Markə 12:10 - Yálá laawoo hɛɓɛ (dc)

¹⁰ Yili pulu, Jesus ə mo diɛ, yɛ diɛ: «Akɛti, mɛ̨nį Yálá laawoo hɛɓɛ́ ə mo, ka hvo ta mɔ̨ɔ̨ yili kalan ni? Yaai ə kɛ mą: «‹Gwɛnii bɛlɛ́ tɔɔ nuą di lənə mą ya gaa a bɛlɛ nwun ɉon gwɛni leelee.

Yálá laawoo hɛɓɛ

¹⁰ Yili pulu, Jesus ə mo diɛ, yɛ diɛ: «Akɛti, mɛ̨nį Yálá laawoo hɛɓɛ́ ə mo, ka hvo ta mɔ̨ɔ̨ yili kalan ni? Yaai ə kɛ mą: «‹Gwɛnii bɛlɛ́ tɔɔ nuą di lənə mą ya gaa a bɛlɛ nwun ɉon gwɛni leelee.

Bible

¹⁰ Káfe tá m̀ɛnii ŋí lóno ní Ŋ̀âla-kɔlɔi su? ‘Gɔnii nyii bɛ́rɛ tɔɔ-ƃelai dí díŋɛi nàɣiŋ mɛi, a kɛ́ a bɛ́rɛi sonôŋ su-kɔnii gbîŋ-kpiŋ.

Markə 12:10 Iomraidhean Croise

Azaya 28:16

Kɛlaa, mɛ̨nįi Nąmu Yálá kaa moi, ya ka: Gáá pai pɛlɛ́ kɔ́wɔ hvilɛn gwɛni laai Siɔn, a kwɛni mąą mɛ̨nį nwąnąą, yai daa mąąkpɛɛ, a bɛlɛ́ nwun ɉon gwɛni; nui a gilitɔɔ mą, gwəi hva pili mą.

Maafîu 12:3

Jesus ə di woo ŋąąpənə, yɛ diɛ: «Akɛti, mɛ̨nį ŋɛ̨i Davidə da ɲee pɔ nuą di gɛ, ɓɛlɔwai pulu ə di hon na, ka hvo ta galan ni?

Maafîu 19:4

Jesus ə di woo ŋąąpənə yɛ diɛ: «Akɛti, ka hvo ta mɛ̨nįɠaa ŋɛ̨i kalan ni Yálá laawoo hɛɓɛ́ hu, diɛ kɛ mą: ‹Tɔlɔɔ-tɔlɔ Yálá ə hulɔnu da nɛ̨ɛ̨nu di pɛliə?›»

Maafîu 21:16

Diɛ Jesus ɓa: «Akɛti mɛ̨nį ŋɛ̨i di kaa moi ə kaa mɛ̨n ɉi?» Jesus ə di woo ŋąąpənə yɛ diɛ: «Gáá mɛ̨n ɉii.» Yili pulu yɛ diɛ: «Ka hvo nii galan ni Yálá laawoo hɛɓɛ́ hu diɛ kɛ mą: ‹Yaa gɛ kpɔ lɛapɛlɛɛɠaa da ɲįnį kpələ lonnii diɛ mąąwiɛ tɛɛ ə́ pɔ.›»

Maafîu 21:42

Yili pulu, Jesus ə mo diɛ yɛ diɛ: «Akɛti, mɛ̨nį Yálá laawoo hɛɓɛ́ ə mo ka hvo ta mɔ̨ɔ̨ yili kalan ni? Yaai ə kɛ mą: «‹Gwɛnii bɛlɛ́ tɔɔ nuą di lɛnɛ mą, ya ɓə kɛ a bɛlɛ́ tɔɔ kwɛni kpɔ-kpɔɔ. Yili ɓə Ną́mu Yálá ə gɛ, gaa gu ɲɛ̨i ɓa a kwəi pili mą mɛ̨nį.›»

Maafîu 22:31

Yii ɓaa haaɓɛlaa muhəɠə mɛ̨nį ka hvo ta galan ni Yálá laawoo hɛɓɛ́ hu, Yálá yɛ kɛ diɛ:

Markə 12:26

Yili ɓa, haaɓɛlaa muhəɠə mɛ̨nį, ka hvo ta galan ni li Moisə nwɔ hɛɓɛ́i hu, ɓɛlɔwai nwɔ̨n nən ə kɛ la gala nwun ɉu? Bɛ̨ɛ̨ yɛ mą, Yálá ə kɛ Moisə ɓa: ‹Gáá a Abrahamə nwɔ Yálá Isaakə nwɔ Yálá da Ɉakɔbə nwɔ Yálá.›»

Markə 12:9

Jesus ə di mąąni kɛ, yɛ diɛ: «Akɛti, ɉihɛn ɲeai tii nąmu a pa, lə ɓə a gɛ a góló kɛ nuąi tii? A pɛli ə di paa ə ɉihɛn ɲɛa tɛɛ nu kpɛliɠaa pɔ, di kólo kɛ laa.»

Markə 13:14

Nwoo ŋɛ̨i Jesus kaa moi, yɛ kɛ mą: «Ɓɛlɔwai ka káá pai Kristə ɲowo kaai la yɛ Yálá hee pɛlɛ́ kɔ́hɔɓo.» (Nui gaa Jesus wooi tii kalan ɉu, hvo kɛli ə gbaɠala kaa.) Jesus ə pənə, ə mo yɛ diɛ: «Nąąlɔwai, nuąi da kɛ Ɉude lɔi hu, hvo kɛli di pu di tɛ yeeɠaa ɓa.

Markə 2:25

Jesus ə di woo pulu pənə yɛ diɛ: «Akɛti, mɛ̨nį ŋɛ̨i Davidə da ɲee pɔ nuą di gɛ ɓɛlɔwai pulu ə di hon na, ka hvo ta galan ni?

Lukə 6:3

Jesus ə di woo pulu pənə yɛ diɛ: «Akɛti mɛ̨nį Davidə da ɲee pɔ nuą di gɛ, ɓɛlɔwai pulu ə di hon na, ka hvo moɔ ta yili kalan ni li?

Lomaŋ 9:33

Yɛ bələi bɛ̨ɛ̨ la Yálá lawoo hɛɓɛ́ hu yɛ mą: «Gáá kwɛni laai Siɔn, nui a kɔwɔ tuwɔ mą a too. Kɛlaa, nui a laa na, hva nwumɛ̨.»