Markə 1:32 - Yálá laawoo hɛɓɛ (dc)

³² Yələ wulii pɔ, hvóló kɔ́w toɔ pulu, di pa a ɲɔ̨n gɛ nuą tamąą Jesus pɔ, ə mą kɛ yiiɠaai ɲį́nɛ̨n ə kɛ di pulu.

Yálá laawoo hɛɓɛ

³² Yələ wulii pɔ, hvóló kɔ́w toɔ pulu, di pa a ɲɔ̨n gɛ nuą tamąą Jesus pɔ, ə mą kɛ yiiɠaai ɲį́nɛ̨n ə kɛ di pulu.

Bible

³² Vólo-káoi kɛ́ɛ a yèŋ a maa ɣele-wulii ti, dí pà a gɔlɔ fela-ƃela támaa Zîsɛ pɔ́ naa da diai nyînaŋ nyɔ́mɔɔ-ŋa díkɛ̀ dípôlui.

Markə 1:32 Iomraidhean Croise

Maafîu 4:24

Mąą tin ə too Siri lɔi hu nąą kəlee, diɛ pa bɔ a ɲɔ̨n ɉuwu lɔpee gəlee kɛ nuą, yɛ di kɔ́lɔi pono. Yiiɠaai ɲį́nɛ̨n ə kɛ di pulu, ə mą kɛ, hvɛli-hvɛli ɲɔ̨n gɛ nuą, da kpɛɠi ɲɔ̨n gɛ nuą, ə mą kɛ, kpɛlɛɠɛlɛn ɲɔ̨n gɛ nuą.

Maafîu 8:16

Yələ wulii həliɛ, di pa a ɲį́nɛ̨n ɲɔ̨n gɛ nuą tamąą Jesus pɔ. Ə kɛi ɲį́nɛ̨nŋaa tii kpɛ nuą tii pulu a nwoo, yɛ ɲɔ̨n ɉuwu kəlee kɛ nuą kɔ́lɔi pono.

Maafîu 8:17

Yili ə kɛ tii, ə gɛ, mɛ̨nį Yálá kwəi mɛ̨nį hukulɔ mun Esai ə mo mąą ə hvɛɛ, yai ə kɛ mą: «Yaa ɓə ku kpɛɠiɠaa həɠə kuɔ, ə ku wɔ ɲɔ̨nŋąai həɠə a nwuɔ̨ tiɛ̨.»

Markə 1:21

Jesus da nwɔ kalan nɛai də li Kafarnaumə daai, ə kɛ a hvįitɔɔ yələ ta. Jesus ə lɔ di wɔ Yálá hvɛli pɛlɛ́ mu, yɛ nuą mąąkwɛli.

Markə 1:31

Ə lɛɠɛ nɛ̨ɛ̨nu tii ɓa ə ɉon a ɲee; ə muhəɠə. Gɔlɔ kələn mąą tii ə kpɛɛ. Nɛ̨ɛ̨nu tii ə muhəɠə, ə di kɔ̨nɔ̨n gɛ.

Markə 3:2

Nuą tii kɛ laa di ŋɛ̨i heei kɛ Jesus ɓa, diɛ kɛ diɛ: kɛ gaa pai hulɔnu tii kɔ́lɔi ponoi a vįitɔɔ yələ! Mąąhɔlɔɓo, di kɛ bɔ di mąą ɲąba lɔ.

Lukə 4:40

Hvóló kɔ́w toɔ pulu, nuąi kpɔ ɲɔ̨n gɛ nuą di kɛ di yəi, di kɛi pa a diɛ Jesus pɔ, Jesus ə kɛi ɲee laa di mɛ̨i, di kɔ́lɔi yɛ pono.

Lukə 4:41

Ɲįnɛ̨nŋaa di kɛi həɠə ɲɔ̨n gɛ nuą tii taɠaa pulu, diɛ tómą, diɛ kɛ mą: «Ə́ kaa a Yálá Lon!» Kɛlaa, Jesus Kristə ə kɛi haŋą diɛ, yɛ kɛ diɛ: «Ka hvo hvaa!» Mąąhɔlɔɓo, di kɛ gɔlɔn diɛ: Jesus kaa a Nwun mąąɓomun Yálá ə naakwɛlanmo.