Mąątɛ̨nɛ̨ 74:3 - Yálá laawoo hɛɓɛ (dc)

³ Daa kpoloonŋaa ŋɛ̨i lii vɛ-vɛ, 'pa, ə́ ə́ ɲɛ̨i pili di mɛ̨i; ə́ yowo aa bɛlɛ́ mąąhəɠɛɛ mu hɛn gəlee kala.

Yálá laawoo hɛɓɛ

³ Daa kpoloonŋaa ŋɛ̨i lii vɛ-vɛ, 'pa, ə́ ə́ ɲɛ̨i pili di mɛ̨i; ə́ yowo aa bɛlɛ́ mąąhəɠɛɛ mu hɛn gəlee kala.

Bible

³ Pá í ƃɛ́i káa da nàa su kàrai. Kúkpɔara-ƃelai da zãâi kélee su-kara kɛ̀ Ípɛrɛ Kɛ́tɛi mui.

Mąątɛ̨nɛ̨ 74:3 Iomraidhean Croise

Tɔɔɓɛlaa veelɛ 25:9

ə Yai-Laa hee pɛlɛ́ kələn, da tɔɔmun nwɔ pɛ́lɛ́i, ə mą kɛ, Ɉerusalɛmə pɛlɛ́ɠaa kəlee.

Nehemi 1:3

Diɛ mą́ą́: «Nuąi həɠə nuwɔ laa hu, di haa laa nɔi mɔ̨nɔ̨ kɛnɛ̨ hu, da nwunmɛ̨. Ɉerusalɛmə mąąkpɛɛ hįį puɔ naa taɠaa, ɛlɛɛ, gbonŋąą kələnŋąą.»

Nehemi 2:13

Ŋą́ kulɔ kwii hąą, a nɛ̨ŋɛ̨ lɔi hu kpon gɛɛnąą pələ, ŋį́ ɉon a gaalə yá nwun gulɔi pələ da dulun ŋą kpon gɛɛnąą pələ. Ŋą́ Ɉerusalɛmə hįį mąąkpɛ kpɔ a nɛlɛɛ. Buɔi kɛ nąą kəlee, ɛlɛɛ, nwɔ̨n aa kɛ gbonŋąą kələn.

Nehemi 2:3

Gɛ́ tɔɔmun ma: «Ə́ lamun yɛnɛ̨ɛ̨ Yálá ə kɛ! Lə mɛ̨nį ɓa, ɲį́nąą hva kɛ a ɲiliɛ! Daai ną́nni kámą kaa ɉu, aa lɛɛ a taa kpoloon, nwɔ̨n aa ɉįi kponŋąą kəlee kələn!»

Mąątɛ̨nɛ̨ 44:23

Ə́ mąą mɛ̨nį ɓə da tuwɔ ku paai la, diɛ ku hon yɛ ɓɛlaa lonnii di kaa lii di paai.

Mąątɛ̨nɛ̨ 44:26

Hvó mɔ̨ɔ̨ ku kaai, ku ɓo puuni munuun ɉu, ku laa pɛlɛɛ pɔlɔ ɓa?

Mąątɛ̨nɛ̨ 79:1

Asafə nwɔ wələ woo. Ee Yálá! Hįi takpɛliɠaa daa lɔ ə́ kwɛlin nɔi hu, daa ə́ wɔ pɛ́lɛ́i mąąliɓi; daa Ɉerusalɛmə lɛɛ a taa kpoloon.

Azaya 10:6

Gáá ɲąątɔɔi lɔi ɲɔ̨nwɔ̨ɔ̨ ɓa, gáá dɔɔi nu huwui niiholii bɔ́, yɛ di wɔ hɛn gɔwɠaai həɠə, yɛ too di mɛ̨i, yɛ di kiin giin, gɔwɔ mu yɛ da kɛli pɔlɔ tan.

Azaya 25:10

Yai-Laa kaa pai ɲee pɛlɛi ɲeei ŋɛ̨i mɛ̨i, Kɛlaa, di kaa pai Moabə hu woloi ɲąą ɓa, yɛ bələi mɔ̨nun-danmun a mɔ̨nun dan na.

Azaya 61:4

Hɛnŋąąi kpɔ kɛ daa di lɛɛ a gboloon, di kaa pai pənəi di gəlee tɔɔ, bɛlɛ́ɠaai wɔlɔ di di pu, da pənə di gəlee tɔɔ, daaɠaai wɔlɔ di di wolo, di kaa pai pənəi di gəlee tɔɔ, da mąąwɛli mɛ̨nįɠaai kpɔ tii wɔlɔ daa lamun a kwɛlan damąą.

Ɉeremi 52:13

Ə nwɔ̨n nɔ Yálá hee pɛlɛ́ hu, da tɔɔmun nwɔ pɛlɛ́i, ə mą kɛ, Ɉerusalɛmə nu kpɛa kpɛaa di wɔ pɛlɛ́ɠaai.

Woolaa 1:10

Ɲowoɠaa daa ɲəi hɛn gɔw kəlee həɠə. Ɉerusalɛmə kpįnįi, ɲɛ̨i aa lɛɛ ɲowoɠaa diɛ, diɛ lɔ gɛɛnąą mąąhəɠɛɛ ɓa, ɓɛi ə́ tɔ́n dɔɔ mą nu takpɛliɠaa lɔ mɛ̨ni ɓa laa!

Danîa 11:31

Yai tii, gaa pai kɔ́kulááɠaa tɔɔi, ə gɛ, di kɔ́ pɛlɛ Yálá nwɔ taai ŋɛ̨i mąątínɛ̨n ŋąą a hįi ma, di kaa pai mɛlɛkpɛɛ ma. Ɉaláái ŋɛ̨i da gulɔ Yálá ɓa a hvoló kəlee, di kaa pai tɔ́n dɔɔi yili ɓa, di ‹mɛ̨nį kɔ́hɔɓoɔ laa ɉaláá kulɔi.›

Danîa 9:17

Ną́mu Yálá, nɛɛnaa ŋɛ̨i gáá vəi yɛ́, gɛ́ ə́ hvɛli, ə́ wəli tɔɔ nwóó ɓa. Ə́ laa mąą mɛ̨nį ɓa, Ną́mu Yálá, ə́ ɲɛ̨i lɛlɛɛ hee ə́ hee pɛlɛ́ ɓa, yii di kaa mɛlɛkpɛɛi mąą.

Danîa 9:27

Gwɛlan mɛ̨ihveelɛ lɔwai tii yee mu, da nu kpulu kɛnɛ̨ di kaa pai mįnɛ̨ walawala həɠəi. Kwɛlan ɉaaɓa da gbulɔ yee mu, gaa pai gɛi haláá kulɔ mɛ̨nį da Yálá kɔ́ mɛ̨nįɠaa hu. Gɛɛ kalamun gɛnɛ̨i tii kaa pai nwɔ mɛ̨nį ɲɔ̨nŋaai tii kɛi kpɔ a mąąhulaa, gɛɛ nɔwai ŋɛ̨i di ɲɛɠɛ ɉu hvo kɛ həlii ma.»

Mise 1:3

Yai-Laa kaa kulɔi ɲəi bɛlɛ́n yɛ yɛɛ, gaa hiɛi yɛnɛ̨ɛ̨ hɛnŋąą nwun mɛ̨i.

Mise 3:12

Yili mąą mɛ̨nį ɓa ɛlɛɛ nwɔ̨nɔ̨, ka mąą mɛ̨nį ɓa, di kaa pai Siɔn hin ɉii yɛ tíi, Ɉerusalɛmə yɛ lɛɛ a pɛlɛ́ kpoloon buɔ ɉimįnín ma, ɛlɛɛ, ɲeei tii Yálá hee pɛlɛ́ tɔɔ mɛ̨i, kala kpili yɛ tɛ mą.

Markə 11:17

Yili pulu ə di kalan yɛ diɛ: «Yálá ə mo nawoo hu, yɛ diɛ: ‹Nwɔ́ pɛlɛ́ kaa pai kɛi a yɛnɛ̨ɛ̨ nąą kəlee nuą di wɔ Yálá hvɛli pɛlɛ́.› Kɛlaa ka wɛi, kaa gɛ a nwuɔ̨ nuą hee pɛlɛ́.»

Lukə 21:24

Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Zasua 10:24

Dɔɔɓɛlaa lɔɔlii tii kulɔi di mo di pa a diɛ Ɉosue pɔ, yili ə Israɛlə lonnii təli, yɛ gɔ́laɠa ɲɛ̨itɔwɔ nuą diɛ: «Ka lɛɠɛ ɓɛ, ka ka kɔ́wɔ hvilɛn dɔɔɓɛlaai ŋɛ̨i kɔ́n bulu.» Di lɛɠɛ laa, di di kɔ́wɔ hvilɛn dɔɔɓɛlaa kɔ́n bulu.

M̀ɛni-lɛɛi 11:2

Kɛlaa, Yálá hee pɛlɛ́ gwəli hąą kɛnɛ̨i tii, nɛɛ laa, 'hvó nąą kɔɔn, mąąhɔlɔɓo, daa nąą kwɛlɛ huwu takpɛliɠaa pɔ, diɛ pa hiɛ daa mąąhəɠɛɛ mɛ̨i, ə lɛɛ ɉu, ɲąnįn bow-nąąn-kɔw-hveelɛ yee mu.