Mąątɛ̨nɛ̨ 80:1 - Yálá laawoo hɛɓɛ (dc)

¹ Nwələ ɲɛ̨itɔwɔ mun, Yágbudɛn vələ mɛ̨i. Asafə nwɔ kɛla hvaa a wələ.

Yálá laawoo hɛɓɛ

¹ Nwələ ɲɛ̨itɔwɔ mun, Yágbudɛn vələ mɛ̨i. Asafə nwɔ kɛla hvaa a wələ.

Bible

¹ Íwoli tɔ́ɔ kûa, óo yái ya Eezuɛ mɛi kâa yɛ̂ɛ ƃála mɛi káa-nuui, í Zosɛ ŋɔsuui téniŋ tɔ́ɔ yɛ̂ɛ ƃála mɛi káa-nuu. Íkaa seêni íkâloŋ see-sɛŋ ŋá ŋ̀âla-taa kooŋ-sãai kélee mɛi-pere.

Mąątɛ̨nɛ̨ 80:1 Iomraidhean Croise

Samia Veerɛi 6:2

Davidə ə muhəɠə, ə hvilɛn bələ ɓa yɛ li, da nu kpului tii kɛ bɔi, di li Baale-Yehuda; ə gɛ di Yálá nwɔ mįnɛ̨ kəhii həɠə di paa la, yai Yai-Laa Mɛ̨nį Kəlee ŋą Hééɓomun laa kaa mą, yɛ ɓo heeni mąąkpɛ malakaɠaa nwun mɛ̨i.

Tɔɔɓɛlaa veelɛ 19:15

Ə nwoo tɛ Yai-Laa ɓa, yɛ mą: «Yai-Laa, Israɛlə nwɔ Yálá, yɛ́i ə́ kaa heeni mąąkpɛ malakaɠaa nwun mɛ̨i, yɛ́ ɓə a lɔi kəlee nwɔ Yálá tɔ̨nɔ̨, yɛ́ ɓə yələkɔlɔn da lɔi di pɛli.

Zôo 10:3

Ə́ kwəinɛ̨ɛ̨ mɛ̨nį ɓaa yɛ́ níí kələn gwə́i? Yɛ́ wɛli kpɛɛ mąą laa kulɔ a ə́ yee kɛ koló; Yɛ́ nu ɲɔ̨nwɔ̨ɔ̨ɠaa kɛ koló dɔlɔ kɛ mą?

Mąątɛ̨nɛ̨ 45:1

Nwələ ɲɛ̨itɔwɔmun: Da kɛ nwələi ɲɛ̨i ɓa: Yagbudɛ-wələ. Kore lonnii di wɔ kilaa pono wələ woo, wɛlikɛmąą wələ.

Mąątɛ̨nɛ̨ 5:1

Nwələ ɲɛ̨i tɔwɔmun, Davidə wələi ə doo a ɓɔɔ.

Mąątɛ̨nɛ̨ 50:1

Asafə nwɔ wələ woo. Yáláɠaa di wɔ Yálá, Yai-Laa aa hvaa; aa lɔi nuą kəlee təli ɲąąkpɔn ma. Ə həɠə voló kulɔi pələ, ə həli dooi pələ.

Mąątɛ̨nɛ̨ 50:2

Yálá kaa Siɔn daai, yai nɛlɛɛ, mąąkulɔi hvo mą, yɛ lən.

Mąątɛ̨nɛ̨ 55:1

Davidə nwɔ wələ woo. Nwələ ɲɛ̨itɔwɔmun. Gwɛnin nwələ, Davidə nwɔ kilimąą wələ.

Mąątɛ̨nɛ̨ 60:1

Nwələ ɲɛ̨itɔwɔmun. Yagbudɛn mɛ̨i wələ. Davidə nwɔ nu mąąkwɛli wələ woo.

Mąątɛ̨nɛ̨ 69:1

Nwələ ɲɛ̨itɔwɔmun. Yágbudɛn mɛ̨i. Davidə nwɔ wələ woo.

Mąątɛ̨nɛ̨ 77:20

Ə́ ə́ kpaalə laa gboloyá ŋą, yɛ́ tɛɛ yá kpon ɉu kwɛaɠaa hu, nui lɔpee ta hvo ə́ pɔɔ kaa.

Mąątɛ̨nɛ̨ 78:52

Ə nwɔ nuąi kulɔ laa, yɛ li a diɛ yɛ taatɛlɛɛ kpulu, ə li a diɛ nɔi pun ɉu, yɛ ɓɛlaa haaɠaa.

Mąątɛ̨nɛ̨ 78:67

Ə Ɉosɛfə nwɔ pɛ́lɛ́i pili, hvo tí hvo Ɛfraimə nwɔ pɛ́lɛ́i həɠə.

Mąątɛ̨nɛ̨ 80:19

A kɛ kɛa tii, ku hva ku mąąkwɛa yɛ́ a yələ ta; 'ku laahɔnmo yɛnɛ̨ɛ̨, akɛti kwa ə́ təli a ə́ laa.

Mąątɛ̨nɛ̨ 80:3

Ə́ wɔ kuláálaai ə muhəɠə, ə tɔɔ, Ɛfraimə, Bɛnɉamɛn da Manase di tɔwɔ, 'pa ə́ ku ɓalo.

Mąątɛ̨nɛ̨ 80:7

Ku kwɛlɛ nuą diɛ di kwəi kwɛli ku mąą mɛ̨nį hu, ku yowoɠaa diɛ yɛlɛ kulɔi ku hu kpɔ a nelee.

Mąątɛ̨nɛ̨ 94:1

Yai-Laa! Nwąną kulɔ Yálá! 'Ə́ kpɔwɔ lɛ! Nwąną kulɔ Yálá!

Mąątɛ̨nɛ̨ 99:1

Yai-Laa kaa a Heeɓomun, yɛnɛ̨ɛ̨ nuą 'ka ɲɔw mą! Gaa heenin mąąkpɛ malakaɠaa nwun mɛ̨i pələ. Lɔi ə tɔɔ takpa takpa.

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Azaya 60:1

Ɉerusalɛmə, 'haŋąn ə tɔɔ, 'kɛ a kɛɛ pɔ̨nɔ̨, mąąhɔlɔɓo, ə́ wɔ kɛɛ pɔ̨nɔ̨i kaa pai, Yai-Laa nwɔ mąąwiɛ aa muhəɠə, yɛ pa ə́ mɛ̨i.

Azaya 63:11

Nwɔ nuą di di kiliŋąhiɛ kɛa, Moisə nwɔɔ hvolóɠaai diɛ, «Nui nwɔ taatɛlɛɛ pulunuą, kulɔ gboloyá yəi gaa mįnɛ̨? Nu kpɔ ə wɔɔ? A yai nwɔ Nįį-Mąąhəɠɛɛi tɛɛ bɔi?

Izikiɛ 1:13

Di kulaa kɛ hɛn vulúmąąɠaa diɛ, di kɛ pələ ə kɛ yɛ nwɔ̨n dəŋa; ə ɓo yɛ ŋą́ kɛi kpalanŋaa kaa, diɛ li, diɛ pa ɉɛn vulúmąąɠaai tii lɔwai. Nwɔ̨n nən ə kɛi tɛ, ɛlɛɛ mąną-mąnąɠaa diɛ kulɔ nwɔ̨n nən ɉu.

Izikiɛ 10:4

Yai-Laa nwɔ mąąwiɛ ə tɛ ŋələi pələ, mąąkpɛ malaka nwun mɛ̨i bɛlɛ́ laaləi pələ. Bɛlɛ́ laa ə hvɛɛ a tulɔ kpinįn, ɛlɛɛ, ɓɛi nuą da hee laa, Yai-Laa nwɔ mąąwiɛ nwɔ kɛɛ pɔ̨nɔ̨ ə naa laahvɛɛ.

Izikiɛ 34:23

Gáá pai taatɛlɛɛ mɛ̨i kaamun danɔ̨n gbən tɔɔi, nwɔ́ taatɛlɛɛɠaai nwun na, nwɛi, gaa pai kɔ̨nɔ̨n dɛɛi di pɔ; nwɔ́ tímun Davidə ɓə. Nwɛi, gaa pai ɲɛ̨i kɛi diɛ, ya ɓə pai kɛi a di laa hɔn mo mun.

Izikiɛ 43:2

Ŋą́ Israɛlə nwɔ Yálá nwɔ mąąwiɛlaa kaa, yɛ həɠə voló kulɔi pələ, yɛ pa a din gɛnɛ̨ɛ, yɛ ya hvɛɛ tin. Lɔi mɛ̨i ə pɔ̨nɔ̨ a nwɔ mąąwiɛlaa.

Danîa 9:17

Ną́mu Yálá, nɛɛnaa ŋɛ̨i gáá vəi yɛ́, gɛ́ ə́ hvɛli, ə́ wəli tɔɔ nwóó ɓa. Ə́ laa mąą mɛ̨nį ɓa, Ną́mu Yálá, ə́ ɲɛ̨i lɛlɛɛ hee ə́ hee pɛlɛ́ ɓa, yii di kaa mɛlɛkpɛɛi mąą.

Ɉaan 10:14

Ŋą́ nwɔ́ ɓɛlaaɠaai kɔ́lɔn, nwɔ́ ɓɛlaaɠaai di gɔ́lɔn;

Dutɛrɔnome 33:2

«Yai-Laa ə kulɔ Sinai yee ɓa pələ yɛ pa. Yɛ bələi hvóló a ɓɛla la, ə həɠə Seirə pələ, ə ɓɛla nwɔ nuą mɛ̨i, yɛ həɠə Paran yeeɠaa lɔwai ə pa nwɔ nuąi pɔ, nwɔ malakaɠaa di ɓo bɔ; nwɔ tɔ́n yɛ ɓo ɲəi yɛ kpalan nən.

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Piɛrə dɔlɔɔ 2:25

Mąąhɔlɔɓo, ká kəlee ká lanŋąąi kɛ yɛ ɓɛlaaɠaa, kɛlaa yiihu kɛa, káá ká ɲɛ̨i tínɛ̨n ká mɛ̨ikaamun bɔ pələ, yai a ɲɛ̨i kɛ ká nįiɠaa diɛ.

Piɛrə dɔlɔɔ 5:4

Ɓɛlɔwai gbɔn mɛ̨i kaamun gɛnɛ̨ɛ̨ kaa pai pai la, ká káá pai mąąwiɛ ɓɔlɔ hɔlɔɓoi, yai hva haɠa.

M̀ɛni-lɛɛi 21:23

Daa-lee tii mąą kpaan və kɛ hvóló ɓa, ə mą kɛ, ɲąnįn, ɉu pono mɛ̨nį ɓa, gbala ə tɔɔ, Yálá ŋą mąąwiɛlaa ə kɛli ɉu pono, ɛlɛɛ, ŋą kpalan nən maa a Mɛlaa Lon.

Samuɛlə dɔlɔɔ 4:4

Nɔi lonnii di nuą tɔɔ Silo də li di pa a Yai-Laa Mɛ̨nį Kəlee ŋą Hééɓomun nwɔ mįnɛ̨ kəhi, ə ɓo heeni, mąąkpɛ malakaɠaa nwun mɛ̨i, nwɔ mįnɛ̨ kəhii kwɛlɛ, Eli lonnii hveelɛi: Hɔfni da Pinasə di kɛ Yálá nwɔ mįnɛ̨ kəhii kwɛlɛ.