Markə 10:32 - Yálá laawoo hɛɓɛ (dc)

³² Jesus da nwɔ kalan nɛai di kɛɛ kɛa bələ pɔ, diɛ tɛ Ɉerusalɛmə daai, ə kɛ hvilɛn ni di tɔwɔ. Di kɛi ɲɔ̨w kpɔ kɛnɛ̨, ə mą kɛ nuą tii kɛ di pulu diɛ kpɛli di kɛi ɲɔ̨w. Jesus ə pənə nwɔ̨nɔ̨ ə nwɔ kalan nɛa puow kɔ́w hveelɛ təli, mɛ̨nįɠaai kɛi pa həli mą, ə yiliɠaai hukulɔ diɛ.

Yálá laawoo hɛɓɛ

³² Jesus da nwɔ kalan nɛai di kɛɛ kɛa bələ pɔ, diɛ tɛ Ɉerusalɛmə daai, ə kɛ hvilɛn ni di tɔwɔ. Di kɛi ɲɔ̨w kpɔ kɛnɛ̨, ə mą kɛ nuą tii kɛ di pulu diɛ kpɛli di kɛi ɲɔ̨w. Jesus ə pənə nwɔ̨nɔ̨ ə nwɔ kalan nɛa puow kɔ́w hveelɛ təli, mɛ̨nįɠaai kɛi pa həli mą, ə yiliɠaai hukulɔ diɛ.

Bible

³² Nya ƃe dí kɛ̀ berei su, díkɛ li Zerusâlɛŋ, Zîsɛ kɛ́ sia dítuɛ dípɛlɛ púɔɔ. Diai kélee pîlaŋ bôlui dí kɛ̀ yaôi. È ŋɔpôlu-ƃela puu kao feerɛi sìɣe ŋɔ́nɔ, gɛ́ m̀ɛni-ŋai ƃo dîa, nyii pâi kɛ̂i lai.

Markə 10:32 Iomraidhean Croise

Zakari 3:8

«'Ə́ wəli tɔɔ Ɉosue, yɛ́i a ɉaláá laa həli mun gɛnɛ̨ɛ̨, yɛ́ ka ə́ ɓɛlaai heeni ə́ líílai; nuąi tii kaa a mɛ̨nį ta kɔlɔn ɉɛn; mąąhɔlɔɓo, gáá pai a nwɔ́ tímun, yii gaa yɛ wulu ɓɔn.

Maafîu 11:25

Nąąlɔwai, Jesus ə nwooɠaa ŋɛ̨i ɓo, yɛ diɛ: «Oo Ną́n Yálá, gáá ə́ hɛɠɛɛɓoi kpɔ kɛnɛ̨, yɛ́i ə́ kaa a yələkɔlɔn da lɔi di Nąmu. Gáá ə́ hɛɠɛɛɓoi, mąąhɔlɔɓo, yaa mɛ̨nį ŋɛ̨i loo kilimąą nuą diɛ da mɛ̨nį kɔ́lɔn nuą, yaa nɛ lɛapɛlɛɛɠaa diɛ.

Maafîu 13:11

Jesus ə di woo ŋąąpənə yɛ diɛ: «Ka wɛi, Yálá-taa tɔɔlaa hu mɛ̨nį kɔ́lɔnŋąąɠaa, yiiɠaai noɔ, kaa gɔlɔn, da kaa ɉɔlɔɓo, kɛlaa di wɛi di hvo nii ɉɔlɔɓo li.

Markə 1:27

Nuą tii kɛ laa, di kəlee di kwəi ə pili diɛ; diɛ di kee ni mąąni kɛ, diɛ kɛ mą: «Yii mukulaa ɓaa a lə? Yii kaa a kalan nįnɛ̨ yii huwalawala kaa ɉu. Ɉulɔnu ŋɛ̨i a haŋą ɲinɛ̨nŋąą diɛ, əlɛɛ, diɛ nwoo hon.»

Markə 4:34

Hvo kɛi mɛ̨nį ta ɓo diɛ kpɛli-kpɛli akɛ hvo hanwon ɉɔɔ li. Kɛlaa, da kɛ kɛa di tɔ̨nɔ̨ kɛɛnąą da nwɔ kalan nɛai, a gəlee mukulɔ diɛ.

Lukə 10:23

Ɓɛlɔwai di kɛ la di tɔ̨nɔ̨ kɛɛnąą, Jesus ə mo nwɔ kalan nɛai diɛ, yɛ diɛ: «Ka nwun na nɛ̨ɛ̨i, mɛ̨nį ka káá gaai mąą mɛ̨nį ɓa.

Lukə 19:28

Yii kɛa ə kpɛɛ a nwooɠaai tii ɓoɔ, ə tɛɛ di tɔwɔ yɛ tɛ Ɉerusalɛmə pələ.

Lukə 9:51

Ɓɛlɔwai Jesus ə kɛi pa həɠəi la lɔi mɛ̨i yɛ tɛ yələi, nąąlɔwai kɛɛ kɛa həli, ə niikpələ kpɔ, ə ɲɛ̨i walawala yɛ li Ɉerusalɛmə.

Ɉaan 11:16

Tomasə, naa ta lɔ ɓaa kɛ a Yonwąąmun, yɛ mɛlaa diɛ: «Ka gwə li gwa kalamɔ̨ɔ̨ ni, guɔ kpɛli ka gu haa.»

Ɉaan 11:8

Jesus nwɔ kalan nɛai di mo mą diɛ mą: «Mąąkwɛli kɛmun, ɉu hvo kwɛa li, Ɉuifəɠaa di kɛ bɔ di ə́ hɔɔ a kwɛni, ə́ haa; ya ɓə yɛ diɛ: Ə́ kaa pənəi ə́ li laa?»