Markə 13:9 - Yálá laawoo hɛɓɛ (dc)

⁹ «Kɛlaa, ka ka kpɔwɔ mɛ̨i kaa a nɛlɛɛ. Mąąhɔlɔɓo, di kaa pai kɛi lii a kaa kiti pɛlɛ́ɠaa mu; di wɔ Yálá hvɛli pɛlɛ́ɠaa mu diɛ ka kɛ́lɛ́, diɛ li a kaa nwun nąmįną da tɔɔɓɛlaa lííla ɲą́ą́ mą́ą́ mɛ̨nį ɓa. Yili kaa pai kɛi diɛ a mąą kɛlahvaa ɓoɔ.

Yálá laawoo hɛɓɛ

⁹ «Kɛlaa, ka ka kpɔwɔ mɛ̨i kaa a nɛlɛɛ. Mąąhɔlɔɓo, di kaa pai kɛi lii a kaa kiti pɛlɛ́ɠaa mu; di wɔ Yálá hvɛli pɛlɛ́ɠaa mu diɛ ka kɛ́lɛ́, diɛ li a kaa nwun nąmįną da tɔɔɓɛlaa lííla ɲą́ą́ mą́ą́ mɛ̨nį ɓa. Yili kaa pai kɛi diɛ a mąą kɛlahvaa ɓoɔ.

Bible

⁹ “Mɛni ma, ka kákpîŋ mɛi káa, kpɛ́ni fêi, da pâi kásonîi dí a káa mɛni sâa ƃó kwaa-ŋa ma. Da pâi kálôkwai a ŋ̀ánaa Ŋ̀âla fɛli-kêre-ŋai mu. Da pâi gɛ̂i kátɔɔ lɔii lonii láa-ƃela da kâloŋ-ŋa ŋɛ́i túɛ ḿaa mɛni ma a gɛ́ɛ ká Duŋ Lɛ́lɛɛi maa sere-faa kɛ́ díŋɛi.

Markə 13:9 Iomraidhean Croise

Maafîu 5:22

Kɛlaa, nwɛ́i gáá moi kaa, nui lɔpee a niiɲąnwąną nu ta ɓa, mąąnɛ̨ɛ̨ di gití tee. Nui nwɔ̨nɔ̨ a kɛ nu ta ɓa: ‹Ə́ kili hvo ə́ yəi›, mąąnɛ̨ɛ̨ di dɛɛ nu kpɛa-kpɛa pɔ di ɉutɔɔ. Nui nwɔ̨nɔ̨ a kɛ nu ta ɓa: ‹Ɓowo mun›, mąąnɛ̨ɛ̨ di bili ɉahanąmą nwɔ̨n ɉu.

Markə 1:44

Hvo mɛ̨nį ŋɛ̨i hukulɔ nui lɔpee ta ɓa. Kɛlaa, li ə́ kpɔɔ lɛ ɉaláá laa həli mun mą, yɛ mą: Gɔ́lɔ́ a pono. Yili pulu, ɉaláá yii Moisə ə vaaɓo, ə́ yili kulɔ, ə gɛ, nu kəlee di gɔlɔn diɛ ə́ kɔ́lɔi aa pono, ə́ mąą a həɠə.

Markə 13:5

Yili ɓə gɛ Jesus ə mo diɛ, yɛ diɛ: «Ka gɛ a nɛlɛɛ, nu lɔpee ta hvo ka ɓowo.

Markə 13:8

Hį́i lɔiɠaa kaa pai kɛi di muhəɠəi di kee ni laa ɓa. Tɔɔ ɓɛlaa diɛ di muhəɠə di kee ni laa ɓa. Lɔi kaa pai kɛi kpɛlin ɉi kɛɛnąą tamąą ɓa, pulu kpɛa-kpɛaɠaa diɛ too. Kɛlaa, yiliɠaai kəlee kaa lɔ pai kɛi yɛ kwəinwąną kɔ́wɔ tɔɔ.

Markə 6:11

Akɛ daa tii hu nuą da wala di yee hee ka mui, da wala di wəli tɔɔ ka woo ɓai, ka həɠə laa. Ka kɛi həɠə laai, ka ka kɔ́wɔ ɲą munun gulɔ ka kɔ́wɔ ɓa ka nɛɛ laa. Yili a kɛ diɛ a ka wɔ kɛla.»

Lukə 9:5

Ɓɛi lɔpee da wala di yee hee laa ka mui, ka ka kɔ́wɔ ɓa muluun kpɛŋɛn ka nɛɛ laa, əgɛ, di gɔlɔn diɛ daa mɛ̨nį ɲɔ̨n gɛ.»

Ɉaan 15:20

Nwoo tii ŋį́ mo kaa, gɛ́ kɛ kaa: Luwɔ hvo kɛnɛ̨ li hvo tɛɛ nąmu ɓa, ka ka kili lɛɛ ɉu. Akɛ yɛnɛ̨ɛ̨ nuą di mɛ́lɛkpɛɛ mą́ą́, di kaa pai ka ɓɛlɛkpɛɛi kaa. Akɛ di nwóó hon, di kaa lɔ pai ka woo hon ɉi.

Ɉaan 16:2

Di kaa pai kɛi ka kpɛi Yálá hvɛli pɛlɛ́ɠaa mu; yələ ta kaa pai ɉəlii, nui a ka ta paa, yɛ kɛ gaa Yálá mąąwiɛi ka tii.

Gɛlaɠaa 21:11

Ə lɛɠɛ kuɔ, ə Polə nwɔ yalai kulɔ ɉąą, ə gɔwɔ da ɲee pɛlɛ gee ɓa, ə ɲili la, yɛ mą: «Mɛ̨nįi Kili-Mąąhəɠɛɛ kaa moi ya ka; yɛ diɛ: Nui bɔɔ ɓaa ɲalai ŋɛ̨i, bələ ɓə Ɉuifəɠaa kaa li ɲili la Ɉerusalɛmə, di dɛɛ nwɛ̨ąą pɔ.»

Gɛlaɠaa 7:54

Nwooɠaa ti ə di liikələn di kwəi, diɛ di ɲįn ɲą mįi, diɛ di laa hvaną a Etiɛnə.

Gɛlaɠaa 9:16

Mɔ̨nɔ̨i gaa pai mįi náá mą́ą́ mɛ̨nį hu, ɲą́ą́ gbínįlee gáá pai yili kəlee lɛi mą.»

Filipə 1:29

Mąąhɔlɔɓo, Yálá háálai ɓə ka kɛ la a Kristə nwɔ tínuą, ka laa mɛ̨nį na yaa tɔ̨nɔ̨ lɔ hvəə, kɛlaa, ə gɛ ka mɔ̨nɔ̨ mį́į́ mąą mɛ̨nį ɓa.

Tɛsalonikə veelɛ 1:5

Di kaa a Yálá ŋą kiti haŋąąi hu mɛ̨nįɠaa, ɉəli mɛ̨nį káá, nwu maa, di ká kɛ a nuąi di mąąnɛ̨ɛ̨ a Yálá ŋą tɔɔlaa hu nuą, yai ká káá mąą mɔ̨nɔ̨ mįi.

Zɔ̂ŋ Veerɛi 1:8

'Ká ká kpɔwɔ mɛ̨i kaa káá kpinįi, ə gɛ, ká hvo pa hvɛɠɛ a ká kɛ kólo dɔlɔ, kɛlaa yaamun, ká ká hvɛla hɔlɔɓo kpɔ kɛnɛ̨.

M̀ɛni-lɛɛi 1:9

Ɲą́ą́, ká nąn non Ɉaan, yai ká diɛni ká kaa ká kee pɔ mɔ̨nɔ̨ tanɔ̨n ɉu, dɔɔlaa hu, ɛlɛɛ, da dɔɔa nwąnąi laa hu Jesus hu, ŋą́ kɛ Patmɔsə tín ɉu, Yálá laa woo mąą mɛ̨nį ɓa, ɛlɛɛ da Jesus mąą kɛla hvaa ɓo mɛ̨nį ɓa.

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.

M̀ɛni-lɛɛi 2:13

Ɓɛi ə́ heɛ kaa laa, ŋį́ nąą kɔlɔn, nąą lɔ ɓə ɓilihi nwɔ tɔɔkpəlin gaa laa. Kɛlaa, yáá ə́ yee kąną náá ɓa, ɛlɛɛ, hvó lənə li nwɔ́ pələi ɓa, ə mą kɛ, a vólóɠaai di kɛli nwɔ́ kɛla tələnmoɔ Antipasə paa la, ká pɔɔli, ɓɛi ɓilihi aa ɉeei kulɔ laa.