Markə 12:37 - Yálá laawoo hɛɓɛ (dc)

³⁷ «Akɛ Davidə ə kɛ non mą: ‹Nwɔ́ mɛ̨nį Námu›, Nwun mąąɓo mun Yálá ə naakwɛlanmo, a pɛli kɛi ləi a Davidə lon?» Nuą tii di kɛi Jesus woo mɛ̨i di kwəi yɛ nɛ̨ɛ̨.

Yálá laawoo hɛɓɛ

³⁷ «Akɛ Davidə ə kɛ non mą: ‹Nwɔ́ mɛ̨nį Námu›, Nwun mąąɓo mun Yálá ə naakwɛlanmo, a pɛli kɛi ləi a Davidə lon?» Nuą tii di kɛi Jesus woo mɛ̨i di kwəi yɛ nɛ̨ɛ̨.

Bible

³⁷ Deeƃé ǹyaa kpîŋ è Kôrai tòli a ŋɔnuu-namui. Gɛ̀ ní, a pɔ̂ri kɛ̂i léŋ a ǹóŋ?” Gbɔŋ kɛ́tɛi su-ƃelai dí kɛ̀ a Díwoo Zîsɛ ma nɛ̃ɛ pere.

Markə 12:37 Iomraidhean Croise

Maafîu 1:23

Ə mo yɛ: «Nɛ̨ɛ̨gbəla ta yii hvo hulɔnu mɛ̨nį hu kɔ́lɔn, gaa pai koo həɠəi, ə lon ɉulɔnu hɔlɔɓo, di naa hee a Ɛmanuɛlə (mukulaa ɓaa: Yálá kaa gu pɔ).»

Maafîu 11:25

Nąąlɔwai, Jesus ə nwooɠaa ŋɛ̨i ɓo, yɛ diɛ: «Oo Ną́n Yálá, gáá ə́ hɛɠɛɛɓoi kpɔ kɛnɛ̨, yɛ́i ə́ kaa a yələkɔlɔn da lɔi di Nąmu. Gáá ə́ hɛɠɛɛɓoi, mąąhɔlɔɓo, yaa mɛ̨nį ŋɛ̨i loo kilimąą nuą diɛ da mɛ̨nį kɔ́lɔn nuą, yaa nɛ lɛapɛlɛɛɠaa diɛ.

Maafîu 11:5

Kaa mą: Ɲɛ̨ipu nuą kaa kɛɛ kaai, kɔ́wɔnwąną nuą diɛ hiɛ, hvólóɲɔ̨n gɛ nuą kɔ́lɔi aa pono, di mąą aa həɠə, wəlitini nuą diɛ mɛ̨nį mɛ̨n, haaɓɛlaa diɛ nwun. Nwɛlɛɛ lɛlɛɛ laa aa həli yeehvowolo nuą diɛ.

Maafîu 21:45

Yii kɛa ɉaláá laa həli nwun nąmįną da Farisiɛ̨ɠaa di ɉanwon tii mɛ̨n, di gɔlɔn diɛ, diɛ ɓə Jesus ə kɛ diɛ.

Maafîu 21:46

Di kɛi Jesus hon bələ kwɛli mą. Kɛlaa, diɛ ɲɔ̨w nu kpulu ɓa, mąąhɔlɔɓo, yiliɠaa di kɛi Jesus kaa a Yálá kwəi mɛ̨nį hukulɔ mun.

Lukə 19:48

Kɛlaa, pələi kɛ di tɛɛ la, di hvo kɛ bələ kɔ́lɔn, mąąhɔlɔɓo, nɔi nuą kəlee wəli tɔɔ kɛ nwoo ɓa kpaan.

Lukə 21:38

Nuą kəlee di kɛi pa yələ wala pɔ Yálá hee pɛlɛ́ mu, əgɛ, di di wəli tɔɔ Jesus woo ɓa.

Ɉaan 12:9

Ɉuifəɠaa tamąą di bələ mɛ̨n diɛ mą: Jesus kaa Bɛtani, di həɠə diɛ li laa, ə gɛ, di Jesus kpinįi kaa, ɛlɛɛ, Lazarə ŋɛ̨i ə nwun ə kulɔ haa yəi, di di ɲɛ̨i tɔɔ mą.

Lomaŋ 9:5

di kaa a di kalaɓɔlɔni lonnii, di kaa pələ hu, diɛ ɓə Kristə ə hɔlɔɓo di huwu hu, yai hee ni hɛn gəlee nwun mɛ̨i. Lúwɔ́ kɛ mą a yələ kəlee da nwɔɔ, kɛi a mo tii Yálá ə kɛ! Mįiną!

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Zĩi 2:5

Ną́n nonnii, nwɛ́likɛmąą nuą, 'ká ká wəli tɔɔ kpɔ tai a nɛlɛɛ, kɛlɛi nuąi yeehowolo laa hu yɛnɛ̨ɛ̨ ɓɛ, diɛ ɓə Yálá ə di həɠə ɉu, ə di kɛ a hɛn gɔw nąmįną, a Yələkɔlɔn ɉu tɔɔlaa hɔlɔɓo nuą, yai ə naakwɛlanmo nwɛlikɛmąą nuą diɛ-e?

M̀ɛni-lɛɛi 22:16

«Ɲą́ą́ Jesus, ŋą́ nwɔ́ malakai tɔɔ, ə gɛ, ə pa a gɛla hvaa tii ɓo, yɛ hvilɛn na gbɔnŋaa kəlee diɛ. Ɲą́ą́ ɓə a Davidə huwu mąąpoo, a yələɓoi pɛmɛ̨lɛ̨n-gɔw.»