Markə 13:8 - Yálá laawoo hɛɓɛ (dc)

⁸ Hį́i lɔiɠaa kaa pai kɛi di muhəɠəi di kee ni laa ɓa. Tɔɔ ɓɛlaa diɛ di muhəɠə di kee ni laa ɓa. Lɔi kaa pai kɛi kpɛlin ɉi kɛɛnąą tamąą ɓa, pulu kpɛa-kpɛaɠaa diɛ too. Kɛlaa, yiliɠaai kəlee kaa lɔ pai kɛi yɛ kwəinwąną kɔ́wɔ tɔɔ.

Yálá laawoo hɛɓɛ

⁸ Hį́i lɔiɠaa kaa pai kɛi di muhəɠəi di kee ni laa ɓa. Tɔɔ ɓɛlaa diɛ di muhəɠə di kee ni laa ɓa. Lɔi kaa pai kɛi kpɛlin ɉi kɛɛnąą tamąą ɓa, pulu kpɛa-kpɛaɠaa diɛ too. Kɛlaa, yiliɠaai kəlee kaa lɔ pai kɛi yɛ kwəinwąną kɔ́wɔ tɔɔ.

Bible

⁸ Sîi-ŋa da pâi tɔɔ̂i a díkîe-ní dîa, kâloŋ-laa kɛ́ kɔ̀ kâloŋ-laa pɔ́, ǹɔii a pâi kpɛ̃lini kwaa támaa ma. Puru su-kɛ́tɛ a pâi toôi. Kɛ́lɛ, nyíŋi-ŋai káa nɔ́ a mɛni solii kɔ́ɔ pîlanii.

Markə 13:8 Iomraidhean Croise

Kɔlɔnikɔ Veerɛi 15:6

Di kɛi kɔ́, lɔi yɛ pɛlɛ lɔi ɓa, taa yɛ pɛlɛ taa ɓa. Gbala ə tɔɔ, Yálá ə di nwun ɉee gee ɓa a mɔ̨nɔ̨ huwu kəlee.

Mąątɛ̨nɛ̨ 48:6

Di gaa lɔ, di hu ə pu diɛ, di ɲɔw, di nɛɛmą di tɛɛ a gilɛ.

Azaya 19:2

Yai-Laa yɛ diɛ: Gáá Eziptə nuą ɲąątɛi di kee ɓa, nu kəlee yɛ kɔ́ pɛlɛ gaayɔwɔ ɓa, nu yɛ kɔ́ pɛlɛ mɛlan gaa lon ma, taa yɛ kɔ́ pɛlɛ mɛlan daa ɓa, lɔi yɛ kɔ́ pɛlɛ mɛlan nɔi ɓa.

Azaya 29:6

Yai-Laa Mɛ̨nį Kəlee ŋą Hééɓomun, kaa pai woloi lɔ yɛ́ kpulu, yələgbąnąą hu, lɔi kpɛlinŋąą hu, tin gɛnɛ̨ɛ hu, hvaŋą kɛnɛ̨ɛ̨ hu, a tulɔ hvaŋą kɛnɛ̨, da kɛɛ kala nwɔ̨n nən ɉu.

Azaya 37:3

Ə gɛ də li diɛ mą: Ezekiasə woo ka, yɛ: «Haa kəlee hvólói kaa a lii kələn gwəi hvóló, hutɔɔ hvóló, da nwumɛ̨ hvóló, lon ɉinąą daa di nwun gulɔ di lee kwəi, kɛlaa lon-gaa hvąŋą hvo di lee yəi.

Ɉeremi 13:21

Ə́ kaa pai kɛi lə! Nuą tii ə́ nɛ̨ɛ̨laa kɛnɛ̨ laa, ka diɛni ka lɔwai, Ɓɛlɔwai, di kaa pai heei la ə́ hu, diɛ hee ə́ mɛ̨i, Yɛ́ mɔ̨nɔ̨ mį́i yɛ kwəi nwąną kɛ Nɛ̨ɛ̨nu, yá kɛ lə?

Ɉeremi 22:23

Yɛ́i kɛ heeni Liɓan, yáá ə́ taa tɔɔ Liban kpitiliɠaa hu. Ə́ ɲiŋɛ hiɛ ka tii, mɔ̨nɔ̨ɠaai pai laai yɛ́ di yəi, yɛ kwəi nwąną kɛ nɛ̨ɛ̨nu nwɔ mɔ̨nɔ̨.

Ɉeremi 25:32

Mɛ̨nį Kəlee ŋą Hééɓomun Yai-Laa woo ka, yɛ: Mɛ̨nį ɲąąnwąnąą a həɠə lɔi, ə li dakpɛli hu. Tulɔ hvaŋą kɛnɛ̨ a muhəɠə lɔi kpon ɉeei.

Ɉeremi 4:31

Gaa yɛ ŋį́ kɛi kwəi kwąną kɛ Nɛ̨ɛ̨nu woolaa woo mɛ̨n; wɔlɔ woo yɛ tɔɔ yɛ, Nɛ̨ɛ̨nu aa kɛi gbəla lon gaa. Siɔn taa ɲiŋɛ woo ka tii, yɛ ɲee hanŋa, yɛ kɛ diɛ: «Ə́kə́ kpalo aa gáá-ee! Ɉáá hiɛ ka nu paa nuą ŋɛ̨i yee mu!»

Ɉeremi 49:24

Damasə aa too, aa bulu tinɛ̨n yɛ pu. Maa yɛ kpɛlin nɔ ya ya mɔ̨nɔ̨ da liikələn gwəi daa həli mą, yɛ Nɛ̨ɛ̨nui kwəi nwąną kɛi.

Ɉeremi 50:43

Babilonə tɔɔmun aa bələ mɛ̨n, vii aa kpɛɛ kpɔ kɛnɛ̨, niikələn ŋąą gwəi, yɛ nɛ̨ɛ̨nui kwəi nwąną kɛi nwɔ mɔ̨nɔ̨.

Ɉeremi 6:24

Bələ aa too ku wəlii, ku yee kɔ̨nwɔ̨nŋaa hu aa haa, liihɛlɛn aa too kuɔ, kuɔ mɔ̨nɔ̨ mį́i la, yɛ kwəi nwąną a naa tɛ Nɛ̨ɛ̨nu mu.

Egaa 2:22

Ŋą́ tɔɔɓɛlaa di wɔ huwalawala too, wotoloɠaa da mɛ̨i hee ɓo nuą da too, hoo da mɛ̨i hee ɓo nuą di laa nɔi ɓa, diɛ di kee paa.

Zakari 14:13

Mąą yələi tii, Yai-Laa kaa pai ɲɔw kɛnɛ̨ pilii di hu, nuą diɛ wolo di kee ɓa, diɛ gɔ́.

Maafîu 24:8

Mɛ̨nįɠaa tii kaa pai kɛi; lɔ yɛ kwəi nwąną kɔ́wɔ tɔɔ.

Markə 13:7

Ɓɛlɔwai ka káá pai kɛi kɔ́ mɛ̨i wooɠaa mɛ̨n ɉi la yii a kɛ kwɛala da yii a kɛ a nɛɠɛɛ kaa, ka hvo ɲɔ̨w. Mąąhɔlɔɓo, hvo kɛli mɛ̨nįɠaa tii da gbɛa kɛ. Kɛlaa, yili hva nii kɛ a yɛnɛ̨ɛ̨ ŋąąkpɛɛi lɔwai.

Markə 13:9

«Kɛlaa, ka ka kpɔwɔ mɛ̨i kaa a nɛlɛɛ. Mąąhɔlɔɓo, di kaa pai kɛi lii a kaa kiti pɛlɛ́ɠaa mu; di wɔ Yálá hvɛli pɛlɛ́ɠaa mu diɛ ka kɛ́lɛ́, diɛ li a kaa nwun nąmįną da tɔɔɓɛlaa lííla ɲą́ą́ mą́ą́ mɛ̨nį ɓa. Yili kaa pai kɛi diɛ a mąą kɛlahvaa ɓoɔ.

Gɛlaɠaa 11:28

Di tɔ̨nɔ̨ ə kɛ laa diɛ kɛ mą: Agabusə, ə muhəɠə ə tɔɔ, Yálá ə gilaa pono, yɛ kɛ: «Pulu kɛnɛ̨ kaa pai tooi lɔi mɛ̨i nąą kəlee.» Yaan, bului ti ə too a Klodə nwɔ tɔɔlaa yələ.

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.

M̀ɛni-lɛɛi 6:4

Ya ɓə hoo takpɛli ə kulɔ, gbɔluɔ yɛ nwɔ̨n. Nui kɛ heeni mɛ̨i, di mąąlaa tɛɛ bɔ, əgɛ, ə liilaa kpɛɛ lɔi mɛ̨i, nuą di di kee paa, ɛlɛɛ, di ɓɔwa kwɛaa kɛnɛ̨ ta tɛɛ bɔ.