Malasi 1:3 - Yálá laawoo hɛɓɛ (dc)

³ ɛlɛɛ, ɲee ɓa lɔiɠaa ŋɛ̨i Edɔmə nuą kaa heeni ɉu, ŋą́ di kpɛ laa, kilitɔɔmąą hvo kɛa laa, ŋą́ą́ di wɔ lɔi kwɛlɛ nɔi pun ɉu lɔwɔ-yilɛɠaa diɛ.

Yálá laawoo hɛɓɛ

³ ɛlɛɛ, ɲee ɓa lɔiɠaa ŋɛ̨i Edɔmə nuą kaa heeni ɉu, ŋą́ di kpɛ laa, kilitɔɔmąą hvo kɛa laa, ŋą́ą́ di wɔ lɔi kwɛlɛ nɔi pun ɉu lɔwɔ-yilɛɠaa diɛ.

Bible

³ ǹyaŋ ŋá Isɔɔ kpɔ̀ara da ŋɔkáayɔɔ-ŋai. Ŋá ŋɔkɔni-yee lɔii su kàra ŋá dɛɛ lɔɔ sûa-ŋa pɔ́.”

Malasi 1:3 Iomraidhean Croise

Zɛnɛse 25:23

Yai-Laa yɛ mą: «Hį́i hveelɛ ka tii ə́ kwəi, nu huwu hveelɛ ka tii gɔi a di kee, ɉuwu hveelɛi tii di kaa pai di ɓɛlaɓoi. Ə́ laa yɛɛi lɔwai, dɔ̨nɔ̨ kaa pai kɛi a ɲee walawalaa dɛɛ mɛlan ma. Nu pɔlɔ laamun gaa pai kɛi nokolo laamun ɲee mu.»

Azaya 35:7

Powa yɛ hee ɓɛi kɛ nąą kpalaa kpɔ kən kən, yánwun ɲɛ kulɔ ɓɛi kɛ a kpələ wɛli lɔi, ɓɛi kɛ a kwɛni lɔi, mąą kaa pai pənəi a wɛla lɔi.

Ɉeremi 49:10

Ɲą́ą́ gbinįi ɓə pai Esau kpuwulu ɓoi, nwɔ hɛn gɔwɠaai aa di loo, gɛ́ di kulɔ di loo pələi. Hva pɛli nooi. Ɉuwuhu, gaayɔwɔɠaa, gwɛlɛ nuą, da gəlee hukala. Ɛlɛɛ, nu hva hɔlɔɓo, yɛ kɛ mą:

Ɉeremi 49:20

Mɛ̨nį ɲɔ̨nwɔ̨ɔ̨, Yai-Laa aa mąą kili tee gwəi, yɛ hvilɛn na Edɔmə ɓa, ka ka wəli tɔɔ mą; mɛ̨nįɠaa gaa bɔ ə naa Téman nuą diɛ, daatɛlɛɛ kpulu lɔwai, ə mą kɛ, yiiɠaa di hviikpɛɛ, di kaa pai kɛi di yalai. Di mąą mɛ̨nį ɓa, gaa pai di wɔ lɔi huwoloi. Yili hva ɉəɠə mą.

Ɉeremi 49:33

Hasɔrə aa lɛɛ a yalaɠaa pɛlɛi, aa lɛɛ a lɔi pun a yələ kəlee mɛ̨nį. Nu ta hva kɛa hee laa. Nu ta hva kɛa daa tɔɔ laa.»

Ɉeremi 49:7

Mɛ̨nįi Yai-Laa Mɛ̨nį Kəlee ŋą Hééɓomun kaa moi yɛ hvilɛn na Edɔmə ɓa, ya ka; yɛ mą: «Mɛ̨nį kɔ́lɔn nuą di hvo mɔ̨ɔ̨ kɛa Teman? Kili hvo kɛa mɔ̨ɔ̨ gilimąą nuą diɛ, di wɔ mɛ̨nį kɔ́lɔn gili aa mɔ̨ɔ̨ kala?

Ɉeremi 49:8

'Ka pu, ka yali ka pulu, 'Ka ka loo gwɛni woloɠaa hu. Dedan nuą, Esau hukala mɛ̨nį ka tii gáá pai la. Gwəlamoi lɔwai aa həli.

Ɉeremi 51:37

Babilonə kaa pai lɛɛi a kwɛni hįį, a yalaɠaa pɛlɛi, a lɔi pun, yii nu a gaa, hvo kɛli a kɛ: «Éé kə́!» Ŋą́ ɉu nuą kulɔ laa.

Ɉeremi 9:11

Gbɛɛ ɓə kilí kaa mą, yɛ pɛli mɛ̨nį kpaɠaa la kaai, ə lɛɛ nwoo Yai-Laa a nɛ mą, ə nolo ɓo? Lə ɓə kɛ, yaai nɔi aa kala? Kɛɛnaa kəlee daa kələn. Nu hva tɛɛ laa?

Woolaa 4:22

Siɔn nɛ̨ɛ̨kpɛla, ə́ wɔ hɔn ɲɔ̨n, aa kpɛɛ, di hvo kɛa pai ə́ həɠəi ə́ heei. Edɔmə hee ɓo nuą, ka wɔ hɔn mə Yai-Laa kaa pai ɉutɔɔi, ə́ kɛ nɛ̨ŋɛ̨n mə gaa pai kulɔi pono ɲą.

Izikiɛ 36:7

«Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ: Gáá gwɛ́lai a ɲéé, gɛ́ diɛ nɔiɠaai tii ka kwɛlɛ, nwumɛ̨ a di ɲɛ̨i paa.

Izikiɛ 36:9

A tɛ̨ą ŋą́ą́ pa ka pɔ, ŋą́ą́ ɲɛ̨́i lɛlɛɛ hee káá. Ka káá pai kɛi a tíi, diɛ mɔ̨nun ɉin ka mɛ̨i.

Abdiasə 1:10

Edɔmə nuą, ka kaayɔwɔɠaa ŋɛ̨i a Ɉakɔbə huwuhu nuą, kaa ɓə di mąą kpoloon, kaa daɠaa paa. Yili ɓa, nwumɛ̨ kaa pai tɛi a kaa, ka laa hvo kɛa pai lɛɛi lɔi mɛ̨i

Lukə 14:26

«Nui gaa bɔ ə hvilɛn búlú, mąąnɛ̨ɛ̨ ə mą́ą́ mɛ̨nį hviɛlaɓo ə dɛɛ gaa nuą diɛ, ə dɛɛ nɛ̨ą ɓa da lonnii, ə dɛɛ gaayɔɠaa diɛ, ə mą kɛ gbɔwɔ kpinįi mąą mɛ̨nį. Nui a wala yili kɛ tii, a kɛ tii hva pɛli kɛi a nwɔ́ kalan non ta.