Malasi 2:3 - Yálá laawoo hɛɓɛ (dc)

³ Yii hu, gáá mą́ą́pamąi ka huwu hu nuą diɛ. Yii ɓaa ka wɛi, daatɛlɛɛɠaai kpɔ kaa gələn ka wɔ hɛli pu pələ tɛitɛi kəlee hu, gáá pai nuwui tii kəlee taɠai ka ɲɛ̨ilaai, di ka diɛni ka kələn.

Yálá laawoo hɛɓɛ

³ Yii hu, gáá mą́ą́pamąi ka huwu hu nuą diɛ. Yii ɓaa ka wɛi, daatɛlɛɛɠaai kpɔ kaa gələn ka wɔ hɛli pu pələ tɛitɛi kəlee hu, gáá pai nuwui tii kəlee taɠai ka ɲɛ̨ilaai, di ka diɛni ka kələn.

Bible

³ Ŋa pâi kálônii kula-maa kɛ̂i ŋá zua-ŋai kpó sía káŋɛi ka díkula ḿâ a sâlai. Ŋa pâi kákulâi ŋɛ́i.

Malasi 2:3 Iomraidhean Croise

Tɔɔɓɛlaa dɔlɔɔ 14:10

Yili mąą mɛ̨nį ɓa, gáá hinąą kpɛɛi Ɉeroboamə yəi bɛlɛ́n, yɛi kɛ a luwɔ a wala kɛ tii lɛɛ gbɔwɔ ɓa mun ɓɛ Israɛlə lɔi hu. Gáá pai Ɉeroboamə yəi bɛlɛ́n nonnii kələi yə bələi da kala kələ la.

Zôo 20:7

Gaa pai kpɛɛi lɔ yɛ nwɔ hįį pulu, ɲali bulu hva kɛ mą. Nuąi kɛi gaa, diɛ kɛ diɛ: «A kɛ ti gaa kɛa mi?»

Mąątɛ̨nɛ̨ 47:5

Ə ku kwɛlin nɔi kulɔ ɉu a dee, niiɓamun Ɉakɔbə ɲɛ̨i pɔ̨nɔ̨ mɛ̨nį li.

Mąątɛ̨nɛ̨ 83:10

'Di hon yɛ bələi ə́ Madian hon na, yɛ Sisera da Yavin, Kisɔn yá huluun ɉii.

Lɛɛ gbɔwɔ ɓa 29:14

Kɛlaa nįŋɛ̨ huwɔ nwɛi, gɔlɔ, da gbo, ya di kələn daa pulu a nɛ̨ŋɛ̨n mąąhvaalɛɛ haláá.

Ɉeremi 8:2

Di kaa pai gəlee huhiɛi hvóló mu, di ɉuhiɛ ɲąnin voló ɓa, da yələkɔlɔn ɉu hɛnŋaa kəlee ɲɛ̨i ɓa. Ɉɛnŋaa tii ɓə di wɛli ə́ kɛ diɛ, diɛ di mąąwiɛ; diɛ kwɛli hvilɛn diɛ, diɛ di nwun dɔɔ a diɛ. Di kɔ́wɠaa da lɛɛ a ɉu taɠaa, di hva pənə di hvo di loo a nįnɛ̨. Da lɛɛ nɔi mɛ̨i yɛ tulun bɔlɔ.

Zooɛ 1:10

Daa ɲɛɛ kɔ́ɠɔi hɛnŋąą kəlee mį́i kpɔ kpun, nɔi aa lɛɛ a gboloon. Gbalai ə tɔɔ, daa mɔ̨nun gəlee mį́i, lɔɔ hvo kɛa hɔlɔɓoi, nwulɔ nįnɛ̨ɠaa kəlee daa kpɛɛ.

Zooɛ 1:17

Ɉihɛn ɉuwui gu bili, yɛ kpala bɔlɔ mu. Mɔ̨nun aa kpɛɛ, gələɠaa daa lɛɛ a di hvowolo, gələɠaa daa pu.

Levetekɔ 26:16

mɛ̨nįi gáá pai gɛi ya ka: Gáá pai kpolo ɲɔ̨n da kwɛlɛ ɲɔ̨n ɉee ka hu, diɛ ka kwəi pili kaa, diɛ ka ɲɛ̨i lon ɉu haa, diɛ ka wɔ yɛnɛ̨ɛ̨ hu kpuɔ. Ka káá lɔ pai kɛi tíi kɛi kpɛli kpɛli, ka yowoɠaa ɓə pai kɛi ma mįi.

Nahumə 3:6

Gáá pai kala kpɛŋɛ̨n ɉi ə́ mɛ̨i, gɛ́ ə́ ɲɛ̨i paa la tii, diɛ nu takpɛliɠaa kɛ pələ kɔ́ɔn ə́ kɛ pələ ɓa.

Malasi 2:9

Yili ɓa, ɲą́ą́ gbɛli, gáá Israɛlə nuą lii muhəɠə, ə gɛ, di ka ɓɛlɛkpɛɛ kaa, di ɓáá kulɔ káá, di ka hviiɓo. Mąąhɔlɔɓo, ka hvo nííɓa pɔ, ɛlɛɛ, káá mɛ̨nį hutɔɔ a ɲɛ̨ikɔlɔn.

Lukə 14:35

Hvo kɛa a pɔlɔ lɛlɛ hɛn, hvo nwɔ̨nɔ̨ a tulun bɔlɔ; bili lɔ ɓə da mo. Nui mɛ̨nį mɛ̨n nwəli kaa mą, ə mɛ̨n a nɛlɛɛ.»

Korɛntə dɔlɔɔ 4:13

Da ku laa kala, kuɔ di liilaa, gwa mo kpɔ tii, ku kaa kpɔ háá ɓa háá, a hɛn da bili túlún ŋą, yɛnɛ̨ɛ̨ nu kan gəlee ɲɛ̨i ɓa.

Dutɛrɔnome 28:38

Ka tíi kɛnɛ̨ kɛ, ká dee tiikpə. Mąąhɔlɔɓo, peeləɠaa da gəlee mįi.