Markə 13:11 - Yálá laawoo hɛɓɛ (dc)

¹¹ Ɓɛlɔwai di kaa pai lííla a kaa kiti tee pɛlɛ́ɠaa mu, ka hvo ka liihɛlɛn a wooi mąąnɛ̨ɛ̨ ka mo, kɛlaa, nąąlɔwai tii hu woo yii a tɛ ka la ka mo. Mąąhɔlɔɓo, nwooi tii hva həɠə kaa kpinįi ka kwəi, kɛlaa, Kili-Mąąhəɠɛɛ ɓə a dɛ ka la.

Yálá laawoo hɛɓɛ

¹¹ Ɓɛlɔwai di kaa pai lííla a kaa kiti tee pɛlɛ́ɠaa mu, ka hvo ka liihɛlɛn a wooi mąąnɛ̨ɛ̨ ka mo, kɛlaa, nąąlɔwai tii hu woo yii a tɛ ka la ka mo. Mąąhɔlɔɓo, nwooi tii hva həɠə kaa kpinįi ka kwəi, kɛlaa, Nįį-Mąąhəɠɛɛ ɓə a dɛ ka la.

Bible

¹¹ Dà kásoŋ dí lì a káa mɛni sâa ƃó kwaa-ŋai ma, kálii sɛ̀lɛŋ m̀ɛnii ma ka pâi m̀ôi. Kɛ́lɛ, m̀ɛnii nyii pâi tɛ̂i kála a tãi ti nɔ́ ƃé ká m̀ó, kpɛ́ni fêi, káa fé pâi kɛ̂i maa lonoi kpîŋ kɛ̂i, fɛ̂ɛ M̀ɔlêŋ Maa Waai.

Markə 13:11 Iomraidhean Croise

Samia Veerɛi 23:2

Yai-Laa nwɔ Kilii kaa hvaai nááləi, Vaa woo kaa ná.

Azaya 50:4

Nąmu Yai-Laa ə woo lɔ ná, yɛ nui da mąą kwɛli nwoo, ə woo ta ɓo mą́ą́, nui vii kpɛɛ, gɛ́ pɛli vąŋą lɔi. Yələ wala pɔ həli pələ tɛi tɛi, a nwə́li tɔɔ, gɛ́ nwoo mąn, yɛ bələi nui di kaa mąą kwɛlii, a mɛ̨nį mąn na.

Maafîu 10:17

'Ka ka mɛ̨i kaa, nuą mąą mɛ̨nį ɓa. Mąąhɔlɔɓo, di kaa pai kɛi lii a kaa kiti pɛlɛ́ɠaa mu; diɛ ka kɛ́lɛ́ a hvaɠa di wɔ Yálá hvɛli pɛlɛ́ɠaa mu.

Markə 13:12

Nuą kaa pai kɛi di kaayɔɠaa tɛŋɛ̨n gwɛlɛi, ə gɛ, di di paa. Lon gaa nuą diɛ kpɛli diɛ gɛ tii a di lonni. Lon yɛ muhəɠə gaa mun naa ɓa, baa mɛ̨nį ɓa.

Markə 13:9

«Kɛlaa, ka ka kpɔwɔ mɛ̨i kaa a nɛlɛɛ. Mąąhɔlɔɓo, di kaa pai kɛi lii a kaa kiti pɛlɛ́ɠaa mu; di wɔ Yálá hvɛli pɛlɛ́ɠaa mu diɛ ka kɛ́lɛ́, diɛ li a kaa nwun nąmįną da tɔɔɓɛlaa lííla ɲą́ą́ mą́ą́ mɛ̨nį ɓa. Yili kaa pai kɛi diɛ a mąą kɛlahvaa ɓoɔ.

Lukə 21:12

«Kɛlaa, gɛɛ yili kəlee ə kɛ, di kaa pai kɛi ka hon ɉii diɛ ka ɓɛlɛkpɛɛ kaa, diɛ ka kiti tee di wɔ Yálá hvɛli pɛlɛ́ɠaa mu, diɛ ka too gaho ŋą. Di kaa pai kɛi lii a kaa nwun nąmįną da ɲɛ̨itɔwɔ nuą lííla, náá mąą mɛ̨nį ɓa.

Ɉaan 3:27

Ɉaan ə di woo pulu pənə yɛ diɛ: «Nu hva pɛli hɛn Ɉɔlɔɓoi, akɛ Yálá hvo dɛɛ li pɔ.

Gɛlaɠaa 2:4

Di kəlee di pilɛ a Kili-Mąąhəɠɛɛ, diɛ hįi woo takpɛli ɓo yɛ bələi Kili ə mąąlaa tɛɛ la di pɔ.

Gɛlaɠaa 3:13

Abrahamə, Isaakə da Ɉakɔbə di nwɔ Yálá, gu nąnni di wɔ Yálá ə nwɔ tímun Jesus ɲɛ̨i pono, a yaa ti ka ɲąɓalɔ mą, ka gwɛlɛ Pilatə ɓa, bələi mąn yili ə kɛ la bɔ, ə ɓo la ma.

Gɛlaɠaa 4:31

Ɓɛlɔwai di kpɛɛ la a Yálá hvɛliɛ, ɓɛi ti di ɲąąkpɔn ŋąą kɛ laa, nąą ə kpɛlin, di kəlee di pilɛ a Kili-Mąąhəɠɛɛ hvaŋą, diɛ kɛa Yálá lawoo laa həli a liikpələ.

Gɛlaɠaa 6:10

Kɛlaa, di yee hvo lɔ Etiɛnə ɓa, mąąhɔlɔɓo, Kili-Mąąhəɠɛɛ ə kɛ bɔ, yɛ mɛ̨nį ɓo la a kilikɛɲəi laa.

Gɛlaɠaa 6:15

Nuąi kpɔ kɛ dɔ́n gələ mu, di kəlee di di ɲɛ̨i hee Etiɛnə ɓa, ɲɛ̨ilaai ə ɓo yɛ Yálá nwɔ malaka ta.

Gɛlaɠaa 7:55

Kɛlaa, Yálá ə kɛ Etiɛnə pɔ, ɲɛ̨i heɛ ɲələi pələ; ə Yálá nwɔ mąąwiɛ laa kaa, Jesus ə ɓo tɔɔni Yálá yee lɛlɛɛ hu pələ,

Korɛntə dɔlɔɔ 2:13

Kuɔn, ku hvo mɛ̨nį ta ɓoi a nu kan ŋą kilikɛɲəi woo, kɛlaa, ku kaa moi a Yálá nwɔ Kilii nwɔ mɛ̨nį lɛ pələ, kuɔ mo a Yálá nwɔ kili.

Ifisiɛŋ 3:5

Mɛ̨nį loɔ ti Yálá hvo ɉu pono tɔwɔ-tɔwɔ nuą ɲɛ̨i ɓa, yɛ bələi aa nɛ la kɛa yiihu nwɔ Kilii háálai nu mąąhəɠɛɛɠaai a gɛlaɠaa da gwəi mɛ̨nį hukulɔ nuą diɛ.

Zĩi 1:5

Akɛ, ká ta a hvɛɠɛ a mɛ̨nį kɔlɔn gilii, ə vɛli Yálá ɓa, nwɛi, a dɛɛ nu kəlee pɔ a gwəinɛ̨ɛ̨, hva haŋąn mą, a tɛɛ mąą nu pɔ.

Piɛrə dɔlɔɔ 1:12

Di nɛ diɛ, diɛ mą, di wɔɔ hvəli kɛ, kɛlaa ká mąą mɛ̨nį ɓə, di kɛli nwɛlɛɛ tii laa həli la, a yai yiihu kɛa, nwɛlɛɛ lɛlɛɛ laa həli nuą da kɛ ká mąąkwɛlii mą, Kili-Mąąhəɠɛɛ yee kɔnma, yai di dɔɔ yɛ həɠə yələi nwɛlɛɛ lɛlɛɛ tii ɓə, malakaɠaa kaa kɛ bɔ, di di ɲɛ̨i tɔɔ ɉu.