Nu kpulu kɛnɛ̨ɛ̨ ə lɛɠɛ mą, ə hee yɛ di mąąkwɛli.