Markə 11:14 - Yálá laawoo hɛɓɛ (dc)

¹⁴ Jesus ə mo molaa wului tii ɓa, yɛ mą: «Nui lɔpee ta hva kɛa ə ɓa ta mį́i kpɔ tɔ̨nɔ̨ kpɛli.» Nwɔ kalan nɛai di nwoo tii mɛ̨n.

Yálá laawoo hɛɓɛ

¹⁴ Jesus ə mo molaa wului tii ɓa, yɛ mą: «Nui lɔpee ta hva kɛa ə ɓa ta mį́i kpɔ tɔ̨nɔ̨ kpɛli.» Nwɔ kalan nɛai di nwoo tii mɛ̨n.

Bible

¹⁴ Nya ƃe m̀o ŋ̀úrii ma ǹyɛɛi, “Núu da kélee fé ŋɔ́nɔ wɔ́lɔ pâi íƃa da miî é síɣe sâa ma.” Ŋɔpôlu-ƃelai dí m̀ɛnii ŋí mɛni.

Markə 11:14 Iomraidhean Croise

Maafîu 21:19

Jesus ə ɓɔɔlaa wulu ta kaa bələ kwɛlɛ, ə lɛɠɛɛ mą, kɛlaa hvo mą kaa ɉu, naa lɔ ɓə kɛ ɲąąnɛ̨ɛ̨ mą. Ə nwului tii nɛ̨ŋɛ̨n naa yɛ mą: «Hva kpɔ kɛa ɓa tɔ̨nɔ̨ kpɛli!» Mɔɔlaa wului tii ə kpala kpɔlɔ tii ɲąąɓa.

Maafîu 21:33

Jesus ə mo diɛ yɛ diɛ: «Gáá hanwon da kpɛli hɔɔi kaa. Hulɔnu ta ə kɛ laa ə hihɛn ŋɛ̨i da kɛ mą viɲə, ə ɲɛa laa, ə mąąkwəli a hį́i ə viɲə ya kulɔi pɛli, ə pɛlɛ́ tɔɔ Ɉį́i ɲɛ. Ə viɲə yɛa həɠə ə dɛɛ nuą pɔ, ə gə di kólo kɛ ɉu, diɛ gulɔ.

Maafîu 21:44

Nui a too gwɛni ŋɛ̨i mɛ̨i, a wólo, ə lɛɛ gwɛni ŋɛ̨i a too nu ta mɔ̨i a vunwɔ̨.»

Maafîu 3:10

Yili ɓa, daa ɲowa ŋąą hee nwulu hamu ɓa. Wului hva ɓa lɛlɛɛ ɓo, da gulɔ di bili nwɔ̨n ɉu.

Maafîu 7:19

Yili ɓə gaa mą, hihɛn nwulu yii hva ɓa lɛlɛɛ ɓo, da dee di bili nwɔ̨n ɉu.

Markə 11:13

Ə ɓolaa wulu ta kaa kwɛa la, naa tɛlin ŋąą mą. Ə li ə ɉu kaa, akɛ a pɛli kɛ mą kaai ɉu. Kɛlaa, ɉəliɛ kɛa nwului tii ɓa, hvo mą kaa li ɉu, naa lɔ ɓə kɛ ŋą. Mąąhɔlɔɓo, mai lɔwai hvoli kɛ.

Markə 11:15

Di pənə di pa nwɔ̨nɔ̨ Ɉerusalɛmə daai, Jesus ə lɔ Yálá hee pɛlɛ́ mu; yɛ lɔwɔ́tɔɔ nuą da hɛnŋąą ya nuą kpɛ laa. Yɛ wali mąąhvalin nuą di wɔ taɓaliɠaa laa pɛlɛ, yɛ tonwələn nɔwɔtɔɔ nuą hee kpɛlinŋąą too.

Ɉaan 15:6

Nui a wala kanąn mą́ą́, da bili ɲɛnɛ̨ɛ̨, yɛ wulu wonwo a kulɔ mą, diɛ gɛ a kwɛi.

Piɛrə veelɛ 2:20

Akɛ nuąi ŋɛ̨i daa kulɔ yɛnɛ̨ɛ̨ nwɔ túwɔ́ pələ ɲɔ̨n ɉu, gu Ną́mu da gu Nwun mąąɓomun Jesus Kristə kɔ́lɔn ŋąą pɔ, da pənə da di kpɔɔ lɛɛ laa, di lɔ dúwɔ́ pələ ɲɔ̨n ti hu, ə hee di mɛ̨i nwɔ̨nɔ̨ a nįnɛ̨, di kɛ pələ a ɲɔ̨n ə tɛɛ dɔlɔɔ ɓa.

M̀ɛni-lɛɛi 22:11

Túwɔ́ pələ ɲɔ̨n gulɔmun, ə kɛ lɔ tuwɔ pələ ɲɔ̨n gulɔi, hvulumun, ə kɛ lɔ hvulu kɛi, mąąliɓimun ə kɛ lɔ mąąliɓi mɛ̨nį hu, kɛlɛɛ, tələnmomun ə kɛ lɔ nwɔ̨nɔ̨ tələnmo tuwɔ kɛi, ɛlɛɛ mąąhəɠəmun ə kɛ lɔ nwɔ̨nɔ̨ mąąhəɠə mɛ̨nį kɛi.»