Mąątɛ̨nɛ̨ 74:8 - Yálá laawoo hɛɓɛ (dc)

⁸ Di kəlee di woo ə laa mą, gɛɛnąąɠaai da ə́ mąąwiɛ laa, diɛ nąą gəlee kələn nɔi kwəi.

Yálá laawoo hɛɓɛ

⁸ Di kəlee di woo ə laa mą, gɛɛnąąɠaai da ə́ mąąwiɛ laa, diɛ nąą gəlee kələn nɔi kwəi.

Bible

⁸ Dí kɛ̀ ŋ̀wɛ̂lii dí kúkelee kúsu kara kpúŋ. Dí ŋ̀âla fɛli kwaa-ŋai kélee ma kéreŋ kúlɔii su.

Mąątɛ̨nɛ̨ 74:8 Iomraidhean Croise

Tɔɔɓɛlaa veelɛ 2:3

Yálá kwəi mɛ̨nį hukulɔ nuą di wɔ kalan nəai kɛ Betɛlə, di di mąą lɛɠɛ Elise ɓa, diɛ mą: «Ə kili kaa ɉu yɛ́ kələi ɓə Yai-Laa kaa ə́ kalamɔ̨ɔ̨ həɠəi la ə́ mɛ̨i?» Yɛ diɛ: «Gíli kaa tii ɉu; ka ka laa pilɛ.»

Tɔɔɓɛlaa veelɛ 2:5

Yálá kwəi mɛ̨nį hukulɔ nuą di wɔ kalan nɛa di kɛ Ɉeriko, diɛ Elise ɓa: «Ə́ kili kaa ɉu yɛ́ kɛ háákələi ɓə Yai-Laa kaa ə́ wɔ kalamɔ̨ɔ̨ həɠəi la ə́ nwun mɛ̨i?» Elise yɛ diɛ: «Gíli kaa kpɔ tii ɉu, ka ka laa pilɛ.»

Tɔɔɓɛlaa veelɛ 4:23

Ɉilɛ yɛ mą: «Lə mɛ̨nį ɓa, yɛ́ ə́ li háákələi laa? Yaan, hvo kpɛli a ɲąnin dɔɔ nįnɛ̨, hvo nwɔ̨nɔ̨ a túwɔ́ lɔwɔ?» Nɛ̨ɛ̨nui yɛ ɉilɛ ɓa: «Hvó ə́ liihɛlɛn!»

Kɔlɔnikɔ Veerɛi 17:9

Yai-Laa ŋą tɔ́n ɉɛɓɛ́i ɓə kɛ di yəi, di tɛɛ la Ɉuda lɔi hu taaɠaa kəlee hu, diɛ nuą mąąkwɛli mą.

Mąątɛ̨nɛ̨ 137:7

Yai-Laa, ə́ kiliŋąhiɛ Edɔmə lonnii diɛ, diɛ ɓə kɛi kɛ diɛ, a Ɉerusalɛmə pu yələ: «'Ka bu, 'ka bu kpɔ, 'ka dɔɔ kwɛni kəlee həɠə gee mɛ̨i.»

Mąątɛ̨nɛ̨ 83:4

Di kaa nɔgilii kɛi a ə́ wɔ nu kanŋaai, diɛ ɲaɓa nwun dɔɔ kɛ ə́ wɔ hɛn gɔwi ɓa.

Mąątɛ̨nɛ̨ 83:5

Diɛ kɛ diɛ: «'Ka pa ka gu di huwu pu, gu di kpɛɛ lɔi mɛ̨i, di hvo kɛa Israɛlə laa mɛ̨n yɛnɛ̨ɛ̨ ɓɛ.»

Maafîu 4:23

Jesus ə li Galile lɔi hu nąą kəlee, yɛ nuą kalan, di wɔ Yálá hvɛli pɛlɛ́ɠaa mu. Yɛ Yálá-taa tɔɔlaa mąą wɛlɛɛ lɛlɛɛ laa həli, yɛ ɲɔ̨n ɉuwu kəlee kɛ nuą kɔ́lɔi pono, ə mą kɛ yiiɠaai kpɛɠi ə kɛ diɛ, nuą lɔwai.