Markə 1:21 - Yálá laawoo hɛɓɛ (dc)

²¹ Jesus da nwɔ kalan nɛai də li Kafarnaumə daai, ə kɛ a hvįitɔɔ yələ ta. Jesus ə lɔ di wɔ Yálá hvɛli pɛlɛ́ mu, yɛ nuą mąąkwɛli.

Yálá laawoo hɛɓɛ

²¹ Jesus da nwɔ kalan nɛai də li Kafarnaumə daai, ə kɛ a hvįitɔɔ yələ ta. Jesus ə lɔ di wɔ Yálá hvɛli pɛlɛ́ mu, yɛ nuą mąąkwɛli.

Bible

²¹ Nya ƃe Zîsɛ da ŋɔpôlu-ƃelai dí lì Kapɔ̂nia. Bôlu ma ɣelei è a kɛ̀ Vii-tɔɔ-ɣelei. Zîsɛ è lì Zûu-ŋai díkoyâŋ too kwaai ma é pɛ́lɛ sɛŋ lɛ̂i naa ǹûai dîa.

Markə 1:21 Iomraidhean Croise

Maafîu 4:13

Hvo lɛɛ Nazarɛtə daai; kɛlaa, ə li ə hee Kafarnaumə daai, taa yii kɛ Galile bówa kwɛlɛ. Ɓɛi kɛ a Zabulɔn nu huwu da Nɛftali huwuhu nuą di wɔ lɔi.

Maafîu 4:23

Jesus ə li Galile lɔi hu nąą kəlee, yɛ nuą kalan, di wɔ Yálá hvɛli pɛlɛ́ɠaa mu. Yɛ Yálá-taa tɔɔlaa mąą wɛlɛɛ lɛlɛɛ laa həli, yɛ ɲɔ̨n ɉuwu kəlee kɛ nuą kɔ́lɔi pono, ə mą kɛ yiiɠaai kpɛɠi ə kɛ diɛ, nuą lɔwai.

Markə 1:20

Ə di kaa lɔ, ɲąąɓa, ə di təli. Di di nąn Zebede lɛɛ neeni gələn ɉu da goló kɛ nuą, di hvilɛn Jesus pulu.

Markə 1:29

Jesus kulaa Yálá hvɛli pɛlɛ́ mu, Ɉakə da Ɉaan di lɛɛ bulu da diɛni diɛ li Simɔn da Andre ni yei bɛlɛ́n.

Markə 1:33

Daa tii hu nuą kəlee di di ŋąąkpɔn bɛlɛ́ laaləi.

Markə 1:39

Ə Galile lɔi hu hiɛ nąą kəlee, yɛ nuą mąąkwɛli di wɔ Yálá hvɛli pɛlɛ́ɠaa mu, ɛlɛɛ, yɛ ɲinɛ̨nŋąą kpɛ.

Markə 10:1

Jesus ə həɠə kɛa laa ə li Ɉude lɔi hu. Ə pənə nwɔ̨nɔ̨ ə Ɉurdɛn yá teen ə li bulu pələ. Nu kpulu kɛnɛ̨ ə pənə ə ŋąąkpɔn gwɛlɛ, yɛ di kalan yɛ pələi ə kɛi gɛ la a bɔlɔ.

Markə 2:1

Hvóló tamąą tɛɛ pulu, Jesus ə pənə ə pa Kafarnaumə daai, nuą di mɛ̨n diɛ gaa bɛlɛ́n,

Markə 3:1

Jesus ə pənə nwɔ̨nɔ̨ ə li Yálá hvɛli pɛlɛ́ ta mu, hulɔnu ta ə kɛ laa ɲee kpalaa mą.

Markə 6:2

Hvįįtɔɔ yələ, ə kɛi nuą mąąkwɛli di wɔ Yálá hvɛli pɛlɛ́ mu. Nuą tii kɛi nwoo mɛ̨n, di kwəi ə pili diɛ; diɛ kɛ diɛ: «Akɛti, mįnɛ̨ ɓə ə həɠə laa a yii mąą mɛ̨nįɠaa ŋɛ̨i? Ə mɛ̨nį kɔ́lɔn ŋąą ŋɛ̨i hɔlɔɓo ləi? Mį ɓə ə həɠə laa a gbalo mɛ̨nįɠaa kɛɛ ŋɛ̨i?

Lukə 10:15

Kafarnaumə taa, yaa kpɛli, gaa ə́ kwəi di kaa pai ə́ mąątɛ̨nɛ̨i mɔ̨ɔ̨, di ə́ tɛ yələi? Kpaa-o! Di kaa pai ə́ ɲɛ̨i hvalai, ə́ yɛɛ ŋąmua taa.»

Lukə 13:10

Hvįįtɔɔ yələ ta, Jesus ə kɛi nuą mąąkwɛli Yálá hvɛli pɛlɛ́ ta mu.

Lukə 4:16

Jesus ə li Nazarɛtə daai ɓɛi ə nokolo laa kɛ laa. Hvįįtɔɔ yələ ta ə lɔ di wɔ Yálá hvɛli pɛlɛ́ mu, di Yálá laawoo hɛɓɛ́ həɠə di dɛɛ bɔ, ə muhəɠə ə tɔɔ, ɉɛɓɛ́ ɓo mɛ̨nį ɓa.

Lukə 4:23

Jesus ə mo diɛ, yɛ diɛ: «A tɛ̨ą, ka káá pai ɉanwon ŋɛ̨i hɔɔi mą́ą́ mɛ̨nį hu, kaa kɛ mą: ‹Yɔwɔtɔlɔ, ə́ kpɔɔ hali kɛ yɛ́ kpinįi.› Ka káá nwɔ̨nɔ̨ pai kɛi mą́ą́: ‹mɛ̨niɠaai ə́ gɛ Kafarnaumə daai, kwaa yiliɠaai kəlee bələ mɛ̨n, yili ɲɔ̨nwɔ̨mąn gɛ tii ə́ kpɔ-kpɔɔ taa ŋɛ̨i hu ɓɛ.›»

Gɛlaɠaa 17:2

Yɛ bələi Polə a gɛ la a bɔlɔ, ə li ə Ɉuifəɠaa kaa di wɔ Yálá hvɛli pɛlɛ́ mu. Hvįįtɔɔ yələ haaɓa yee mu, lɔ ti gee la, ə kɛli pələ ɓo diɛ, yɛ kulɔ Yálá lawoo hɛɓɛ́ hu.

Gɛlaɠaa 18:4

Hvįįtɔɔ yələ həli pələ tɛitɛi, Polə ɓə pələ ə kɛ na Yálá hvɛli pɛlɛ́ mu; yɛ tɔɔ a nwąnąi, yɛ, Ɉuifəɠaa da Grɛkəɠaa di kiliŋą pono pələ kwɛli.