Markə 10:2 - Yálá laawoo hɛɓɛ (dc)

² Farisiɛ̨ taɠaa di lɛɠɛ mą, əgɛ, di ɉon vaa woo hu. Di mąąni kɛ, diɛ mą: «Akɛti, gu wɔ tɔ́n a pɛli hvaai mą, nu ə nɛ̨ą kpɛ?»

Yálá laawoo hɛɓɛ

² Farisiɛ̨ taɠaa di lɛɠɛ mą, əgɛ, di ɉon vaa woo hu. Di mąąni kɛ, diɛ mą: «Akɛti, gu wɔ tɔ́n a pɛli hvaai mą, nu ə nɛ̨ą kpɛ?»

Bible

² Faresii-ŋa dí pà bɔ́ a gɛ́ɛ dí zu kɔɔ̂ŋ. Dí m̀arê kɛ̀, dîyɛɛ mai, “Gáa dɔ̂ŋ lá-wooi ma a gɛ́ɛ núu é ŋɔnɛnîi lɛ́ɛ?”

Markə 10:2 Iomraidhean Croise

Malasi 2:16

Mąąhɔlɔɓo, ɲą́ą́ Yai-Laa Mɛ̨nį Kəlee ŋą Hééɓomun, Israɛlə nwɔ Yálá, gɛ́ diɛ, nui a nɛ̨ą kpɛ, mąą nu wɛli kpɛɛi mą́ą́ tɛ-tɛ, yɛ pələi nwąnąlɔ mun nwɛli kpɛɛi la mą́ą́. Ka gɛ a nɛlɛɛ, mįnɛ̨i ká ɉəɠə, ká hvo gala.

Maafîu 15:12

Jesus nwɔ kalan nɛai di lɛɠɛ mą diɛ mą: «Ə́ gɔlɔn yɛ diɛ mɛ̨nįɠaa ŋɛ̨i ə́ mo Farisiɛ̨ɠaa, diɛ aa kɛ yɛ kwɛi kɔ́wɔ a kpəɲan di tɔwɔ?»

Maafîu 16:1

Farisiɛ̨ɠaa da Sadusiɛ̨ɠaa di pa ə gɛ, di Jesus hon nwoo hu. Di mo mą diɛ mą: «Mɛ̨nį ta kɛ, yii kwa gaa kuɔ ə́ wɔ huwalawalai ə həɠə Yálá pɔ.»

Maafîu 19:3

Farisiɛ̨ taɠaa di kɛ laa di kɛ bɔ di Jesus hon nwoo hu. Di pa diɛ mą: «Akɛti, gu wɔ tɔ́n a hvaa mą nu ə nɛ̨ą kpɛ hɔn nɔpee gəlee mąą mɛ̨nį ɓa?»

Maafîu 22:35

Tɔ́n vili nąmu tɔ̨nɔ̨ ə kɛ bɔ ə ɉon vaa woo hu, ə mo mą yɛ mą:

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Maafîu 9:34

Kɛlaa, Farisiɛ̨ɠaa di mo diɛ kɛ: «Ɲįnɛ̨nŋąą di nwun nąmu nwɔ huwalawala háálai ɓə gaa ɲį́nɛ̨nŋąa kpɛi la.»

Markə 10:1

Jesus ə həɠə kɛa laa ə li Ɉude lɔi hu. Ə pənə nwɔ̨nɔ̨ ə Ɉurdɛn yá teen ə li bulu pələ. Nu kpulu kɛnɛ̨ ə pənə ə ŋąąkpɔn gwɛlɛ, yɛ di kalan yɛ pələi ə kɛi gɛ la a bɔlɔ.

Markə 10:3

Jesus ə di woo pulu pənə a kɛɛ mąąlən, yɛ diɛ: «Tɔ́n nə kɛɛ ɓə Moisə ə dɛɛ ka pɔ?»

Markə 8:11

Farisiɛ̨ɠaa di pa da Jesus ni diɛ hɛa too, di kɛ bɔ di Jesus hon nwoo hu. Di mo Jesus ɓa diɛ mą: «Kpalo mɛ̨nį ta kɛ yii kwa gaa ku laa na kuɔ ə́ wɔ huwalawala a həɠə Yálá pɔ.»

Markə 8:15

Jesus ə di liɛwoo ɓo yɛ diɛ: «'Ka gɛ a nɛlɛɛ: ka ka kpɔɔ mɛ̨i kaa Farisiɛ̨ɠaa da Herodə ni di wɔ lɛɠɛ tɛ hɛn mąą mɛ̨nį ɓa.»

Lukə 11:39

Ną́mu ə mo kɛa mą, yɛ mą: «Kaa ŋɛ̨i a Farisiɛ̨ɠaa, bələi ka káá la, bələ ka: kpələkɔwɔ da gəgən, ka di pulu waa a nɛlɛɛ. Kɛlaa, ka hu pələ laahvɛɛ a: nwuɔ̨ da lii ɲɔ̨n gwəi laa.

Lukə 16:14

Yii kɛa Farisiɛ̨ɠaa di nwoo tii mɛ̨n, di kɛi yɛlɛ Jesus ɓa, mąąhɔlɔɓo, wali wɛli ə kɛ diɛ.

Lukə 5:30

Farisiɛ̨ɠaa da tɔ́n galamɔ̨ɔ̨ɠaa, di piliɛ kɛ di kee mɛ̨i kɛɛnąą tɔ̨nɔ̨ ɓa. Jesus kaa tii di mo da nuą tii di heɛɛ kɛɛnąą tɔ̨nɔ̨, yili hvo nɛɛ diɛ. Di mo Jesus nwɔ kalan nɛai diɛ, diɛ diɛ: «Lə mɛ̨nį ɓa ka ka kalamɔ̨ɔ̨ ni, ka káá kɔ̨nɔ̨n mįi kɛɛnąą tɔ̨nɔ̨ ka nįįhɔ̨nwɔ̨ kulɔ nuą, ə mą kɛ túwɔ́ pələ ɲɔ̨n gɛ nuą?»

Lukə 6:7

Tɔ́n galamɔ̨ɔ̨ɠaa da Farisiɛ̨ɠaa di ɲɛ̨i heɛ kɛ Jesus ɓa diɛ kɛ mą: «Akɛti gaa mɔ̨ɔ̨ pai nui ŋɛ̨i kɔ́lɔi ponoi a vįitɔɔ yələ?» Mąąhɔlɔɓo, di kɛi Jesus hɔn gwɛli mą.

Lukə 7:30

Kɛlaa, Farisiɛ̨ɠaa, da tɔ́n galamɔ̨ɔ̨ɠaa, yii Yálá ə kɛ bɔ di gɛ, di hvo yili kɛ, ya ɓə gɛ, di hvo hvaa mą Ɉaan hvo di mąąwaa.

Ɉaan 11:47

Nąąlɔwai, haláá laa həli nuą kpɛa-kpɛa da Farisiɛ̨ɠaa di tɔ́n vili nąmįną ŋąąkpɔn, diɛ diɛ: «Ɉulɔnui ŋɛ̨i kaa kpalo mɛ̨nį tamąą kɛi, lə mɛ̨nį ɓə ka gu kaa gɛi ɉu?

Ɉaan 11:57

Yaan, haláá laa həli nuą kpɛa-kpɛa da Farisiɛ̨ɠaa di mo nuą diɛ, diɛ kɛ diɛ: ɓɛi lɔpee ka Jesus kaa laa, ka mo di Ɉon.

Ɉaan 7:32

Nuą tii lɛɛ Jesus laa ɓoi a loo mɛ̨nį di kee lɔwai, Farisiɛ̨ɠaa di mɛ̨n. Haláá laa həli nuą kpɛa-kpɛa da Farisiɛ̨ɠaa di holahiɠaa tɔɔ, ɉon.

Ɉaan 7:48

Galanɉonŋąą a wala kɛ tii Farisiɛ̨ɠaa lɔwai, nu tɔ̨nɔ̨ kpɛli aa mɔ̨ɔ̨ laa na?

Ɉaan 8:6

Nuąi tii kɛi yili kɛi, di kɛ bɔ di Jesus hon vaa woo hu; əgɛ; di mąą ɲąba lɔ. Kɛlaa, Jesus ə nwun vilɛn, yɛ hɛɓɛ́ pɛ̨ɛ̨ nɔi ɓa a ɲeekpiɛ.

Korɛntə dɔlɔɔ 10:9

'Ka gu hvo gu Ną́mu ɲąąhɛn, yɛ pələi daɠaa di gɛ la, diɛn, kaalə ə gəlee nwun na pili.