Markə 10:21 - Yálá laawoo hɛɓɛ (dc)

²¹ Jesus ə ɲɛ̨i hee ɉulɔnu tii ɓa, mąąwɛli ə ɉon, yɛ mą: «Mɛ̨nį tɔ̨nɔ̨ lɔ ɓə aa lɛɛ yɛ́, yaa ɓaa: ə́ li ə́í yəi hɛnŋąą kəlee lɔwɔ́tɔɔ, ə́ nwali tɛɛ yeehvowolo nuą pɔ; ə́ pa ə́ hvilɛn gea búlú, akɛti, ya kɛ a hɛn gɔw nąmu Yálá-taa tɔɔlaa hu.»

Yálá laawoo hɛɓɛ

²¹ Jesus ə ɲɛ̨i hee ɉulɔnu tii ɓa, mąąwɛli ə ɉon, yɛ mą: «Mɛ̨nį tɔ̨nɔ̨ lɔ ɓə aa lɛɛ yɛ́, yaa ɓaa: ə́ li ə́í yəi hɛnŋąą kəlee lɔwɔ́tɔɔ, ə́ nwali tɛɛ yeehvowolo nuą pɔ; ə́ pa ə́ hvilɛn gea búlú, akɛti, ya kɛ a hɛn gɔw nąmu Yálá-taa tɔɔlaa hu.»

Bible

²¹ Zîsɛ è ŋ̀ɛi pìlaŋ mà a wɛli kɛ́-maa pere, ǹyɛɛ m̀ai, “Mɛni tɔnɔ ƃé a lɛɛ. Lí íyeêi sãai kélee kɔ́lɛ, zɛŋ yâ gula zui, dɛɛ gôlo-ƃelai pɔ́, gɛ̀ ní, laai-kɛ-sɛŋ a pâi kɛ̂i íyeêi Ɣâla-taa. Nyíŋí pôlu ma, pá í kɛ́ ḿbôlu.”

Markə 10:21 Iomraidhean Croise

Zɛnɛse 34:19

Ɉulɔnon tii hvo kpɛli kuu hee gɛ́nɛ̨ kɛ mɛ̨nį ɓa, mąąhɔlɔɓo, Ɉakɔbə lon nwɛli ə kɛ mą kpɔ kɛnɛ̨. Sisɛmə woo mąąwia kɛ nąn ɲəi bɛlɛ́n, nąn nonnii lɔwai.

Hanwon 23:23

Tɛ̨ą, kili, nwun gɛ ɉulaa da hutɔɔ, gwɛli; yɛ́ ɉɔlɔɓo, 'hvó nɔwɔtɔɔ.

Maafîu 16:24

Nąąlɔwai, Jesus ə mo nwɔ kalan nɛai diɛ, yɛ diɛ: «Nui gaa bɔ ə hvilɛn búlú, hvo kɛli ə lənə gbɔwɔ ɓa. Ə gbɔwɔ haa wulu həɠə ə hvilɛn búlú.

Maafîu 19:21

Jesus yɛ mą: «Akɛ ə́ kaa bɔ ə́ mąą mɛ̨nį laa ə hvɛɛ, li, Ɉɛnɉaai gaa ə́ yəi, ə́ gəlee lɔwɔ́tɔɔ, ə́ nwali ɉaa kwɛlɛ yeehowolo nuą diɛ. Yili pulu ə́ pa ə́ hvilɛn búlú. A kɛ tii ya kɛ a hɛn gɔw nąmu Yálá-taa tɔɔlaa hu.»

Markə 10:22

Yii kɛa ɉulɔnu tii ə nwoo tii mɛ̨n, ə ɲənąą yili, ə tɛɛ yɛ li. Mąąhɔlɔɓo, hɛn gɔw kɛnɛ̨ ə kɛ ɲəi.

Markə 8:34

Jesus ə nu kpului tii ŋąąkpɔn da nwɔ kalan nɛai, yɛ diɛ: «Nui gaa bɔ ə hvilɛn búlú, hvo kɛli ə gbɔwɔ haa wulu həɠə ə hvilɛn na búlú.

Lukə 10:42

Kɛlaa mɛ̨nį yii viɛlaɓoɔ, ya ka ŋɛ̨i Mari aa ɉəɠə ɉu, nu ta hva pɛli yili kulɔi ɲəi.»

Lukə 12:33

Ka ka yəi hɛnŋąą lɔwɔ́tɔɔ, ka nwali ŋąąkwɛlɛ yee hvowolo nuą diɛ. Ka hɛn gɔw pu ɓíi kwɛli yii nwolo hva tee mą. Ka ka wɔ hɛn gɔw laaikɛ yələkɔlɔn ɉu, ɓɛi hɛn da hva pili laa; nwuɔ̨mun hva həli mą, ɛlɛɛ, kolo hva pu ɉu.

Lukə 16:9

Jesus ə mo, yɛ diɛ: «Gáá moi kaa, ka ɓɛlan naa kwɛli kaa, a ɲɛnɛ̨ɛ̨ ŋɛ̨i hu hɛn gɔw, ya ɓə a gɛ, ɓɛlɔwai hɛn və la ka yəi, ka ɓɛlaa tii, di di ɲee hee la ka mu, bɛlɛi hva kala mu.

Lukə 18:22

Yii kɛa Jesus ə nwoo tii mɛ̨n, ə mo mą, yɛ mą: «Mɛ̨nį tɔ̨nɔ̨ kaa laa yii mąąnɛ̨ɛ̨ ə́ gɛ, ya ɓaa: Li, ə́ ə́ yəi hɛnŋąa kəlee lɔwɔ́tɔɔ, ə́ nwali ŋąąkwɛlɛ yeehvowolo nuą diɛ. A kɛ tii, ya kɛ a hɛn gɔw nąmu Yálá-taa. Yili pulu, pa ə́ hvilɛn búlú.»

Lukə 19:41

Jesus ə lɛɠɛɛ kɛa Ɉerusalɛmə taa ɓa, ə ɲɛ̨i hee daa ɓa, ə wɔlɔ, yɛ mą:

Lukə 9:23

Yili pulu, Jesus ə mo nu kpului tii kɛ nąą diɛ, yɛ diɛ: «Akɛ nu ta kaa bɔ ə hvilɛn bului, hvo kɛ li mąą nu ə lənə gbɔwɔ ɓa, ə ɉaa wulu həɠə a hvóló kəlee ə hvilɛn búlú.

Ɉaan 12:26

Nui a kɛ ə tí mą́ą́, ə hvilɛn búlú. Ɓɛi gáá laa, nąą ɓə nwɔ́ tímun gaa laa. Ɛlɛɛ, nui a tí mą́ą́, Ną́n a mąąwiɛ.

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Gɛlaɠaa 2:45

Di kɛi di yəi hɛnŋąa lɔwɔ́tɔɔ, diɛ nwali ɲąąkwɛlɛ di kee lɔwai, yɛ pələi di mąą kpaanŋąa di kɛ la.

Korɛntə veelɛ 12:15

Ɲą́ą́ nwɛ́i, ŋą́ pɛli mą ŋą́ gbɔ́wɔ́ kwɛlɛ, ɛlɛɛ, gáá pai gbɔ́wɔ́ kwɛlɛi kpɔ tɛ̨ɛ̨tɛ̨ɛ̨? Ká mąą mɛ̨nį ɓa. Ŋą́ kɛli ká wɛlilakɛ tii, yili hva mɔ̨ɔ̨ nwɛ́li too kaa?

Timote veelɛ 3:12

Ɛlɛɛ mun, nuąi da di wɔ yɛnɛ̨ɛ̨ Yálá yee kɔnmą Jesus Kristə hu, diɛ ɓə da di laanɔ̨nwɔ̨ɓo.

Hebreu 10:34

Nuąi kɛ gaho ŋą, kaa di mąą lii hɛlɛn ɉee, diɛ ká kwɛlinŋaa kulɔ ká yəi, ká kwəinɛ̨ɛ̨. Mąąhɔlɔɓo, ká gili gɔlɔn káá: Hɛn gɔw ta kaa ká yəi, viɛlaɓoɔ, kpɛɛ hvo mą.

Zĩi 2:10

Yaan, nu a dɔ́n ɉu woo kəlee pɔ túwɔ́ ɓo, ə tɔ̨nɔ̨ kala, a kɛ ti aa gəlee kala.

M̀ɛni-lɛɛi 2:14

Kɛlaa, ə mą kɛ tii, ə́ hɔn da wolaa kaa laa, gɛ́ ŋį́ nɛ yɛ́, ya ɓaa: nu taɠaa kaa ə́ pɔɔli, di yee kąnąnŋąą Balaamə ŋą kalan bələi ɓa, yai Balakə liɛwoo kɛ, yili ə hɛlɛn dɛ Israɛlə lonnii tɔwɔ, diɛ haláá huwɔ mįi, ɛlɛɛ, diɛ di kpɔwɔ mąąliɓi la di wɔɔ Yálái ɲɛ̨i ɓa.

M̀ɛni-lɛɛi 2:20

Kɛlaa, ə́ hɔn da kaa laa, ya ɓaa, yá kɛ Ɉezabɛlə mąąwɛli kaai, a nɛ̨ɛ̨nui tii a kɛ gbɔwɔ kɛi a Yálá kwəi mɛ̨nį hukulɔ mun, ɛlɛɛ, yɛ nwɔ́ tínuą nwun ɉu lan, yɛ di mąąkwɛli a wɛlikɛɛ, ɛlɛɛ, da haláá huwu mįi.

M̀ɛni-lɛɛi 2:4

Kɛlaa, gwə́i hvo nɛ̨ɛ̨ li ə́ pɔ, nwɛlikɛmąą laa tɔlɔɔ kɛ ə́ yəi, yáá nɛɛ laa.