Markə 14:22 - Yálá laawoo hɛɓɛ (dc)

²² Di kɛɛ; di kɔ̨nɔ̨n mɛ̨ɛ̨i, Jesus ə nɛɠɛ həɠə gbɛɛ kɛa a Yálá hɛɠɛɛɓoɔ, ə ɉu tee-tee ə dɛɛ nwɔ kalan nɛai pɔ, yɛ diɛ: «Ka nɛɠɛ ŋɛ̨i hon ka mį́i, yii kaa a gɔ́lɔ́.»

Yálá laawoo hɛɓɛ

²² Di kɛɛ; di kɔ̨nɔ̨n mɛ̨ɛ̨i, Jesus ə nɛɠɛ həɠə gbɛɛ kɛa a Yálá hɛɠɛɛɓoɔ, ə ɉu tee-tee ə dɛɛ nwɔ kalan nɛai pɔ, yɛ diɛ: «Ka nɛɠɛ ŋɛ̨i hon ka mį́i, yii kaa a gɔ́lɔ́.»

Bible

²² Díkɛɛ dílaa miî, è kpólo sìɣe é lûwa too ma é zu ɣále é dɛɛ ŋɔpôlu-ƃelai pɔ́, ǹyɛɛ dîai, “Ŋ́gbonôi ká ŋí.”

Markə 14:22 Iomraidhean Croise

Zɛnɛse 41:26

Nįŋɛ̨ háá yólaa mɛ̨ihveelɛi, da mɔ̨nun gbaɠa kpɛa kpɛa mɛ̨ihveelɛi, di mukulaa ɓaa: kwɛlan mɛ̨ihveelɛ.

Zakari 5:7

Ya ɓə ŋį́ kwɛli ɓɛla kɛlɛɠɛlɛn-gɛɛ kaa, yɛ tɛ yələi: nɛ̨ɛ̨nu ta ə kɛ heeni mɔ̨nun gɔɔn gəgən tii hu.

Maafîu 14:19

Yii kɛa di dɛɛ bɔ, ə mo diɛ yɛ diɛ: 'Ka mo nuą ŋɛ̨i diɛ, di kəlee di hee nɔi ɓa. Yili pulu, ə nɛɠɛ lɔɔli da Ɉɔwɔlee hveelɛi tii həɠə, ə ɲɛ̨i hee ɲələi, ə Yálá hɛɠɛɛɓo. Yili pulu ə ɉu tee-tee ə dɛɛ nwɔ kalan nɛai pɔ, yɛ diɛ: Ka ŋąąkwɛlɛ nu kəlee ɓa.

Markə 10:16

Yili pulu, Jesus ə nɛapɛlɛɛ tii taɠaa hee ɲee kɔ̨nwɔ̨n ɉu, ə ɲee pɛlɛ daɠaa diɛ, ə lúwɔ́ too diɛ.

Markə 14:21

Nu Lon gaa pai haai yɛ pələi Yálá laawoo hɛɓɛ́ ə mo la. Kɛlaa, kpalo ɓɛlaai nui ɉaa wulu kaa pai lɛɛ nwuɔ̨, mą. Mąą nui tii, ə mą kpɛli kɛ kɛ nee hvo gaa li.»

Markə 14:23

Yili pulu, ə gbələ kɔ́wɔ həɠə, gbɛɛ kɛa a Yálá hɛɠɛɛɓoɔ, ə dɛɛ di pɔ, yɛ diɛ: «'Ka ɉon!» Di ɉon nu kəlee ə da kpələ.

Markə 14:24

Jesus ə mo diɛ, yɛ diɛ: «Yii kaa a ɲą́mą, ŋą́mą yii gaa a mįnɛ̨ ka Yálá ni ka lɔwai. Gaa a ŋą́mą yii gaa pai pui nu tamąą mąą mɛ̨nį ɓa.

Markə 6:41

Yili pulu, Jesus ə nɛɠɛ lɔɔli huɠalə-ɠalə, ə dɛɛ nwɔ kalan nɛai pɔ, ə gɛ, di ɲąąkwɛlɛ nuą diɛ.

Lukə 22:17

Yili pulu, ə gbələ hɛnɲąŋą həɠə, ə́ Yálá hɛɠɛɛɓo, yɛ diɛ: «Ka ɉon, nu kəlee ə da kpələ.

Lukə 24:30

Di kɛɛ yələ wilii laa mį́į́ kɛi da Jesus ni, Jesus ə Yáláhɛɠɛɛɓo nɛɠɛ tii mąą mɛ̨nį ɓa, ə ɉu tee ə nu kəlee nwɛi tɛɛ pɔ.

Ɉaan 6:23

Yaan, kələn da kpɛliɠaa di həɠə Tiberiadə daai pələ, di pa, di həli ɓɛi Jesus ə Yálá hɛɠɛɛɓo laa kɔ̨nɔ̨n mąą nuą diɛ mįi.

Korɛntə dɔlɔɔ 10:4

ɛlɛɛ, di kəlee di di kpələ a Yálá-taa yá, Yálá-taa kwɛnii kɛ di pulu, Kristə li kɛ, yai di kpələyá ə kɛi kulɔ ɉu.

Galatə 4:25

Mąąhɔlɔɓo Sinai kaa Arabə lɔi hu. Ɛlɛɛ, Agarə mukulaa ɓaa, Ɉerusalɛmə háákələi, yai a nuwɔ-nɛ̨ą da nonnii.