Markə 10:27 - Yálá laawoo hɛɓɛ (dc)

²⁷ Jesus ə ŋɛ̨i hee diɛ, yɛ diɛ: «Mɛ̨nį nu yee hva pɛli mą, Yálá a pɛli gɛi. Yálá a pɛli mɛ̨nį kəlee kɛi.»

Yálá laawoo hɛɓɛ

²⁷ Jesus ə ŋɛ̨i hee diɛ, yɛ diɛ: «Mɛ̨nį nu yee hva pɛli mą, Yálá a pɛli gɛi. Yálá a pɛli mɛ̨nį kəlee kɛi.»

Bible

²⁷ Zîsɛ è díkàa kpɔ́ sĩ́i ǹyɛɛ dîai, “Bɔri fé núu mi, fɛ̂ɛ nɔ́ Ɣâla ǹyaa tɔnɔ. Mɛni kélee m̀aa pɔ̂ri káa mì.”

Markə 10:27 Iomraidhean Croise

Tɔɔɓɛlaa veelɛ 3:18

Yili hvo kpɛli pai kɛi Yai-Laa ɲɛ̨i ɓa a mɛ̨nį wala wala, kɛlaa, gaa nwɔ̨nɔ̨ pai Moabə lɔi ka yee ŋą.

Tɔɔɓɛlaa veelɛ 7:2

Tɔɔmun nwɔ ɓíítiɛ̨i yɛ Yálá nwɔ nui ɓa: «Ə mą kɛ Yálá aa yələkɔlɔn nwolo ɓɔ mą, mɛ̨nįi ŋɛ̨i ə́ mo, bɔ mɛ̨nį hva pɛli kɛi!» Elise yɛ mą: «A tɛ̨ą, ə́ kaa pai gaai a ə́ ɲɛ̨ikɔw, kɛlaa, hvá da mįi.»

Zôo 42:2

Gílí kaa ɉu gɛ́ yá pɛli mɛ̨nį kəlee ɓa, ɛlɛɛ mɛ̨nį ta lɔpee hva kɛ ə́ tɛɠii.

Ɉeremi 32:17

«Ée Yai-Laa nwɔ́ Yálá! Yɛ́ ɓə yələ kɔ́lɔn da lɔi di pɛli a ə́ wɔ yeewalawalaa, a ə́ yee kɔ̨nwɔ̨n ɉuwalawalaa, ə́ yee a pɛli mɛ̨nį kəlee ɓa.

Ɉeremi 32:27

«Ɲą́ą́ Yai-Laa, ɲą́ą́ ɓə hɛn gəlee pɛli, mɛ̨nį ta kaa mɔ̨ɔ̨ laa yii vá pɛli gɛi?

Zakari 8:6

Yai-Laa, Yai-Laa Mɛ̨nį Kəlee ŋą Hééɓomun woo ka, yɛ diɛ: Akɛ, nɔi lonnii yiiɠaai daa lɛɛ, da wala kɛ mɛ̨nįɠaai tii kaai a pɛli mɛ̨nį, ɲələ a pa həlii, a kɛ tii ɲą́ą́n gbɛli mąn, vá mɔ̨ɔ̨ gaa a mɛ̨nį a pɛli kɛi? Yai-Laa Mɛ̨nį Kəlee ŋą Hééɓomun woo li.

Maafîu 19:26

Jesus ə ɲɛ̨i hee diɛ yɛ diɛ: Yii gɛ la walaai nuą yəi, gɛ la hvo wala li Yálá yəi.

Markə 10:26

Yili ə galan nɛa di wɔ kwəi pili mąą ta pɛlɛ mą. Di di kee ni mąąni kɛ, diɛ kɛ diɛ: «Akɛti, gbɛɛ ɓə a pɛli ɓaloi?»

Lukə 1:37

Mąąhɔlɔɓo, mɛ̨nį ta hvo walawala li Yálá yəi.»

Lukə 18:27

Jesus ə di woo pulu pənə yɛ diɛ: «Yii gɛ laa walaa nu kanŋaa yəi, gɛ laa hvo wala li Yálá yəi.»

Filipə 3:21

yai pai, gɔlɔ mąąwɛliɛ ŋɛ̨i guɔ, mąą hvalin ɉii a kɔ́lɔ mąąwiai gɛ pələ ə ɓo yɛ nwɛi. A yili kɛ a nwɔ huwalawalai gaa pai heei la hɛn gəlee mɛ̨i.

Hebreu 11:19

Abrahamə ə kɛli kɛ gbɔwɔ ɓa; nu ə mą haa, Yálá a pɛli nwun ɉi; yili ɓə gɛ non ə pənə ə lɛɛ ɲəi, yɛ a nwun yɛ kulɔ haa yəi.

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.